ការសិក្សាបានបង្ហាញថាក្មេងដែលគេងមិនបានគ្រប់គ្រាន់គឺមានផលប៉ះពាល់ទៅដល់ខួរក្បាលរបស់ពួកគាត់ច្រើនជាងមនុស្សវ័យជំទង់

៣ ឆ្នាំមុន

ខែមីនា ៦, ២០១៩ អប់រំ

ការផ្សព្វផ្សាយនៅក្នុង Frontiers in human Neuroscience នៅខែវិច្ឆិការ ឆ្នាំ២០១៦បានបង្ហាញនាពេលថ្មីៗនេះថា អ្នកស្រាវជ្រាវបានសាកល្បងទៅលើក្មេងដែលមានអាយុចន្លោះពី៥ឆ្នាំដល់១២ឆ្នាំដោយពួកគេមិនបានគេងគ្រប់គ្រាន់ លទ្ធផលបានបង្ហាញថា៥០ភាគរយនៃក្មេងគេងមិនបានគ្រប់គ្រាន់បានបង្ហាញយ៉ាងជាក់លាក់ពីផលប៉ះពាល់ដល់ផ្នែកខ្លះនៃខួរក្បាលរបស់ពួកគេ។

ការសិក្សាបានបង្ហាញថា មនុស្សជំទង់មានការថយចុះនៃកម្លាំងខួរក្បាលនៅពេលដែលពួកគាត់មិនបានសំរាកបានគ្រប់គ្រាន់ ដែលវាធ្វើឱ្យមានផលប៉ះពាល់ដល់ការចងចាំ ចំនែកឯកូនក្មេងវិញគឺមានផលប៉ះពាល់ទៅដល់ផ្នែកជាច្រើននៃខួរក្បាល។

អ្នកស្រាវជ្រាវបានធ្វើការវាស់ស្ទង់កម្រិតនៃចលនាខួរក្បាលរបស់ក្មេងនៅពេលដែលពួកគេគេងបានគ្រប់គ្រាន់នៅពេលយប់និងគេងមិនបានគ្រប់គ្រាន់។ នៅពេលនោះអ្នកស្រាវជ្រាវបានកត់សម្គាល់ភាពខុសគ្នារវាងចំនុចទាំង២ថា ផ្នែកខាងក្រោយនៃខួរក្បាលនឺងធ្វើឱ្យកើនទម្ងន់នៅពេលដែលគេងមិនបានគ្រប់គ្រាន់និងធ្វើឱ្យខួរក្បាលស្ពឺកស្រពន់ រីឯការគេងបានគ្រប់គ្រាន់នឺងធ្វើឱ្យខួរក្បាលទទួលបានសារបានយ៉ាងឆាប់រហ័សនិងធ្វើឱ្យអារម្មណ៏ស្រស់ស្រាយ៕