Connect with us

អបអរសាទរ​!​ ​កម្ពុជា​ ​និង​ ​ឥណ្ឌូណេស៊ី​ ​ដឹកដៃ​គ្នា​ឡើង​ទៅ​វគ្គ​ពាក់​ ​កណ្តាល​ផ្តាច់ព្រ័ត្រ​នៃ​ពានរង្វាន់​ ​AFF​ ​U22​ ​Championship​ ​2019​

ភ្នំពេញ​ ​៖​ ​ទីបំផុត​ ​ក្រុម​ ​U22​ ​កម្ពុជា​ ​និង​ ​ក្រុម​ ​U22​ ​ឥណ្ឌូ​នេ​ស៊ី​ ​បាន​ដឹកដៃ​គ្នា​ឡើង​ទៅកាន់​វគ្គ​ពាក់​ ​កណ្តាល​ផ្តាច់ព្រ័ត្រ​នៃ​ព្រឹត្តិ​ការណ៍​ប្រកួត​បាល់ទាត់​ពានរង្វាន់​ ​AFF​ ​U22​ ​Championship​ ​2019​ ​ដែល​កម្ពុជា​ ​ធ្វើជា​ម្ចាស់ផ្ទះ​ ​។​ ​


​ក្រុមបាល់ទាត់​អាយុ​ក្រោម២២ឆ្នាំ​ ​កម្ពុជា​ ​បាន​បើក​ការប្រកួត​គ្នា​ជាមួយ​ក្រុម​ ​ឥណ្ឌូ​នេ​ស៊ី​ ​នៅ​ថ្ងៃទី២២​ ​ខែកុម្ភៈ​នេះ​ ​នា​ពហុ​កីឡដ្ឋាន​ជាតិ​អូឡាំពិក​ ​ស្របគ្នា​នឹង​ក្រុម​ ​U22​ ​មីយ៉ាន់ម៉ា​ ​បាន​បើក​ការប្រកួត​គ្នា​ជាមួយ​ក្រុម​ម៉ាឡេស៊ី​ ​នៅ​កីឡដ្ឋាន​ ​RSN​ ​របស់​ក្លិប​ភ្នំ​ពេញ​ក្រោ​ន​ ​។​ ​
​ក្រោយ​ការប្រកួត​ ​៩០នាទី​ ​ក្រុម​ ​U22​ ​កម្ពុជា​ ​ទទួល​បាន​លទ្ធផល​ ​សូន្យ​ ​ទល់នឹង​ ​២​ ​ជាមួយ​ក្រុម​ឥណ្ឌូ​នេ​ស៊ី​ ​និង​បាន​បន្ត​ឈរ​នៅ​លេខ១​ ​ពូល​ ​B​ ​ដែល​មាន​ ​៦ពិន្ទុ​ ​(​ឈ្នះ២​ ​ចាញ់​ ​១​)​ ​ខណ:ក្រុម​ឥណ្ឌូ​នេ​ស៊ី​ ​បន្ត​ឈរ​នៅ​លេខ​ ​២​ ​ដោយមាន​ ​៥ពិន្ទុ​ ​(​ឈ្នះ​ ​១​ ​ស្មើ​ ​២​)​ ​។​​ ​ដោយឡែក​ ​ក្រុម​ ​U22​ ​ម៉ាឡេស៊ី​ ​បាន​ទទួល​ជ័យជម្នះ​ដោយ​លទ្ធផល​ ​១​ ​ទល់នឹង​សូន្យ​ ​ជាមួយ​ក្រុម​មីយ៉ាន់ម៉ា​ ​ឈរ​នៅ​លេខ៣​ ​ពូល​ ​B​ ​ដោយមាន​ ​៤ពិន្ទុ​ ​(​ ​ឈ្នះ១​ ​ស្មើ១​ ​និង​ចាញ់១​)​។​

​តាមរយៈ​លទ្ធផល​នេះ​ ​ក្រុម​ ​U22​ ​របស់​កម្ពុជា​ ​នឹង​ត្រូវ​ជួប​ជាមួយនឹង​ក្រុម​ ​U22​ ​របស់​ថៃ​ ​ខណៈ​ ​ក្រុម​ ​U22​ ​ឥណ្ឌូ​នេ​ស៊ី​ ​នឹង​ត្រូវ​ជួប​ជាមួយនឹង​ក្រុម​ ​U22​ ​វៀតណាម​ ​សម្រាប់​វគ្គ​ពាក់កណ្តាល​ផ្តាច់ព្រ័ត្រ​ ​ដែល​នឹង​ធ្វើឡើង​នៅ​ថ្ងៃទី​ ​២៤​ ​ខែកុម្ភៈ​ ​ដូចគ្នា​ ​៕​

Loading...

ពេញនិយម