Connect with us

នាវា​ល្បាត​គយ​ ​បើក​ប្រតិបត្តិ​ការ​លើក​ទី១​ ​បង្រ្កាប​បាន​បារី​គេចពន្ធ​តាមផ្លូវ​សមុទ្រ​ចំនួន​ជាង​ ​១ពាន់​កាតុង​

ព្រះសីហនុ​ ​៖​ ​ទូក​ដឹក​បារី​គេចពន្ធ​មួយ​គ្រឿង​ ​ត្រូវ​បាន​កម្លាំង​នាវាចរ​គយ​ ​និង​រដ្ឋាករ​កម្ពុជា​ ​ចាប់​ឃាត់​លើ​ផ្ទៃសមុទ្រ​ ​នៅចន្លោះ​កោះ​ពោធិ៍​ ​និង​កោះ​អាចម៍សេះ​ ​ស្ថិត​ក្នុង​ភូមិ​សាស្រ្ត​ខេត្ត​កែប​ ​។​
​ការ​បង្រ្កាប​បាន​នោះ​ ​គឺ​ក្នុង​ប្រតិបត្តិ​ការ​ ​ប្រើ​នាវា​ល្បាត​គយ​ថ្មី​ទំនើប​ ​ដែល​ជា​ជំនួយ​របស់​រដ្ឋាភិបាល​ជប៉ុន​ ​ទើប​ផ្ដល់ឲ្យ​អគ្គនាយក​ដ្ឋាន​គយ​ ​និង​រដ្ឋាករ​កម្ពុជា​ ​កាលពី​ពេល​ថ្មី​ៗ​នេះ​ ​។​ ​


​បើ​តាម​អគ្គនាយក​ដ្ឋាន​គយ​ ​និង​រដ្ឋាករ​កម្ពុជា​ ​បាន​ឲ្យដឹង​ថា​ ​នេះ​ជា​លើក​ទី១ហើយ​ ​ដែល​ការិយាល័យ​នាវាចរ​គយ​ ​ធ្វើការ​បង្រ្កាប​អំពើ​គេចពន្ធ​នេះ​ ​បន្ទាប់ពី​ទទួល​បាន​នាវា​ល្បាត​គយ​ចំនួន​ពីរ​គ្រឿង​ដែល​ជា​ជំនួយ​របស់​រដ្ឋាភិបាល​ជប៉ុន​ផ្តល់​ ​ជូន​រាជរដ្ឋាភិបាល​កម្ពុជា​ ​ក្រោម​កម្មវិធី​អភិវឌ្ឍ​សេដ្ឋកិច្ច​សង្គម​ ​។​
​នៅក្នុង​ប្រតិបត្តិ​ការ​នេះ​ ​សមត្ថកិច្ច​គយ​ ​ឃាត់​បាន​ទូក​ដឹក​បារី​គេចពន្ធ​ ​ដែល​ផ្ទុក​បារី​ចំនួន​ ​១,១២៩​ ​កាតុង​ ​ប៉ុន្តែ​សមត្ថកិច្ច​ ​ពុំ​ទាន់​បញ្ជាក់​ពី​ទំនិញ​ខុសច្បាប់​ ​និង​អ្នក​អ្នកទទួល​ខុសត្រូវ​នៅឡើយ​ទេ​។​ ​


​គួរ​បញ្ជាក់​ផង​ដែរ​ថា​ ​នាវា​ល្បាត​គយ​នេះ​ ​ត្រូវ​បាន​សម្ពោធ​ដាក់​ឱ្យ​ប្រើប្រាស់​ជា​ផ្លូវការ​ ​កាលពី​ថ្ងៃទី២៥​ ​ខែមករា​ ​ឆ្នាំ២០១៩​ ​ក្រោម​វត្តមាន​លោក​ ​អគ្គបណ្ឌិត​សភា​ចារ្យ​ ​អូន​ ​ព័ន្ធ​មុនី​រ័ត្ន​ ​ឧបនាយក​រដ្ឋមន្រ្តី​ ​រដ្ឋមន្រ្តី​ក្រសួងសេដ្ឋកិច្ច​ ​និង​ហិរញ្ញវត្ថុ​ ​និង​លោក​ ​HORINOUCHI​ ​Hidehisa​ ​ឯកអគ្គ​រាជទូត​ជប៉ុន​ ​ប្រចាំ​នៅ​ព្រះរាជាណាចក្រ​កម្ពុជា​ ​។​
​លោក​ ​អូន​ ​ព័ន្ធ​មុនី​រ័ត្ន​ ​បាន​រំពឹង​ថា​ ​ការ​បំពាក់​នាវា​ល្បាត​គយ​ ​នឹង​ចូលរួម​ចំណែក​យ៉ាង​សំខាន់​បន្ថែម​ទៀត​ក្នុង​ការ​ពង្រឹង​សមត្ថភាព​ ​និង​ប្រសិទ្ធភាព​ក្នុង​ការ​បង្ការ​ទប់ស្កាត់​ ​និង​បង្រ្កាប​អំពើ​រត់គេច​ពន្ធ​នៅ​លើ​ភូមិសាស្ត្រ​សមុទ្រ​ ​និង​តំបន់ឆ្នេរ​នៃ​ព្រះរាជាណាចក្រ​កម្ពុជា​ ​ហើយក៏​អាច​ចូលរួម​ក្នុង​ការ​ពង្រឹង​សន្តិសុខ​លំហ​រស​មុទ្រ​កម្ពុជា​ ​ផង​ដែរ​ ​៕​

  • អត្ថបទទាក់ទង :
  • Featured
Loading...

ពេញនិយម