ក្រុមបាល់ទាត់​ ​U22​ ​ថៃ​ ​និង​ ​វៀតណាម​ ​បាន​ដឹកដៃ​គ្នា​ឡើង​ទៅកាន់​វគ្គ​ពាក់កណ្តាល​ផ្តាច់ព្រ័ត្រ​

ភ្នំពេញ​ ​៖​ ​ក្រុមបាល់ទាត់​ ​U22​ ​របស់​ថៃ​ ​និង​ ​វៀតណាម​ ​បាន​ដឹកដៃ​គ្នា​ឡើង​ទៅកាន់​វគ្គ​ពាក់កណ្តាល​ផ្តាច់ព្រ័ត្រ​ ​នៃ​ព្រឹត្តិ​ការណ៍​ប្រកួត​បាល់ទាត់​ពានរង្វាន់​ ​AFF​ ​U22​ ​Championship​ ​2019​ ​ដែល​កម្ពុជា​ ​ធ្វើជា​ម្ចាស់ផ្ទះ​ ​។​ ​
​ក្រុមបាល់ទាត់​អាយុ​ក្រោម២២ឆ្នាំ​ ​ថៃ​ ​និង​ ​វៀតណាម​ ​បាន​បើក​ការប្រកួត​គ្នា​ ​នៅ​ថ្ងៃទី២១​ ​ខែកុម្ភៈ​ ​នេះ​ ​នា​ពហុ​កីឡដ្ឋាន​ជាតិ​អូឡាំពិក​ ​ដែល​បញ្ចប់​ទៅ​ដោយ​លទ្ធផល​ ​សូន្យ​ ​ទល់នឹង​សូន្យ​ ​ទទួល​ ​បាន​មួយ​ពិន្ទុ​បន្ថែម​ទៀត​ ​ដូចគ្នា​ ​។​ ​
​តាមរយៈ​បី​ប្រកួត​កន្លងទៅ​នេះ​ ​ក្រុម​ ​U22​ ​វៀតណាម​ ​ទទួល​បាន​ ​៧​ ​ពិន្ទុ​(​ឈ្នះ​ ​២​ ​ស្មើ​ ​១​)​ ​និង​មាន​គ្រាប់​បាល​ស៊ុត​បញ្ចូល​ទី៥គ្រាប់​ ​ឈរ​នៅ​លេខ១​ ​ពូល​ ​A​ ​ខណៈ​ដែល​ក្រុម​ ​U22​ ​ថៃ​ ​ទទួល​បាន​ ​៧ពិន្ទុ​ដូចគ្នា​ ​(​ឈ្នះ​ ​២​ ​ស្មើ​ ​១​)​ ​តែ​មាន​គ្រាប់​បាល់​ស៊ុត​បញ្ចូល​ទី​ ​៤គ្រាប់​ ​ឈរ​នៅ​លេខ២​ ​ពូល​ ​A​ ​។​
​តាមរយៈ​លទ្ធផល​នេះ​ ​ក្រុម​ ​U22​ ​របស់​ថៃ​ ​នឹង​ត្រូវ​ជួប​ជាមួយនឹង​ក្រុម​ ​U22​ ​របស់​កម្ពុជា​ ​ដែល​ឈរ​នៅ​លេខ១​ ​ពូល​ ​B​ ​នាវ​គ្គ​ពាក់កណ្តាល​ផ្តាច់ព្រ័ត្រ​ ​ខណៈ​ដែល​ ​ក្រុម​ ​U22​ ​វៀតណាម​ ​ត្រូវ​រង់ចាំ​មើល​ការប្រកួត​របស់​ឥណ្ឌូ​នេ​ស៊ី​,​ ​មីយ៉ាន់ម៉ា​ ​និង​ ​ម៉ាឡេស៊ី​ ​នៅ​ថ្ងៃទី​ ​២២​ ​ខែកុម្ភៈ​ស្អែកនេះ​ ​៕​