Connect with us

ក្រសួងសុខាភិបាល​ក្រើនរំលឹក​ជាថ្មី​ ​កុំ​បរិភោគ​ត្រី​ក្រពត​ ​ដែល​មាន​ជាតិពុល​ ​អាច​បណ្តាល​ឲ្យ​ស្លាប់​

ភ្នំពេញ​៖​ ​ត្រី​ក្រពត​ ​៣ប្រភេទ​ ​ត្រូវ​ក្រសួងសុខាភិបាល​ ​ក្រើនរំលឹក​ដល់​ប្រជាពលរដ្ឋ​ទូទាំង​ប្រទេស​ ​កុំ​បរិភោគ​ ​ដោយសារ​មាន​ជាតិពុល​ ​អាច​បណ្តាល​ឲ្យ​មនុស្ស​មាន​ជំងឺ​ធ្ងន់ធ្ងរ​ ​និង​ស្លាប់​បាន​ ​នៅពេល​ជាតិពុល​ ​ជ្រាប​ទៅ​ប៉ះពាល់​ប្រព័ន្ធ​សរសៃប្រសាទ​កណ្តាល​ ​។​


​តាម​សេចក្ដីជូនដំណឹង​របស់ក្រ​សួង​សុខាភិបាល​ ​បាន​ឲ្យដឹង​ថា​ ​ក្នុង​ប្រទេស​កម្ពុជា​ ​មាន​ត្រី​ក្រពត​ចំនួន​ ​១០ប្រភេទ​ ​ក្នុង​នោះ​មាន​ ​៣ប្រភេទ​មាន​ជាតិពុល​ ​។​ ​តាម​ការស្រាវជ្រាវ​ ​បាន​រក​ឃើញថា​ ​ត្រី​ក្រពត​ ​ដែល​មាន​ជាតិពុល​នោះ​ ​រួមមាន​ ​៖​ ​Tetraodon​ ​cochinchinensis​,​ ​Monotrete​ ​leiurus​ ​និងTetraodon​ ​fluviatilis​ ​។​
​ត្រី​ក្រពត​ដែល​មាន​សារធាតុពុល​ទាំង៣នេះ​ ​មាន​ជាតិពុល​ខ្ពស់​បំផុត​នៅ​រដូវ​ពង​កូន​បន្ត​ពូជ​ ​ដែល​ជា​ធម្មតា​កើតឡើង​នៅក្នុង​ខែកុម្ភៈ​ ​មីនា​ ​និង​ចន្លោះ​ខែកក្កដា​ ​ទៅ​ខែកញ្ញា​។​
​ចំពោះ​ជាតិពុល​នៅក្នុង​ខ្លួន​ត្រី​ ​ក៏​មានកម្រិត​ខុសគ្នា​ដែរ​ ​គឺ​ ​ពង​ ​និង​ស្ពែម​ ​របស់​វា​ ​មាន​ជាតិពុល​ខ្ពស់​ជាងគេ​ ​បន្ទាប់មក​ ​គឺ​ ​ថ្លើម​ ​ពោះវៀន​ ​ស្បែក​ ​និង​សាច់​ ​។​


​សម្រាប់​រោគសញ្ញា​ចាប់ផ្តើម​ក្នុងរយៈពេល​ ​២០នាទី​ ​ទៅ២ម៉ោង​ ​បន្ទាប់ពី​បាន​បរិភោគ​ត្រី​បែបនេះ​ ​រោគសញ្ញា​ ​រួមមាន​ ​រមាស់​ចា​ក់ៗ​ ​នៅ​បបូរមាត់​ ​និង​មាត់​ ​បន្ទាប់មក​មាន​អាការៈ​ ​ឈឺក្បាល​វិលមុខ​ ​រមាស់​ចា​ក់ៗ​នៅ​ចុង​អវៈយវៈ​ ​មានការ​ពិបាក​និយាយ​ ​បាត់​លំនឹង​ដងខ្លួន​ ​ខ្សោយ​សាច់ដុំ​ ​ខ្វិន​ ​ស្ពឹក​ចុងដៃចុងជើង​ ​ក្អួត​ ​រាក​ ​ល្ហិតល្ហៃ​ ​រឹង​ថ្គាម​ ​ឬ​អាច​បណ្តាល​ឲ្យ​ស្លាប់​តែម្តង​។​
​ទន្ទឹម​នឹង​នោះ​ ​រដ្ឋមន្ត្រី​ក្រសួងសុខាភិបាល​ ​ក៏បាន​ណែនាំ​ ​និង​អំពាវនាវ​ដល់​សាធារណជន​ទាំងអស់​ ​ឲ្យ​មានការ​ប្រុងប្រយ័ត្ន​ ​និង​ ​ចូលរួម​អនុវត្ត​វិធានការ​បង្ការ​ការ​ពុល​ចំណីអាហារ​ ​ពិសេស​ការ​រួមគ្នា​ ​អនុវត្ត​ឲ្យបាន​ខ្ជាប់ខ្ជួន​នូវ​អនាម័យ​ចំណីអាហារ​ល្អ​ ​គ្រប់​ៗ​គ្នា​ ​ចាប់តាំងពី​អ្នក​បរិភោគ​រហូត​ ​ដល់​អ្នកបម្រើ​អាហារ​ ​។​


​គួរ​រំលឹក​ថា​ ​កាលពី​ថ្ងៃទី​ ​១៧​ ​ខែកុម្ភៈ​កន្លង​ទៅ​ថ្មី​ៗ​នេះ​ ​នៅ​ខេត្ត​បន្ទាយមានជ័យ​ ​មាន​ករណី​ពុល​ត្រី​ក្រពត​មួយ​គ្រួសារ​ ​មាន​សមាជិក៥នាក់​ ​ក្នុង​នោះ​ ​ស្ត្រីជា​ម្តាយ​បាន​ស្លាប់​ ​និង​កូន៤នាក់​ទៀត​ ​ត្រូវ​បាន​បញ្ជូន​ទៅកាន់​មន្ទីរពេទ្យ​គន្ធបុប្ផា​ ​ខេត្តសៀមរាប​ ​ដើម្បី​សង្គ្រោះ​បន្ទាន់​ ​។​ ​ករណី​ពុល​នេះ​បាន​កើតឡើង​នៅ​ភូមិ​ស្រះ​ខាងលិច​ ​ឃុំ​ព្រះនេត្រ​ព្រះ​ ​ស្រុក​ព្រះនេត្រ​ព្រះ​ ​៕​

  • អត្ថបទទាក់ទង :
  • Featured
Loading...

ពេញនិយម