Connect with us

Blink​ ​និង​ ​Army​ ​ត្រូវ​បាន​គេ​ចាត់ទុកជា​ក្រុម​អ្នកគាំទ្រ​ដ៏​មាន​ឥទ្ធិពល​បំផុត​ក្នុង​ ​K​-​Pop​

កូរ៉េ​ខាងត្បូង​ ​៖​ ​ប្រទេស​កូរ៉េ​ខាងត្បូង​ ​មាន​ក្រុម​តារាចម្រៀង​ប្រុស​-​ស្រី​ ​ជាច្រើន​រាប់មិនអស់​ ​ខណៈ​ពេល​ដែល​វិស័យ​ ​K​-​Pop​ ​កំពុងតែ​ទទួល​បាន​ប្រជាប្រិយ​ភាព​ខ្លាំង​ទូទាំង​ពិភពលោក​ ​។​ ​ជាទូទៅ​ក្រុម​តារាចម្រៀង​ប្រុស​-​ស្រី​ទាំងនោះ​ ​តែងតែ​ដាក់ឈ្មោះ​ឲ្យ​ក្រុម​អ្នកគាំទ្រ​របស់​ខ្លួន​ ​ក្នុង​នោះ​ ​Blackpink​ ​បាន​ដាក់ឈ្មោះ​ឲ្យ​ក្រុម​អ្នកគាំទ្រ​ថា​ ​Blink​ ​ខណៈ​ដែល​ ​BTS​ ​បាន​ដាក់ឈ្មោះ​ឲ្យ​ក្រុម​អ្នកគាំទ្រ​ថា​ ​Army​ ​។​ ​


​ក្រុម​អ្នកគាំទ្រ​ទាំងពីរ​នេះ​ ​ត្រូវ​បាន​គេ​ចាត់ទុកជា​ក្រុម​អ្នកគាំទ្រ​ដ៏​មាន​ឥទ្ធិពល​បំផុត​ក្នុង​ ​K​-​Pop​ ​ដោយសារតែ​ពួកគេ​ ​មាន​ភាព​សកម្ម​ក្នុង​ការ​គាំទ្រ​ក្រុម​ចម្រៀង​ទាំងពីរ​នេះ​ ​និង​ជួយ​ឲ្យ​ក្រុម​ចម្រៀង​ទាំងពីរ​នេះ​ ​ជោគជ័យ​ខ្លាំង​ក្នុង​វិស័យ​ ​K​-​Pop​ ​។​ ​ជាក់​ស្តែង​ថ្មី​ៗ​នេះ​ ​Blink​ ​បាន​ចូល​ទៅ​ទស្សនា​វីដេអូ​ចម្រៀង​របស់​ ​Blackpink​ ​រហូតដល់​ទៅ​ ​៦០០​ ​លាន​ដង​ ​ដែល​បាន​ធ្វើឲ្យ​ ​Blackpink​ ​ក្លាយជា​ក្រុម​ចម្រៀង​នារី​ដំបូង​បំផុត​របស់​ប្រទេស​កូរ៉េ​ដែល​មាន​ទស្សនិកជន​ ​ចូល​ទៅ​ទស្សនា​វីដេអូ​ចម្រៀង​របស់​ខ្លួន​ច្រើន​ដូច្នេះ​។​ ​


​មិន​តែប៉ុណ្ណោះ​ ​ក្រៅពី​ទទួល​បានការ​គាំទ្រ​ខ្លាំង​នៅក្នុង​ប្រទេស​កូរ៉េ​ ​និង​ទ្វីបអាស៊ី​ ​ពេលនេះ​ ​Blackpink​ ​កំពុងតែ​ឈានជើង​ចូលក្នុង​ទីផ្សារ​របស់​សហរដ្ឋអាមេរិក​ផង​ដែរ​ ​ដោយសារតែ​មាន​ចំនួន​ ​Blink​ ​ជាច្រើន​នៅ​សហរដ្ឋអាមេរិក​ ​។​ ​ចំនែក​ ​Army​ ​វិញ​ ​ក៏​ជា​ក្រុម​អ្នកគាំទ្រ​មិនធម្មតា​ផង​ដែរ​ ​ដែល​ជា​រឿយ​ៗ​ពួកគេ​តែងតែ​គាំទ្រ​ ​BTS​ ​គ្រប់​សកម្មភាព​ទាំងអស់​ ​ដែល​បាន​ធ្វើឲ្យ​ ​BTS​ ​ល្បីល្បាញ​ខ្លាំង​ពីសំណាក់​យុវវ័យ​ ​៕​


​អត្ថបទ​៖​ ​ណា​រ៉ូ​ត​

Loading...

ពេញនិយម