ដឹងអត់ថា តារាថៃ ជះលុយតុបតែងខ្លួនអស់ប៉ុន្មាន ពេលទៅកម្មវិធីម្តងៗ?

៣ ឆ្នាំមុន

ខែមីនា ៦, ២០១៩ កម្សាន្ត

ថៃ ៖ ប្រទេសថៃ គឺជាប្រទេសដែលសម្បូរទៅដោយតារាល្បីជាច្រើន ដែលពួកគេ មិនត្រឹមតែល្បីក្នុងស្រុកនោះទេ ក្នុងនោះ តារាថៃមួយចំនួន ក៏ល្បីល្បាញនៅក្រៅប្រទេសមិនធម្មតាផងដែរ។

យោងតាមសារព័ត៌មាននៅក្នុងប្រទេសថៃ បានឱ្យដឹងថា តារាថៃ ក្រៅពីទទួលបានចំណូលច្រើនពីការងារសិល្បៈ ពួកគេ ក៏បានជះលុយមិនស្ទើរ ទៅលើការតុបតែងខ្លួនរបស់ពួកគេ នៅពេលទៅកម្មវិធីម្តងៗដូចគ្នា ។

ជាទូទៅ ពួកគេតែងតែចំណាយប្រហាក់ប្រហែល ៣០០ ដុល្លារ ឬ ក៏លើសនេះ សម្រាប់អ្នកផាត់មុខ និងធ្វើសក់ល្បីៗ ។ ចំណែកឯសំលៀកបំពាក់វិញ ជួនកាលពួកគេបានទទួលការឧបត្ថម្ភពីផលិតផលម៉ាកក្នុងស្រុក និងពេលខ្លះ ពួកគេត្រូវចំណាយលុយរាប់ពាន់ដុល្លារដោយខ្លួនឯងសម្រាប់សំលៀកបំពាក់របស់ពួកគេ។

ទន្ទឹមគ្នានេះ ពួកគេ ត្រូវចំណាយ ១០ភាគរយ ពីប្រាក់ចំណូលដែលពួកគេទទួលបាន សម្រាប់អ្នកគ្រប់គ្រងរបស់ពួកគេ ។ ក្រៅពីនេះ ពួកគេ ក៏ត្រូវបង់ពន្ធជូនរដ្ឋផងដែរ តែសម្រាប់ចំនួនភាគរយដែលត្រូវបង់ជូនរដ្ឋ មិនត្រូវបានគេបញ្ជាក់ថាប៉ុន្មានភាគរយនោះទេ ៕