Connect with us

អបអរសាទរ​!​ ​ក្រុម​ ​U22​ ​កម្ពុជា​ ​បាន​កក់​កៅអី​ឡើង​ទៅ​វគ្គពាក់កណ្តាលផ្តាច់ព្រ័ត្រ ​ក្រោយ​ទទួល​ជ័យជម្នះ​លើ​ក្រុម​មីយ៉ាន់ម៉ា​ ​២​ ​ទល់នឹង​សូន្យ​

ភ្នំពេញ​ ​៖​ ​ទីបំផុត​ ​ក្រុម​ ​U22​ ​របស់​កម្ពុជា​ ​បាន​កក់​កៅអី​នៅ​វគ្គពាក់កណ្តាលផ្តាច់ព្រ័ត្រ ​នៃ​ព្រឹត្តិ​ការណ៍​ប្រកួត​បាល់ទាត់​ពានរង្វាន់​ ​AFF​ ​U22​ ​Championship​ ​2019​ ​ក្រោយ​យកជ័យ​ជម្នះ​ ​ក្នុង​លទ្ធផល​ ​២​ ​ទល់នឹង​សូន្យ​ ​ទៅលើ​ក្រុម​ ​U22​ ​របស់​មីយ៉ាន់ម៉ា​ ​។​

​ក្រុមបាល់ទាត់​ជម្រើសជាតិ​អាយុ​ក្រោម​ ​២២ឆ្នាំ​ ​កម្ពុជា​ ​បាន​បើក​ការប្រកួត​យ៉ាង​ស្វិតស្វាញ​ ​ដោយ​ចាប់ផ្តើម​ពី​ម៉ោង​ ​១៨​ ​និង​ ​៣០នាទី​ ​នា​ពហុ​កីឡដ្ឋាន​ជាតិ​អូ​ឡា​ពិ​ក​ ​ដោយ​ក្នុង​នោះ​ ​តង់​ទី១​ ​បើ​ទោះបី​ក្រុម​កម្ពុជា​ ​ខកខាន​រក​គ្រាប់​បាល់​ដោយ​ការ​ស៊ុត​បាល់​ពិន័យ​ ​១១ម៉ែត្រ​ក៏ដោយ​ ​ក៏​ក្រុម​ ​U22​ ​កម្ពុជា​ ​បាន​ស៊ុត​បាល់​បញ្ជូល​ទី​ក្រុម​មីយ៉ាន់ម៉ា​ ​ចំនួន​ ​១គ្រាប់​ ​នៅ​នាទី​ទី​ ​២៦​ ​ដោយ​កីឡាករ​ ​យ៉ើ​ ​សា​ហ្វី​ ​ដែល​ជា​ខ្សែការពារ​ ​ ​។​ ​

​ដោយឡែក​ ​នៅ​តង់​ទី២​ ​ក្រោយ​ការប្រកួត​ដ៏​ស្វិតស្វាញ​បន្ថែម​ទៀត​ ​ក្រុម​ ​U22​ ​របស់​កម្ពុជា​ ​បាន​ស៊ុត​បញ្ជូល​ទី​គ្រាប់​ទី២​ ​នៅ​នាទី​ទី៥០​ ​ដោយ​កីឡាករ​ ​ស៊ិន​ ​សុ​ផា​ណាត​ ​ដែល​ធ្វើអោយ​ចប់​ការប្រកួត​ ​ក្រុម​ ​U22​ ​កម្ពុជា​ ​បាន​ឈ្នះ​ក្រុម​មីយ៉ាន់ម៉ា​ ​ដោយ​លទ្ធផល​ ​២​ ​ទល់នឹង​សូន្យ​ ​ដែល​ផ្តល់​កៅអី​អោយ​កម្ពុជា​ទៅ​វគ្គ​បន្ទាប់​ ​។​

​សម្រាប់​ពូល​ ​B​ ​នេះ​ ​កម្ពុជា​ ​ជា​ក្រុម​ទី១​ ​ដែល​បាន​កក់​កៅអី​ឡើង​ទៅកាន់​ ​វគ្គពាក់កណ្តាលផ្តាច់ព្រ័ត្រ​ ​ក្រោយ​ឈ្នះ​ ​២ប្រកួត​ ​មាន​ ​៦ពិន្ទុ​ ​ខណ:ដែល​ ​៣​ ​ក្រុម​ទៀត​ ​ត្រូវ​រង់ចាំ​លទ្ធផល​ការប្រកួត​នៅ​លើក​ទី៣​ ​។​ ​

​សម្រាប់​ការប្រកួត​បន្ទាប់​ ​ក្រុមបាល់ទាត់​កម្ពុជា​ ​នឹង​ជួប​ជាមួយ​ក្រុម​ឥណ្ឌូ​នេ​ស៊ី​ ​ខណៈ​ដែល​ក្រុម​មីយ៉ាន់ម៉ា​ ​នឹង​ត្រូវ​ប្រកួត​ជាមួយ​ក្រុម​ម៉ាឡេស៊ី​ ​នៅ​ថ្ងៃទី​ ​២២​ ​ខែកុម្ភៈ​ ​ឆ្នាំ២០១៩​។​ ​

Loading...

ពេញនិយម