Connect with us

កម្ពុជា​ ​នឹង​ចាប់ផ្តើម​បញ្ជូន​ពលករ​ជំនាញ​ ​ទៅ​បំពេញ​កង្វះខាត​កម្លាំង​ពលកម្ម​នៅ​ជប៉ុន​ ​ក្នុង​ខែមេសា​ ​ឆ្នាំ២០១៩នេះ​

ភ្នំពេញ​ ​៖​ ​ទីបំផុត​ ​ប្រទេស​ជប៉ុន​ ​បាន​បើកភ្លើង​ខៀវ​ដល់​កម្ពុជា​ ​ក្នុង​ការ​បញ្ជូន​ពលករ​ជំនាញ​ ​ទៅ​ធ្វើការងារ​ផ្លូវការ​នៅ​ប្រទេស​ជប៉ុន​ ​ចាប់ពី​ខែមេសា​ ​ឆ្នាំ​ ​២០១៩​ ​តទៅ​ ​។​ ​
​ការ​បើកភ្លើង​ខៀវ​នេះ​ ​ត្រូវ​បាន​ជូនដំណឹង​ដោយ​ឯកអគ្គ​រដ្ឋទូត​ជ​ប៉ុ​នប្រ​ចំា​នៅ​កម្ពុជា​ ​ក្នុង​ជំនួប​ជាមួយនឹង​រដ្ឋមន្រ្តី​ក្រសួងការងារ​ ​និង​បណ្តុះបណ្តាល​វិជ្ជាជីវៈ​កម្ពុជា​ ​។​ ​ក្នុង​ជំនួប​នោះ​ដែរ​ ​ទូត​ជប៉ុន​ ​ក៏បាន​ប្រាប់​ ​ពី​ប្រព័ន្ធ​បញ្ជូន​អ្នកបច្ចេកទេស​ ​និង​កម្មករ​ ​ដែល​មាន​ជំនាញ​ខ្ពស់​ ​ទៅ​ធ្វើការ​នៅ​ប្រទេស​ជប៉ុន​តាម​កំណែទម្រង់​ច្បាប់​ថ្មី​របស់​ជប៉ុន​ ​។​


​ថ្លែងប្រាប់​ក្រុម​អ្នកសារព័ត៌មាន​ក្រោយ​ជំនួប​នោះ​ ​លោក​ ​អ៊ិ​ត​ ​សំ​ហេង​ ​រដ្ឋមន្ត្រី​ក្រសួងការងារ​ ​និង​បណ្តុះបណ្តាល​វិជ្ជាជីវៈ​ ​បាន​បញ្ជាក់​បន្ថែម​ថា​ ​រដ្ឋាភិបាល​ជប៉ុន​ ​បាន​បើកឱកាស​ចំពោះ​ពលករ​កម្ពុជា​ដែល​មាន​ជំនាញ​ខ្ពស់​ ​ដើម្បី​ទៅ​ធ្វើការងារ​នៅ​ប្រទេស​ជប៉ុន​ ​បន្ទាប់ពី​ជប៉ុន​ ​បាន​បង្កើត​ច្បាប់​ថ្មី​មួយ​ទាក់ទង​ទៅ​នឹង​ការ​ជ្រើសរើស​ ​បណ្ដុះបណ្ដាល​ ​និង​ទទួលយក​ពលករ​បរទេស​ ​ទៅ​ ​ធ្វើការ​ ​។​
​លោក​ ​រដ្ឋមន្រ្តី​ ​បាន​ចាត់ទុកថា​ ​វា​ជា​ឱកាស​ការងារ​ថ្មី​មួយ​ ​សម្រាប់​ប្រជាពលរដ្ឋ​កម្ពុជា​ ​តាមរយៈ​ការ​បញ្ជូន​ពលករ​ពេញ​សិទ្ធិ​ ​និង​ ​មាន​ជំនាញ​ទៅ​ធ្វើការ​នៅ​ប្រទេស​ ​ជប៉ុន​ ​ដោយសារ​ពួកគេ​អាច​ស្វែងរក​ការងារ​ដែល​មាន​ជំនាញ​ខ្ពស់​ ​និង​ទទួល​បាន​ ​ប្រាក់ខែ​ខ្ពស់​។​
​ការ​បញ្ជូន​ពលករ​នេះ​ ​វា​នឹង​បំពេញ​តម្រូវការ​ការ​ខ្វះខាត​កម្លាំង​ពលកម្ម​របស់​ប្រទេស​ជប៉ុន​ ​ហើយនឹង​លើកកម្ពស់​កិច្ច​សហប្រតិបត្តិ​ការ​រវាង​កម្ពុជា​-​ជប៉ុន​ ​។​ ​ភាគី​ទាំង​ ​២​ ​ក៏បាន​និង​កំពុងតែ​ពិភាក្សា​គ្នា​ ​ដើម្បី​ឈាន​ទៅ​ការ​ចុះហត្ថលេខា​លើ​កិច្ច​ព្រមព្រៀង​ក្នុង​ការ​ជ្រើសរើស​ ​បណ្ដុះបណ្ដាល​ ​និង​បញ្ជូន​ពលករ​កម្ពុជា​ ​ទៅ​ធ្វើការ​នៅ​ជប៉ុន​ ​ដែល​អាច​នឹង​ចាប់ផ្ដើម​អនុវត្ដ​ក្នុង​ខែមេសា​ ​ឆ្នាំ​ ​២០១៩​ ​ខាងមុខនេះ​។​


​សូម​បញ្ជាក់​ថា​ ​កន្លងមក​ប្រទេស​កម្ពុជា​ ​បាន​បញ្ជូន​តែ​កម្មសិក្សា​ការី​ ​គឺ​ ​អ្នក​ដែល​ទៅ​សិក្សា​ផង​និង​ទៅ​ធ្វើការ​ផង​តែប៉ុណ្ណោះ​ ​ឲ្យ​ទៅ​ប្រទេស​ជប៉ុន​ ​ដែល​ ​បច្ចុប្បន្ន​នេះ​ ​មានកម្ម​សិក្សា​ការី​ ​ដែល​កំពុង​សិក្សា​និង​ធ្វើការ​នៅ​ជប៉ុន​ ​មាន​ប្រមាណ​ជាង​ ​៩​ ​ពាន់​នាក់​៕​

 

  • អត្ថបទទាក់ទង :
  • Featured
Loading...

ពេញនិយម