Connect with us

រដ្ឋមន្រ្តី​កសិកម្ម​ ​ដាក់ចេញ​វិធានការ​ត្រួតពិនិត្យ​ជ្រូក​ដែល​នាំចូល​ពី​វៀតណាម​ ​ក្រោយ​ផ្ទុះ​ជំ​ងឹ​ប៉េស្ត​ជ្រូក​អាហ្វ្រិក​

ភ្នំពេញ​៖​ ​រដ្ឋមន្រ្តី​កសិកម្ម​កម្ពុជា​ ​បាន​អះអាង​ថា​ ​បាន​ដាក់ចេញ​វិធានការ​ទប់ស្កាត់​ការ​ឆ្លង​នៃ​ជំងឺ​ប៉េស្ត​ជ្រូក​អាហ្វ្រិក​ ​រួចហើយ​ ​គឺ​តាមរយៈ​ការ​ពង្រឹង​ការ​ត្រួតពិនិត្យ​ជ្រូក​ ​ដែល​នាំចូល​ពី​ប្រទេស​វៀតណាម​ ​ដើម្បី​ធានា​ថា​ ​គ្មាន​ការ​ចម្លងជំងឺ​ចូល​កម្ពុជា​ ​។​
​ថ្លែងប្រាប់​សារព័ត៌មាន​ក្នុង​ស្រុក​ ​លោក​ ​វេង​ ​សា​ខុន​ ​រដ្ឋមន្រ្តី​ក្រសួង​កសិកម្ម​ ​រុ​ក្ខាប្រ​ម៉ាញ់​ ​និង​នេសាទ​ ​បាន​អោយ​ដឹង​ថា​ ​ពិតជា​មានការ​ផ្ទុះ​ជំងឺ​ប៉េស្ត​ជ្រូក​អាហ្វ្រិក​នេះ​មែន​ ​នៅ​ភាគ​ខាងជើង​វៀតណាម​ ​ហើយ​កន្លងទៅ​នេះ​ ​ក៏​មាន​កើតឡើង​នៅ​ប្រទេស​ចិន​ផង​ដែរ​ ​។​ ​


​ទោះ​យ៉ាងណា​ ​លោក​ ​រដ្ឋមន្ត្រី​កសិកម្ម​ ​ក៏បាន​បង្ហាញ​នូវ​ក្តី​បារម្ភ​ផង​ដែរ​ ​ចំពោះ​ការ​ត្រួតពិនិត្យ​របស់​មន្ត្រី​នៅ​តាម​ច្រកព្រំដែន​ ​លើ​បញ្ហា​ជ្រូក​នេះ​ ​។​
​ពាក់ព័ន្ធ​នឹង​បញ្ហា​នេះ​ ​លោក​វេជ្ជបណ្ឌិត​ ​លី​ ​សូ​វ៉ាន់​ ​ប្រធាន​នាយកដ្ឋាន​ប្រយុទ្ធ​នឹង​ជំងឺឆ្លង​ ​នៃ​ក្រសួងសុខាភិបាល​ ​បាន​លើកឡើង​ថា​ ​ជំងឺ​ផ្តាសាយ​ជ្រូក​ប្រភេទ​ថ្មីនេះ​ ​មិន​ឆ្លង​មក​មនុស្ស​នោះ​ទេ​ ​តែ​ឆ្លង​ខ្លាំង​ក្នុងចំណោម​សត្វ​ជ្រូក​ ​។​ ​ដូចនេះ​ ​តម្រូវឲ្យ​ខាង​ពេទ្យ​ ​ត្រូវ​មាន​ប្រព័ន្ធ​តាមដាន​ ​និង​រក​ឃើញ​ឲ្យ​ទាន់ពេល​វេលា​ ​ព្រមទាំង​ឆ្លើយតប​រហ័ស​បំផុត​ ​និង​ទាន់ពេល​វេលា​បំផុត​ ​បើ​មិន​ដូច្នោះ​ ​នឹង​អន្តរាយ​ដល់​ផលិតកម្ម​សាច់​ជ្រូក​ទំាង​មូល​ ​។​
​បើ​ទោះបីជា​វា​មិន​ឆ្លង​មក​មនុស្ស​យ៉ាងណាក៏ដោយ​ ​លោក​វេជ្ជបណ្ឌិត​ ​លី​ ​សូ​វ៉ាន់​ ​បាន​អំពាវនាវ​ដល់​ប្រជាពលរដ្ឋ​ ​មិន​ត្រូវ​បរិភោគ​ ​ឬ​ ​លក់​បន្ត​ ​នូវ​សាច់​ជ្រូក​ ​ដែល​ឈឺ​ ​ឬ​ ​ស្លាប់​ ​ដោយ​មិនដឹង​មូលហេតុ​នោះ​ទេ​ ​ដើម្បី​កុំ​អោយ​ឆ្លង​ជំ​ងឺ​ផ្សេង​ៗ​ ​។​


​បើ​យោង​តាម​ការ​ចេញផ្សាយ​នៅ​ថ្ងៃម្សិល​ម៉ិញ​ដោយសារ​ព័ត៌មាន​ហ្វីលីពីន​ ​បាន​អោយ​ដឹង​ថា​ ​ជំងឺ​ផ្ដាសាយ​ជ្រូក​អាហ្រ្វិក​ ​(​African​ ​swine​ ​fever​)​ ​បាន​ឆ្លង​ចូល​មកដល់​ប្រទេស​វៀតណាម​ ​ក្នុង​នោះ​ ​ក្រសួង​កសិកម្ម​ហ្វីលីពីន​ ​បានសម្រេច​ធ្វើការ​ហាមឃាត់​រួចហើយ​ ​សម្រាប់​ការនាំចូល​សាច់​ជ្រូក​ ​និង​ផលិតផល​ពី​សាច់​ជ្រូក​ ​ពី​ប្រទេស​វៀតណាម​ ​ដើម្បី​ការពារ​ផលិតកម្ម​សាច់​ជ្រូក​ក្នុង​ប្រទេស​នេះ​ ​។​ ​
​យោង​តាម​ស្ថិតិ​របស់​សមាគម​អ្នកចិញ្ចឹមសត្វ​កម្ពុជា​ ​បាន​ឲ្យដឹង​ថា​ ​ក្នុង១ថ្ងៃ​ ​កម្ពុជា​ទទួលទាន​សាច់​ជ្រូក​ពី​ ​៤​-​៥ពាន់​ក្បាល​ ​ហើយ​អាច​នាំចូល​ពី១​-​២ពាន់​ក្បាល​ ​ក្នុង​នោះ​ ​ភាគច្រើន​ ​គឺ​នាំចូល​ពី​ប្រទេស​វៀតណាម​ ​៕​

  • អត្ថបទទាក់ទង :
  • Featured
Loading...

ពេញនិយម