Connect with us

កម្ពុជា​ ​ត្រៀម​ដាក់​ល្ខោន​យីកេ​ ​តម្បាញ​សូត្រ​ខ្មែរ​ ​និង​ ​គ្រឿង​ចម្លាក់​ប្រាក់​ ​ចូលក្នុង​បញ្ជី​បេតិកភណ្ឌ​អរូបី​នៃ​មនុស្សជាតិ​

ភ្នំពេញ​ ​៖​ ​រដ្ឋមន្រ្តី​ក្រសួងវប្បធម៌​ ​និង​វិចិត្រ​សិល្បៈ​ ​បាន​អោយ​ដឹង​ថា​ ​កម្ពុជា​ ​បាន​រៀបចំ​ដាក់​ ​ទម្រង់​ល្ខោន​យីកេ​ ​តម្បាញ​សូត្រ​ខ្មែរ​ ​និង​គ្រឿង​ចម្លាក់​ប្រាក់​ ​ក្នុង​បញ្ជី​ត្រៀម​របស់​ខ្លួន​សម្រាប់​ស្នើសុំ​ទៅ​អង្គការ​យូ​ណេស្កូ​ ​ដាក់បញ្ចូល​ទៅ​ក្នុង​បញ្ជី​បេតិកភណ្ឌ​អរូបី​នៃ​មនុស្សជាតិ​ ​។​ ​


​ថ្លែងប្រាប់​ក្រុម​អ្ន​ក​សារ​ព​ត័មា​នក្នុង​ស្រុក​ ​លោកស្រី​ ​ភឿង​ ​សកុណា​ ​រដ្ឋមន្ត្រី​ក្រសួងវប្បធម៌​ ​និង​ ​វិចិត្រ​សិល្បៈ​ ​បាន​បញ្ជាក់​អោយ​ដឹង​ថា​ ​ក្រសួង​ ​បាន​ដាក់​ឯកសារ​ល្បុក្កតោ​ ​ចូល​ទៅ​ក្នុង​បញ្ជី​បេតិកភណ្ឌ​អរូបី​នៃ​មនុស្សជាតិ​រួចហើយ​ ​ដែល​កំពុង​រង់ចាំ​ការសម្រេច​ពី​គណៈកម្មការ​យូ​ណេស្កូ​នៅ​ឆ្នាំ​ ​២០២០​ ​។​ ​
​ទន្ទឹម​នឹង​នេះ​ដែរ​ ​ក្រសួងវប្បធម៌​ ​ក៏​កំពុង​ត្រៀម​រៀបចំ​ឯកសារ​ស្ដីពី​តម្បាញ​សូត្រ​ខ្មែរ​ ​ល្ខោន​យីកេ​ ​និង​គ្រឿង​ចម្លាក់​ប្រាក់​ ​ចូល​ទៅ​ក្នុង​បញ្ជី​ត្រៀម​ ​សម្រាប់​ស្នើសុំ​ទៅ​គណៈកម្មការ​យូ​ណេស្កូ​ ​ដាក់បញ្ចូល​ទៅ​ក្នុង​បញ្ជី​បេតិកភណ្ឌ​ពិភពលោក​ ​។​


​បើ​តាម​មន្រ្តី​ជំនាញ​ ​បាន​អោយ​ដឹង​ថា​ ​សម្បត្តិ​វប្បធម៌​អរូបី​ ​នៃ​មនុស្សជាតិ​ ​មាន​ច្រើន​ទម្រង់​ ​ក្នុង​នោះ​ ​រួមមាន​ ​ល្ខោន​របាំ​ ​កីឡា​ ​ឧបករណ៍​ភ្លេង​ ​ម្ហូបអាហារ​ ​តម្បាញ​សូត្រ​ ​និង​គ្រឿង​ចម្លាក់​ប្រាក់​ ​គឺ​សុទ្ធតែ​ត្រូវ​បាន​ចាត់​ចូល​ជា​សម្បត្តិ​វប្បធម៌​អរូបី​ ​។​ ​ក្នុងចំណោម​ទម្រង់​នៃ​សិល្បៈ​ទាំងនេះ​ ​ក្រសួង​ ​បាន​រៀបចំ​ចងក្រង​ឯកសារ​ ​និង​ដាក់បញ្ចូល​ជា​សម្បត្តិ​បេតិកភណ្ឌ​វប្បធម៌​អរូបី​របស់​ជាតិ​ ​ជាបន្តបន្ទាប់​ ​ដែល​រួមបញ្ចូល​ទាំង​តម្បាញ​សូត្រ​ ​ល្ងោ​នយី​កេ​ ​គ្រឿង​ចម្លាក់​ប្រាក់​ ​និង​ទម្រង់​សិល្បៈ​មួយចំនួន​ទៀត​ ​។​ ​
​សូម​បញ្ជាក់​ថា​ ​គិត​ត្រឹម​ឆ្នាំ​ ​២០១៨​ ​កម្ពុជា​ ​បាន​ចុះបញ្ជី​សម្បត្ដិ​វប្បធម៌​ទាំង​រូបី​ ​និង​អរូបី​ ​ទៅ​ក្នុង​បញ្ជី​សម្បត្ដិ​បេតិកភណ្ឌ​ពិភពលោក​ ​បាន​ចំនួន​ ​៨​ ​រួមមាន​៖​ ​ប្រាសាទ​អង្គរ​វត្ដ​,​របាំ​ព្រះរាជទ្រព្យ​,​ ​ល្ខោន​ស្រមោល​ស្បែក​ ​ឬ​ល្ខោនស្បែក​ធំ​,​ ​ប្រាសាទព្រះវិហារ​,​ ​ល្បែង​ទាញព្រ័ត្រ​,​ ​ចាប៉ី​ដង​វែង​,​ ​ប្រាសាទសំបូរព្រៃគុក​ ​និង​ ​ល្ខោនខោល​ ​៕​

  • អត្ថបទទាក់ទង :
  • Featured
Loading...

ពេញនិយម