តារា​សម្តែង៣ដួង​ ​បង្ហាញ​អារម្មណ៍​ពិត​ ​ក្រោយ​បញ្ចប់​ការ​ថត​ខ្សែភាពយន្ត​រឿង​ ​«​ផ្កាយ​មារ​»​

តារា​សម្តែង​បី​ដួង​ក្នុង​រឿង​ ​«​ផ្កាយ​មារ​»​ ​ដែល​មាន​ដូចជា​លោក​ ​ញ៉ែម​ ​សុគន្ធ​ ​កញ្ញា​ ​ម៉ាក​ ​សែន​សូ​នី​តា​ ​និង​ ​លោក​ ​សន​ ​ពិសិដ្ឋ​ ​បាន​បង្ហាញ​ពី​អារម្មណ៍​ពិត​ក្រោយ​ថត​ខ្សែភាពយន្ត​ភាគ​រឿង​ ​«​ផ្កាយ​មារ​»​ ​នៅក្នុង​កម្មវិធី​ ​«​រាត្រី​កម្សាន្ត​»​ ​របស់​ស្ថានីយ​ទូរទស្សន៍​ ​CTN​ ​ថា​៖​ ​«​វា​ពិតជា​ពិសេស​ណាស់​សម្រាប់​ពួកគាត់​ក្នុង​ការ​សម្តែង​រួមគ្នា​ ​គ្រប់​ឈុត​ឆាក​គឺ​ពិតជា​មានការ​លំបាក​ជាច្រើន​»​ ​។​ ​

ចំណែក​កញ្ញា​ ​តូ​តា​ ​បាន​និយាយ​ថា​ ​ឈុត​ដែល​គាត់​មានការ​លំបាក​ជាងគេ​ ​គឺជា​ឈុត​ត្រូវ​គេ​ធ្វើបាប​ក្នុងទឹក​ ​ពិបាក​ដកដង្ហើម​ណាស់​ ​ត្រូវ​ទ្រាំអត់​ដកដង្ហើម​ ​ទើប​ធ្វើ​ឱ្យ​គាត់​ជួប​ការ​លំបាក​ ​តែ​វា​ធ្វើ​គាត់​ខិតខំ​ប្រឹងប្រែង​រហូត​ទើបបាន​សម្រេច​។​ ​ចំពោះ​លោក​ ​ញ៉ែម​ ​សុគន្ធ​ ​ក៏បាន​លើកឡើង​ថា​ ​«​វា​លំបាក​គ្រប់​ឈុត​ឆាក​តែម្តង​ ​ជាពិសេស​ឈុត​វ៉ៃ​គ្នា​»​ ​។​ ​

​រឿង​ ​«​ផ្កាយ​មារ​»​ ​ជា​ខ្សែភាពយន្ត​បុរាណ​ ​ដែល​ប្រើ​បច្ចេកទេស​ជាច្រើន​ក្នុង​ការ​ថត​ ​ធានា​ថា​ល្អមើល​ ​លាយឡំ​ ​និង​ ​ភាព​កម្សត់​ ​ស្រក់​ទឹកភ្នែក​ ​ឈ្នានីស​គ្នា​ដើម្បី​យក​ឈ្នះ​រៀង​ៗ​ខ្លួន​ ​បង្កើត​ជា​បញ្ហា​ឥត​ឈប់ឈរ​។​

ស្ថានីយ​ទូរទស្សន៍CTN​ ​នឹង​ធ្វើពិធី​សម្ពោធ​ ​រឿង​“​ផ្កាយ​មារ​”​ ​ដែល​នឹង​មានការ​ចូលរួម​ពី​តួអង្គ​សំ​ខាន់​ៗ​ ​ការ​សម្តែង​ឈុត​ឆាក​ពិ​សេស​ៗ​ដែល​មាន​ក្នុង​សាច់រឿង​ ​និង​មានការ​ចូលរួម​ពីសំណាក់​ផលិតករ​ ​និង​ ​អ្នកដឹកនាំ​រឿង​ល្បី​ៗ​ ​សិល្បៈ​ករ​ ​សិល្បៈ​ការិនី​ ​ក៏ដូចជា​អ្នក​ដែល​មានបទពិសោធន៍​ច្រើន​ឆ្នាំ​ក្នុង​វិស័យ​សិល្បៈ​ខ្មែរយើង​ផង​ដែរ​។​

​ទស្សនិកជន​ក៏អាច​មានឱកាស​បាន​ថតរូប​ជាមួយ​តារា​ក្នុង​ដួងចិត្ត​ ​អត់​ដែន​កំណត់​ផង​ដែរ​ ​ដែល​កម្មវិធី​នេះ​នឹង​ប្រារព្ធ​ឡើង​នៅ​ថ្ងៃ​ព្រហស្បតិ៍​ ​ទី២៨​ ​ខែកុម្ភៈ​ ​ឆ្នាំ២០១៩នេះ​ ​នៅ​ ​Eden​ ​Garden​ ​(​បឹងកក់​)​ ​ចាប់ពី​ម៉ោង៥ល្ងាច​តទៅ​។​

​អត្ថបទ​៖​ ​ឡុង​ ​រតនា​