Connect with us

ខ្លាំង​បាត់​!​ ​រឿង​ ​«​The​ ​Prey​»​ ​ដែល​ជា​ស្នាដៃ​ថ្មី​របស់​អ្នកដឹកនាំ​រឿង​«​ការពារ​ឧក្រិដ្ឋជន​-​Jailbreak​»​ ​ទទួល​បាន​សិទ្ធិ​ចែកចាយ​នៅ​ចក្រភព​អង់គ្លេស​

បន្ទាប់ពី​រឿង​ ​«​ការពារ​ឧក្រិដ្ឋជន​-​Jailbreak​»​ ​ទទួល​បាន​ជោគជ័យ​ខ្លាំង​ទាំង​ ​អ្នកដឹកនាំ​សម្តែង​លោក​ ​Jimmy​ ​Henderson​ ​បាន​ដឹកនាំ​ខ្សែភាពយន្ត​ខ្មែរ​ខ្នាត​ធំ​មួយទៀត​ដែល​ទទួល​បានការ​គាំទ្រ​យ៉ាង​ពេញទំហឹង​ពីសំណាក់​អ្នកគាំទ្រ​ខ្សែភាពយន្ត​ខ្មែរ​ ​និង​អន្តរជាតិ​គឺ​រឿង​ ​«​The​ ​Prey​»​។​ ​អ្វី​ដែល​កាន់តែ​អស្ចារ្យ​សម្រាប់​ខ្សែភាពយន្ត​ខ្មែរ​សហ​ការណ៍​ជាមួយ​អន្តរជាតិ​នេះ​ ​គឺ​រឿង​មួយ​នេះ​ទទួល​បាន​សិទ្ធ​ចែកចាយ​ពី​ក្រុមហ៊ុន​មួយ​នៅ​ចក្រភព​អង់គ្លេស​ដែល​ទិញ​សិទ្ធិ​ក្នុង​ការចែកចាយ​ផ្ទាល់​តែម្តង​។​ ​

តំណាង​ចែកចាយ​ក្នុង​ចក្រភព​អង់គ្លេស​ ​«​Lightbulb​ ​Film​ ​Distribution​»​ ​បាន​និយាយ​ថា​៖​ ​«​យើង​ពិតជា​សប្បាយចិត្ត​ណាស់​ដែល​បាន​នាំ​ខ្សែភាពយន្ត​ខ្មែរ​មួយ​នេះ​មក​ជូន​ដល់​ប្រិយមិត្ត​អង់គ្លេស​ធ្វើការ​ទស្សនា​នៅក្នុង​ឆ្នាំនេះ​។​ ​ក្នុងនាម​ជា​អ្នកគាំទ្រ​ខ្សែភាពយន្ត​ពីមុន​របស់​អ្នកដឹកនាំ​សម្តែង​លោក​ ​Jimmy​ ​Henderson​ ​យើង​ដឹង​ថា​យើង​នឹង​ទទួល​បានអ្វី​ដែល​យើង​បាន​រំពឹង​ទុក​។​ ​ហើយ​យើង​ជឿជាក់​ថា​លោក​ ​Henderson​ ​នឹង​នាំមក​នូវ​ឈុត​ឆាក​កាន់តែ​អស្ចារ្យ​ ​សម្រាប់​អ្នកគាំទ្រ​។​»​។​

​ខ្សែភាពយន្ត​ខ្មែរ​ដែល​ចំណាយ​ទុន​ផលិត​ចំនួន​ប្រមាណ​ជាង១លាន​ដុល្លារ​នេះ​ ​គឺជា​ខ្សែភាពយន្ត​ដែល​និយាយ​អំពី​ប៉ូលិស​បង្កប់ខ្លួន​ជនជាតិ​ចិន​ម្នាក់​ឈ្មោះ​ ​«​Xin​»​ ​ដែល​បំពេញបេសកកម្ម​សម្ងាត់​មួយ​ ​ហើយក៏​ត្រូវ​បាន​ជាប់​ខ្លួន​ក្នុង​ល្បែងភ្នាល់​គ្នា​តាម​ប្រមាញ់​មនុស្ស​ដែល​ព្យាយាម​តាម​សម្លាប់​ពួកគេ​នៅក្នុង​ព្រៃ​ ​ហើយ​ ​«​Xin​»​ ​ត្រូវ​ធ្វើ​យ៉ាងណា​ដើម្បី​ឱ្យ​ខ្លួន​ឈ្នះ​ក្នុង​ល្បែងភ្នាល់​គ្នា​នេះ​ដើម្បី​បាន​សេរីភាព​មកវិញ​។​ ​ចង់​ដឹង​ថា​រឿង​ ​«​The​ ​Prey​»​ ​មាន​ឈុត​ឆាក​អស្ចារ្យ​យ៉ាងណា​កុំ​ភ្លេច​រង់ចាំ​ទស្សនា​ទាំងអស់គ្នា​៕​

អត្ថបទ៖ ណារ៉ូត

  • អត្ថបទទាក់ទង :
  • Featured
Loading...

ពេញនិយម