Connect with us

កម្ពុជា​ ​បាន​បញ្ចប់​ការនាំចូល​អំបិល​ពី​ប្រទេស​ចិន​ ​ក្រោយ​ការផលិត​ក្នុង​ស្រុក​ ​ទទួល​បាន​លទ្ធផល​ល្អ​

កំពត​៖​ ​កម្ពុជា​ ​បាន​បញ្ចប់​ការនាំចូល​អំបិល​ពី​ប្រទេស​ចិន​ ​ត្រឹម​បរិមាណ​នាំចូល១ម៉ឺន​តោន​ ​នៃ​ផែនការ​នាំចូល៣ម៉ឺន​តោន​ ​ដែល​កម្ពុជា​ ​បាន​ចុះ​កុងត្រា​នាំចូល​ដើម្បី​ផ្គត់ផ្គង់​ទីផ្សារ​របស់​ខ្លួន​ ​ក្រោយពី​កម្ពុជា​ ​ខកខាន​ផលិត​អំបិល​ ​តាម​បរិមាណ​ដែល​ខ្លួន​ត្រូវការ​ ​អស់​រយៈពេល​ពីរ​រដូវ​កាល​ជាប់​ៗ​គ្នា​ ​។​ ​
​លោក​ ​ប៊ុ​ន​ ​បារាំង​ ​ប្រធាន​សហគមន៍​អ្នក​ផលិត​អំបិល​កំពត​-​កែប​ ​បាន​អះអាង​ថា​ ​សហគមន៍​អ្នក​ផលិត​អំបិល​ ​បាន​នាំចូល​អំបិល​ចំនួន១ម៉ឺន​តោន​រួចរាល់​ហើយ​ ​ប៉ុន្តែ​ ​ខ្លួន​មិន​អាច​នាំចូល​បរិមាណ​អំបិលដែល​ខ្លួន​បាន​សន្យា​នាំចូល​ប្រមាណ២ម៉ឺន​តោន​ផ្សេងទៀត​នោះ​ទេ​ ​ដោយសារ​ការផលិត​អំបិល​ក្នុង​ស្រុក​ ​បាន​ចាប់ផ្តើម​ដំណើរការ​ដោយ​ទទួលលទ្ធផល​ល្អ​ ​។​ ​

លោក ប៊ុន បារាំង ប្រធានសហគមន៍

​លោក​ ​ប៊ុ​ន​ ​បារាំង​ ​បាន​បន្ថែម​ថា​ ​តាមរយៈ​កិច្ចសន្យា​នាំចូល​អំបិល​ពី​ប្រទេស​ចិន​ ​កម្ពុជា​ត្រូវការ​អំបិល​សម្រាប់​ផ្គត់ផ្គង់​ទីផ្សារ​ក្នុង​ស្រុក​ ​សម្រាប់​ខែវិច្ឆិកា​ ​ខែធ្នូ​ ​នៃ​ឆ្នាំ២០១៨​ ​និង​ ​ខែមករា​ ​នៃ​ឆ្នាំ២០១៩​ ​។​ ​ប៉ុន្តែ​ ​ក្រោយ​ការនាំចូល​ត្រឹម១ម៉ឺន​តោន​ ​ការផលិត​អំបិល​ក្នុង​ស្រុក​ ​ក៏​ទទួល​បាន​លទ្ធផល​ល្អ​ ​ដែល​មិន​តម្រូវឲ្យ​មានការ​នាំចូល​បន្ថែម​នោះ​ទេ​ ​ព្រោះ​បារម្ភ​ចំពោះ​ការ​ធ្លាក់ចុះ​តម្លៃ​អំបិល​ ​និង​ ​ការ​ចាល់​ផលិតផល​ក្នុង​ស្រុក​ ​។​ ​
​លោក​ ​ប៊ុ​ន​ ​បារាំង​ ​បាន​បញ្ជាក់​ថា​ ​ទោះបី​កម្ពុជា​ខកខាន​នាំចូល​គ្រប់​បរិមាណ​ដែល​ខ្លួន​បាន​សន្យា​នាំចូល​ ​ក៏​កម្ពុជា​មិន​រង​ការ​ពិន័យ​ណាមួយ​នោះ​ដែរ​ ​ព្រោះ​កិច្ចសន្យា​ ​ក៏បាន​ចង​រួចជាស្រេច​ថា​ ​ការនាំចូល​ ​នឹង​បញ្ឈប់​នៅពេល​ការផលិត​ក្នុង​ស្រុក​ ​ឆ្លើយតប​នឹង​តម្រូវការ​ឡើងវិញ​ ​។​ ​


​សូម​បញ្ជាក់​ថា​ ​ផលិតកម្ម​អំបិល​ក្នុង​ខេត្តកំពត​ ​និង​ខេត្ត​កែប​ ​មាន​សហគមន៍​ផលិត​អំបិល​ចំនួន​ ​៧​ ​ដែល​គ្រប់​ដ​ណ្តាប់​លើ​ដីស្រែ​អំបិល​ជាង​ ​៤ពាន់​ហិ​ក​តា​ ​ហើយ​ត្រូវ​បាន​បែងចែក​ជា​ក្រុម​ផ​លិ​ត​តូច​ៗ​ ​ជិត​ ​២០០​ ​ក្រុម​ផ្សេងទៀត​។​
​លោក​ ​ប៊ុ​ន​ ​បារាំង​ ​បាន​ឲ្យដឹង​ថា​ ​ថ្វីត្បិតតែ​ប្រឈមមុខនឹង​ដី​ឡើងថ្លៃ​ ​នៅ​តាម​តំបន់​មាត់សមុទ្រ​នៃ​ខេត្ត​កែប​ ​និង​កំពត​ ​តែ​បរិមាណ​ផលិត​អំបិល​ ​ចេញពី​តំបន់​នេះ​ ​មិន​គួរឲ្យ​បារម្ភ​ចំពោះ​ការ​ធ្លាក់ចុះ​នោះ​ទេ​ ​ព្រោះ​ផ្ទៃដី​សម្រាប់​ផលិត​ ​មិន​តម្រូវឲ្យ​បង្វែរ​ទៅ​ធ្វើសកម្មភាព​ផ្សេង​ ​ក្រៅពី​ការផលិត​អំបិល​នោះ​ទេ​ ​៕​

  • អត្ថបទទាក់ទង :
  • Featured
Loading...

ពេញនិយម