ក្រុម​ ​U22​ ​ឥណ្ឌូ​នេ​ស៊ី​ ​និង​ ​ក្រុម​ ​U22​ ​ម៉ាឡេស៊ី​ ​ទទួល​បាន​មួយ​ពិន្ទុ​ ​ដូចគ្នា​ ​ក្រោយ​បញ្ចប់​ការប្រកួត​ ​ដោយ​លទ្ធផល​ ​២​ ​ទល់នឹង​ ​២​

ភ្នំពេញ​ ​៖​ ​ទីបំផុត​ ​ក្រុម​ ​U22​ ​របស់​ប្រទេស​ឥណ្ឌូ​នេ​ស៊ី​ ​និង​ ​ក្រុម​ ​U22​ ​របស់​ប្រទេស​ម៉ាឡេស៊ី​ ​ទទួល​បាន​មួយ​ពិន្ទុ​ដូចគ្នា​ ​ក្រោយ​ការប្រកួត​ដ៏​ស្វិតស្វាញ​ ​និង​បាន​បញ្ចប់​ទៅ​ដោយ​លទ្ធផល​ ​២​ ​ទល់នឹង​ ​២​ ​។​ ​
​ក្រុម​ ​U22​ ​ឥណ្ឌូ​នេ​ស៊ី​ ​បាន​បើក​ការប្រកួត​ជាមួយ​ក្រុម​ ​U22​ ​ម៉ាឡេស៊ី​ ​នៅ​ពហុ​កីឡដ្ឋាន​ជាតិ​អូឡាំពិក​ ​ចាប់ពី​វេលា​ម៉ោង​ ​១៥​ ​និង​ ​៣០នាទី​ ​រសៀល​ ​ដោយ​ក្នុង​នោះ​ ​ពេញ​មួយ​តង់​ទី១​ ​ក្រុម​ទាំងពីរ​ ​មិន​អាច​រក​គ្រាប់​បាល់​ស៊ុត​បញ្ជូល​ទី​គ្នា​ ​បាន​នោះ​ទេ​ ​។​ ​
​ចូល​ដល់​តង់​ទី២​ ​ក្រុម​ ​U22​ ​ឥណ្ឌូ​នេ​ស៊ី​ ​ធ្វើ​បានសម្រេច​ ​ដោយ​ស៊ុត​បាល់​បញ្ជូល​ទី​ ​បាន​មួយ​គ្រាប់​ ​មុន​នៅ​នាទី​ទី​ ​៥២​ ​ដោយ​កីឡាករ​ ​Satria​ ​Tama​ ​Hardiyanto​ ​ប៉ុន្តែ​ ​រយៈ​ជិត១០នាទី​ក្រោយមក​ ​ក្រុម​ ​U22​ ​ម៉ាឡេស៊ី​ ​បាន​ស៊ុត​បញ្ជូល​ទីមួយ​គ្រាប់​ ​តាម​ស្មើ​វិញ​ ​នៅ​នាទី​ទី៦២​ ​ដោយ​កីឡាករ​ ​Syahiran​ ​Nik​ ​Mat​ ​។​ ​តាមរយៈ​ការ​ខិតខំ​យ៉ាង​ស្វិតស្វាញ​ ​ក្រុម​ ​U22​ ​ឥណ្ឌូ​នេ​ស៊ី​ ​រកបាន​គ្រាប់​ទី២​ ​របស់​ខ្លួន​ ​នៅ​នាទី​ទី៧៧​ ​ដោយ​កីឡាករ​ ​Muhamad​ ​Luthfi​ ​Kamalbaharsyah​ ​ប៉ុន្តែ​ក្រុម​ ​U22​ ​ម៉ាឡេស៊ី​ ​តាម​បាន​មួយ​គ្រាប់​ស្មើ​វិញទៀត​ ​នៅ​នាទី​ទី៨៦​ ​ដោយ​កីឡាករ​ ​Hadi​ ​Fayyadh​ ​Abdul​ ​Razak​ ​។​ ​ចប់​ការប្រកួត​ ​ក្រុម​ឥណ្ឌូ​នេ​ស៊ី​ ​និង​ ​ក្រុម​ម៉ាឡេស៊ី​ ​ទទួល​បាន​លទ្ធផល​ស្មើគ្នា​ ​២​ ​ទល់នឹង​ ​២​ ​និង​ទទួល​បាន​ ​១ពិន្ទុ​ដូចគ្នា​ ​។​ ​
​តាមរយៈ​លទ្ធផល​នេះ​ ​ក្រុម​ឥណ្ឌូ​នេ​ស៊ី​ ​ទទួល​បាន​សរុប​ ​២ពិន្ទុ​ ​ក្រោយ​ការប្រកួត​ ​២លើក​ ​និង​ ​ឈរ​លេខ២​ ​នៅក្នុង​ពូល​ ​B​ ​ជា​បណ្តោះអាសន្ន​ ​ដោយ​រង់ចាំ​មើល​លទ្ធផល​នៃ​ការប្រកួត​រវាង​ក្រុម​ ​U22​ ​កម្ពុជា​ ​និង​ ​ក្រុម​ ​U22​ ​មីយ៉ាន់ម៉ា​ ​។​ ​កាលពី​ប្រកួត​ដំបូង​ ​ក្រុម​ ​U22​ ​ឥណ្ឌូ​នេ​ស៊ី​ ​ក៏​ធ្វើ​បាន​ត្រឹម​លទ្ធផល​ ​១​ ​ទល់នឹង​ ​១​ ​ជាមួយ​ក្រុម​មីយ៉ាន់ម៉ា​ ​ផង​ដែរ​ ​។​ ​
​សម្រាប់​ការប្រកួត​បន្ទាប់​ ​គឺ​ក្រុម​ឥណ្ឌូ​នេ​ស៊ី​ ​នឹង​ត្រូវ​ជួប​ជាមួយ​ក្រុម​កម្ពុជា​ ​ដែល​ជា​ម្ចាស់ផ្ទះ​ ​ខណៈ​ដែល​ក្រុម​ម៉ាឡេស៊ី​ ​នឹង​ត្រូវ​ជួប​ជាមួយ​ក្រុម​មីយ៉ាន់ម៉ា​ ​នៅ​ថ្ងៃទី​ ​២២​ ​ខែកុម្ភៈ​ ​៕​