កម្ពុជា​ ​អនុម័ត​លើ​គម្រោង​វិនិយោគ​ទីក្រុង​ទេសចរណ៍​ ​និង​សណ្ឋាគារ​ផ្កាយ៥​ ​តម្លៃ​ទុន​ជិត​ ​៦០០លាន​ដុល្លារ​

ភ្នំពេញ​ ​៖​ ​ក្រុមប្រឹក្សា​អភិវឌ្ឍន៍​កម្ពុជា​ ​(​CDC​)​ ​បានសម្រេច​អនុម័ត​លើ​គម្រោង​វិនិយោគ​ទីក្រុង​ទេសចរណ៍​ ​និង​សណ្ឋាគារ​ប្រណិត​ចំនួន​ពីរ​ផ្សេងគ្នា​ ​ដែល​មានតម្លៃ​ទុន​វិនិយោគ​ជិត​ ​៦០០លាន​ដុល្លារ​អាមេរិក​ ​ស្ថិត​ខេត្ត​ជាប់​តំបន់ឆ្នេរ​របស់​ព្រះរាជាណាចក្រ​កម្ពុជា​ ​។​
​យោង​តាម​របាយការណ៍​របស់​ក្រុមប្រឹក្សា​អភិវឌ្ឍន៍​កម្ពុជា​ ​ដែល​បាន​បង្ហាញ​នៅ​លើ​ទំ​ព័រ​ហ្វេ​ស​ ​ប៊ុ​ក​របស់​ខ្លួន​ ​បាន​ឲ្យដឹង​ថា​ ​គម្រោង​វិនិយោគ​នោះ​ ​គឺ​មាន​ក្រុមហ៊ុន​ ​Union​ ​City​ ​Development​ ​Group​ ​CO​.​,​LTD​ ​ដែល​មាន​គម្រោង​អភិវឌ្ឍន៍​ទីក្រុង​ទេសចរណ៍​ ​“​TEMI​”​ ​រួមមាន​ ​៖​ ​សណ្ឋាគារ​ថ្នាក់​ផ្កាយ៥​ ​ចំនួន៨០០បន្ទប់​ ​មជ្ឈមណ្ឌល​ពាណិជ្ជកម្ម​ ​តារាង​វាយកូនគោល​ ​បឹង​ហ្គា​ឡូ​ ​ផ្ទះ​វីឡា​ ​រមណីយដ្ឋាន​ទេសចរណ៍​ ​សួន​កំសាន្ត​ ​ចំណតកប៉ាល់​ ​និង​គ​ម្រោ​ង​ផ្សេង​ៗ​មួយចំនួន​ទៀត​ ​ដែល​មាន​ទីតាំង​វិនិយោគ​ស្ថិតនៅ​ស្រុក​គីរីសាគរ​ ​ខេត្តកោះកុង​ ​មាន​ទុន​វិនិយោគ​ប្រមាណ​ ​៥០០លាន​ដុល្លារ​អាមេរិក​ ​និង​អាចប​ង្កើត​ការងារ​បាន​ចំនួន​ ​៥១៥០កន្លែង​ ​។​
​ដោយឡែក​ ​គម្រោង​វិនិយោគ​មួយទៀត​នោះ​ ​គឺ​ ​ក្រុមហ៊ុន​ ​Nanjing​ ​Dadi​ ​Construction​ ​(​CAMBODIA​)​ ​Development​ ​Group​ ​CO​.​,​LTD​ ​ដែល​មាន​គម្រោង​សាងសង់​ ​និង​អាជីវកម្ម​សណ្ឋាគារ​ថ្នាក់​ផ្កាយ៥​ ​ចំនួន​ ​៣០០បន្ទប់​ ​មជ្ឈមណ្ឌល​ពាណិជ្ជកម្ម​ ​និ​ងរីហ្ស​ត​ ​ដែល​មាន​ទីតាំង​វិនិយោគ​ស្ថិតនៅ​ភូមិ​អុង​ ​ឃុំ​រាម​ ​ស្រុក​ព្រៃនប់​ ​ខេត្ត​ព្រះសីហនុ​ ​មាន​ទុន​វិនិយោគ​ប្រមាណ​ ​៨៨,៤លាន​ដុល្លារ​អាមេរិក​ ​និង​អាចប​ង្កើត​ការងារ​បាន​ចំនួន​ ​២៥៩៨កន្លែង​ ​៕​