ក្នុងរយៈពេល ០៦ខែ ឆ្នាំ២០១៨ ទាំងសមត្ថកិច្ចក្រសួង និងរាជធានី ខេត្ត បានផ្ដល់លិខិតអនុញ្ញាតសាងសង់បានចំនួន ១ ៦៤៣ គម្រោង

ក្នុងរយៈពេល ០៦ខែ ឆ្នាំ២០១៨ ទាំងសមត្ថកិច្ចក្រសួង និងរាជធានី ខេត្ត បានផ្ដល់លិខិតអនុញ្ញាតសាងសង់បានចំនួន ១ ៦៤៣ គម្រោង មានផ្ទៃក្រឡាសំណង់សុរប ៥ ៣៥២ ៤២២ម៉ែត្រការ៉េ មានតម្លៃប៉ានស្មាន ២ ១៥៣ ២១១ ១១៨ ដុល្លារសហរដ្ឋអាមេរិក នេះបើយោងតាមរបាយការណ៍ពីក្រសួងរៀបចំដែនដី នគរូបនីយកម្ម និង សំណង់ ដែលចេញនៅរសៀលថ្ងៃទី ២៤ កក្កដានេះ ។
តាមរបាយការណ៍ ក៏បានអោយដឹងថា ទុនវិនិយោគរបស់វិស័យឯកជនមកពីបរទេស គឺមានចំនួន ៨ប្រទេស មានចំនួន ២១គម្រោង មានផ្ទៃក្រឡាសំណង់សរុប ៩២៨ ២៦៧ ម៉ែត្រការ៉េ មានតម្លៃប៉ាន់ស្មានទុនវិនិយោគ ៣៩៤ ៣៣២ ៣០០ ដុល្លារ។
ជាមួយគ្នានេះ ការវិនិយោគ បានផ្ដល់ការងារដល់អ្នកជំនាញ កម្មករប្រមាណ ១៨ម៉ឺននាក់ក្នុងមួយថ្ងៃ ដែលធ្វើការតាមការដ្ឋានសំណង់ទូទាំងប្រទេស ព្រមទាំងទទួលបានប្រាក់ឈ្នួលពី ៤០០ដុល្លារ ទៅ ២ ៥០០ដុល្លារ ក្នុងមួយខែ៕