Connect with us

ព្រះពុទ្ធ​បដិមា​អង្គ​ធំ​ ​កម្ពស់​ ​៨០ម៉ែត្រ​ ​នឹង​លេចចេញ​ជារូបរាង​នៅ​វត្ត​ប្រាសាទ​ស្រះ​កណ្តាល​

បន្ទាយមានជ័យ​ ​៖​ ​នាយ​ឧត្តមសេនីយ៍​ ​កែ​ ​គឹ​មយ៉ា​ន​ ​ឧបនាយក​រដ្ឋមន្ត្រី​ ​ប្រធាន​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន​ ​និង​ប្រធាន​ក្រុមការងារ​ថ្នាក់​ជាតិ​ចុះមូលដ្ឋាន​ ​ខេត្ត​បន្ទាយមានជ័យ​ ​នៅ​ថ្ងៃទី២៦​ ​ខែកុម្ភៈ​ ​ឆ្នាំ២០១៩នេះ​ ​បាន​អញ្ជើញ​បញ្ចុះ​បឋមសិលា​កសាង​ព្រះពុទ្ធ​បដិមា​អង្គ​ធំ​ ​កម្ពស់​ ​៨០ម៉ែត្រ​ ​នៅ​វត្ត​ប្រាសាទ​ស្រះ​កណ្តាល​ ​(​ខ្ចាស់​)​ ​ស្ថិត​ក្នុង​ស្រុក​ព្រះនេត្រ​ព្រះ​ ​ខេត្ត​បន្ទាយមានជ័យ​ ​។​ ​
​នាយ​ឧត្តមសេនីយ៍​ ​កែ​ ​គឹ​មយ៉ា​ន​ ​បាន​មានប្រសាសន៍​ថា​ ​ព្រះពុទ្ធ​សាសនា​ ​គឺជា​សាសនា​របស់​រដ្ឋ​ ​ហើយ​តែង​ទទួល​បាន​នូវ​ការ​ជួយ​ជ្រោមជ្រែង​ពីសំណាក់​ថ្នាក់ដឹកនាំ​ ​និង​ពុទ្ធបរិស័ទ​ ​ដែល​ជា​ពុទ្ធ​សាសនូបត្ថម្ភ​គ្រប់ទិសទី​។​ ​


​នាយ​ឧត្តមសេនីយ៍​ ​កែ​ ​គឹ​មយ៉ា​ន​ ​បាន​លើកឡើង​ថា​ ​បច្ចុប្បន្ន​រាជរដ្ឋាភិបាល​កម្ពុជា​ ​ដឹកនាំ​ដោយ​សម្តេច​តេជោ​ ​ហ៊ុន​ ​សែន​ ​ប្រទេសជាតិ​ ​មាន​សុខ​សន្តិភាព​និង​ការ​អភិវឌ្ឍ​រីកចម្រើន​លើ​គ្រប់​វិស័យ​ ​ទាំង​ពុទ្ធចក្រ​ ​អាណាចក្រ​ជាមួយនឹង​កំណើន​សេដ្ឋកិច្ច​ជាង៧​%​ ​ក្នុង១ឆ្នាំ​ៗ​ ​។​ ​ភាព​ក្រីក្រ​ ​ត្រូវ​បាន​កាត់បន្ថយ​ជាលំដាប់​ ​និង​បាន​ធ្វើឲ្យ​ប្រសើរ​ឡើង​នៃ​កម្រិតជីវភាព​រស់នៅ​របស់​ប្រជាពលរដ្ឋ​ ​និង​កសាង​បាន​មកវិញ​នូវ​វត្តអារាម​សម្រាប់​ពុទ្ធបរិស័ទ​គោរព​បូជា​ ​និង​ជា​ឃ្លាំង​ផ្ទុក​នូវ​វប្បធម៌​ ​អរិយធម៌​ ​ព្រមទាំង​ជាទី​ជម្រក​ ​ដល់​ជន​ក្រីក្រ​គ្មាន​ទីពឹង​ ​។​
​នាយ​ឧត្តមសេនីយ៍​ ​កែ​ ​គឹ​មយ៉ា​ន​ ​បាន​ចាត់ទុកថា​ ​ការ​កសាង​នូវ​ព្រះពុទ្ធ​បដិមា​អង្គ​ធំ​នា​ពេលនេះ​ ​គឺ​ ​ដើម្បី​ទុកជា​សម្បត្តិ​សាធារណៈ​តម្កល់ទុក​ក្នុង​ព្រះពុទ្ធ​សាសនា​ ​សម្រាប់​ប្រជាពលរដ្ឋ​គោរព​បូជា​ ​និង​ ​សុំ​សេចក្តី​សុខសប្បាយ​តរៀងទៅ​ ​៕​

  • អត្ថបទទាក់ទង :
  • Featured
Loading...

ពេញនិយម