ស្ងាត់​ៗ​ ​ក្រុមហ៊ុន​វៀតណាម​មួយ​ ​គ្រោង​ចុះហត្ថលេខា​ទិញ​យន្ត​ហោះ​ប៊ូ​អ៊ី​ង​ ​១០០គ្រឿង​

វៀតណាម​ ​៖​ ​ក្រុមហ៊ុន​អាកាសចរណ៍​វៀតណាម​ឈ្មោះ​ ​Vietjet​ ​ប្រកាស​ថា​ ​ខ្លួន​នឹង​ចុះហត្ថលេខា​នៅ​សប្ដាហ៍​ក្រោយនេះ​ ​ដើម្បី​ទិញ​យន្តហោះ​ ​Boeing​ ​ដែល​មាន​តួ​ខ្លួន​តូច​ៗ​ចំនួន​ ​១០០គ្រឿង​ ​ក្នុងទឹក​ប្រាក់​សរុប​ប្រមាណ​ ​ជិត​ ​១៣ពាន់​លាន​ដុល្លារ​អាមេរិក​ ​។​ ​នេះ​បើ​តាម​ការ​ចុះផ្សាយ​ទីភ្នាក់ងារព័ត៌មាន​ ​Reuters​ ​។​ ​
​ប្រភព​បាន​ប្រាប់​ ​Reuters​ ​ថា​ ​ក្រុមហ៊ុន​ ​Vietjet​ ​នឹង​ចុះហត្ថលេខា​លើ​កិច្ច​ព្រមព្រៀង​ទិញ​យន្តហោះ​ ​Boeing​ ​របស់​ក្រុមហ៊ុន​អាមេរិក​ ​នៅ​ក្រៅ​កិច្ចប្រជុំ​កំពូល​រវាង​ប្រធានាធិបតី​អាមេរិក​ ​ដូ​ណាល់​ ​ត្រាំ​ ​និង​ប្រមុខ​ដឹកនាំ​កូរ៉េខាងជើង​ ​លោក​ ​គីម​ ​ជុង​អ៊ុន​ ​ចុងខែ​នេះ​ ​។​

​ដំណឹង​នេះ​ ​កើតឡើង​បន្ទាប់ពី​សហរដ្ឋអាមេរិក​ ​ទើបតែ​បាន​អនុញ្ញាត​ឲ្យ​ប្រទេស​វៀតណាម​អាច​ធ្វើការ​ហោះហើរ​ដោយ​ត្រង់​ទៅកាន់​សហរដ្ឋអាមេរិក​ ​កាលពី​ពេល​ថ្មី​ៗ​នេះ​ ​។​ ​
​កាល​ជំនាន់​ដែល​លោក​ ​បា​រ៉ា​ក់​ ​អូ​បា​ម៉ា​ ​នៅជា​ប្រធានាធិបតី​អាមេរិក​ ​និង​បាន​មក​ទស្សនកិច្ច​នៅ​វៀតណាម​ ​នា​ឆ្នាំ២០១៦​ ​ក្រុមហ៊ុន​ ​Vietjet​ ​ក៏បាន​ចុះ​កិច្ច​ព្រមព្រៀង​ទិញ​យន្តហោះ​ ​Boeing​ ​737​ ​MAX​ ​ដែល​មាន​តួ​ខ្លួន​តូច​ៗ​ ​ពី​សហរដ្ឋអាមេរិក​ ​ផង​ដែរ​ ​។​ ​ហើយ​ឆ្នាំទៅមិញ​នេះ​ ​ក្រុមហ៊ុន​ដដែល​ ​ក៏បាន​ទិញ​យន្តហោះ​ប្រភេទ​ ​Airbus​ ​(​A321neo​)​ ​ចំនួន​ ​៥០គ្រឿង​ ​ពី​ប្រទេស​បារាំង​ ​ផង​ដែរ​ ​៕​