មេបញ្ជាការ​កងទ័ពជើងគោក​កម្ពុជា​ ​កំពុង​បំពេញ​ទស្សនកិច្ច​នៅ​ប្រទេស​ចិន​ ​ដើម្បី​ពង្រឹង​ទំនាក់ទំនង​រវាង​កងទ័ព​ប្រទេស​ទាំងពីរ​

ចិន​ ​៖​ ​គណ:ប្រតិភូ​ជាន់ខ្ពស់​នៃ​កងយោធពល​ខេមរភូមិន្ទ​ ​ដឹកនាំ​ដោយ​ឧត្តម​សេ​នីយ៏​ឯក​ ​ហ៊ុន​ ​ម៉ា​ណែ​ត​ ​អគ្គ​មេបញ្ជាការ​រង​ ​និង​ជា​មេបញ្ជាការ​កងទ័ពជើងគោក​ ​បាន​ជួបពិភាក្សា​ការងារ​ជាមួយ​នាយ​ឧត្តមសេនីយ៍​ ​ហាន​ ​វេ​ហ្គូ​ ​(​HAN​ ​WEIGUO​)​ ​មេ​បញ្ជា​កា​កងទ័ពជើងគោក​ ​នៃ​កងទ័ព​រំដោះប្រជាជន​ចិន​ ​នាទី​ក្រុង​ប៉េកាំង​ ​។​

​ក្នុង​ជំនួប​ ​នាយ​ឧត្តមសេនីយ៍​ ​ហាន​ ​វេ​ហ្គូ​ ​(​HAN​ ​WEIGUO​)​ ​សង្ឃឹមថា​ ​ប្រទេស​ទាំងពីរ​ ​ចិន​-​កម្ពុជា​ ​នឹង​បន្ត​ពង្រឹងពង្រីក​ទំនាក់ទំនង​ ​និង​កិច្ច​សហប្រតិបត្តិ​ការ​ឲ្យ​កាន់តែ​រឹងមាំ​ថែមទៀត​ ​ក្រោម​យុទ្ធ​សាស្រ្ត​ចង្អុល​ទិស​របស់​លោក​ប្រធានាធិបតី​ ​ស៊ី​ ​ជី​នពីង​ ​និង​ ​សម្ដេច​តេជោ​ ​ហ៊ុន​ ​សែន​ ​នាយក​រដ្ឋមន្រ្តី​នៃ​កម្ពុជា​ ​ដោយធ្វើ​យ៉ាងណា​ ​ដើម្បី​អភិវឌ្ឍ​កិច្ច​សហប្រតិបត្តិ​ការ​គ្រប់ជ្រុងជ្រោយ​ ​នៃ​ប្រទេស​ទាំងពីរ​ ​។​ ​
​ជា​ការ​ឆ្លើយតប​ ​ឧត្តមសេនីយ៍ឯក​ ​ហ៊ុន​ ​ម៉ា​ណែ​ត​ ​បាន​ថ្លែងអំណរគុណ​យ៉ាង​ជ្រាលជ្រៅ​ចំពោះ​រដ្ឋាភិបាល​ ​កងទ័ព​ ​និង​ប្រជាជន​ចិន​ ​ដែល​បាន​ចូលរួម​គាំទ្រ​យ៉ាងសកម្ម​ ​នៅក្នុង​ដំណើរការ​កសាង​ ​និង​អភិវឌ្ឍ​លើ​គ្រប់​វិស័យ​នៅក្នុង​ប្រទេស​កម្ពុជា​ ​។​ ​
​ឧត្តមសេនីយ៍ឯក​ ​ហ៊ុន​ ​ម៉ា​ណែ​ត​ ​បាន​ស្នើសុំ​ឲ្យ​ភាគី​ចិន​ ​បន្ត​គាំទ្រ​ ​និង​សហប្រតិបត្តិ​ការ​លើ​គ្រប់​វិស័យ​ ​សំដៅ​ធ្វើ​យ៉ាងណា​អនុវត្ត​កិច្ច​សហប្រតិបត្តិ​ការ​ជា​យុទ្ធសាស្ត្រ​គ្រប់ជ្រុងជ្រោយ​ ​និង​ដ៏​រឹងមាំ​រវាង​កម្ពុជា​-​ចិន​ ​។​ ​

​សូម​បញ្ជាក់​ថា​ ​ដំណើរ​ទស្សនកិច្ច​របស់​គណៈប្រតិភូ​ជាន់ខ្ពស់​កងទ័ពជើងគោក​ ​នៃ​កងយោធពល​ខេមរភូមិន្ទ​កម្ពុជា​ ​នៅ​ប្រទេស​ចិន​ ​ធ្វើឡើង​តប​តាម​ការ​អញ្ជើញ​ពី​ក្រសួងការពារជាតិ​ចិន​ ​ដែល​មាន​រយ:ពេល​ ​៥ថ្ងៃ​ ​ចាប់ពី​ថ្ងៃទី២៥​ ​ខែកុម្ភៈ​ ​ដល់​ថ្ងៃទី១​ ​ខែ​មិនា​ ​ឆ្នាំ២០១៩​។​
​ក្នុងអំឡុងពេល​ស្នាក់នៅ​ប្រទេស​ចិន​ ​ប្រតិភូ​កម្ពុជា​ ​នឹង​ជួប​សំដែង​ការគួរសម​ ​និង​ពិភាក្សា​ការងារ​ជាមួយ​ថ្នាក់ដឹកនាំ​ជាន់ខ្ពស់​ចិន​ ​រួមមាន​ ​៖​ ​លោក​ ​រដ្ឋមន្រ្តី​ក្រសួងការពារជាតិ​ចិន​,​ ​លោក​អនុប្រធាន​គណ:កម្មការ​យោ​ធា​មជ្ឈឹ​ម​ ​នៃ​កងទ័ព​រំដោះប្រជាជន​ចិន​ ​និង​ ​លោក​ ​មេបញ្ជាការ​កងទ័ពជើងគោក​ ​រួម​ទាំង​ថ្នាក់ដឹកនាំ​សំ​ខាន់​ៗ​ជាច្រើន​រូប​ទៀត​ ​៕​