Katreeya​ ​បង្ហាញ​អារម្មណ៍​រំភើប​ ​នៅពេល​ចូលរួម​ការ​ប្រគំតន្ត្រី​គម្រប់​ខួប១៨ឆ្នាំ​ ​នៃ​ការប្រកួត​ ​Freshie​ ​Girls​ ​and​ ​Boys​

​ភ្នំពេញ​ ​៖​ ​កាលពីយប់មិញ​ ​អ្នកនាង​ ​Katreeya​ ​English​ ​បាន​ចូលរួម​ការ​ប្រគំតន្ត្រី​ ​គម្រប់​ខួប១៨ឆ្នាំ​ ​នៃ​កម្មវិធី​ប្រកួត​ ​Freshie​ ​Girls​ ​and​ ​Boys​ ​នៅ​ស្ទូឌីយោ​ទូរទស្សន៍​ ​MyTV​ ​ដោយមាន​ការចូលរួម​ពីសំណាក់​ភ្ញៀវ​កិ​តិ្ត​យស​ ​និង​អ្នកគាំទ្រ​អ្នកនាង​ ​Katreeya​ ​English​ ​រួម​ទាំង​មាន​វត្តមាន​កូនប្រុស​ទាំង៣នាក់​ ​របស់​លោក​ ​ព្រាប​ ​សុវត្ថិ​ ​ផង​ដែរ​។​

​
​តារាចម្រៀង​ស្រី​ដ៏​ល្បី​ប្រចាំ​ប្រទេស​ថៃ​ ​អ្នកនាង​ ​Katreeya​ ​English​ ​បាន​បញ្ជាក់​ប្រាប់​ ​MyTV​ ​Plus​ ​ថា​ ​”​ ​ខ្ញុំ​ ​ពិតជា​មាន​អារម្មណ៍​រំភើប​ណាស់​ ​ពេល​ដែល​បាន​មក​ប្រទេស​កម្ពុជា​ ​ហើយ​បានឃើញ​អ្នកគាំទ្រ​កម្ពុជា​ ​ដែល​នៅតែ​ស្រឡាញ់​រូប​ខ្ញុំ​ ​និង​ ​គាំទ្រ​រូប​ខ្ញុំ​ ​ធ្វើ​ឱ្យ​ខ្ញុំ​រំភើបចិត្ត​ ​រក​អ្វី​ប្រៀប​មិនបាន​”​ ​។

​
​
​Katreeya​ ​English​ ​បាន​បន្ត​ថា​ ​”​ ​ខ្ញុំ​ស្រឡាញ់​ប្រជាជន​កម្ពុជា​ ​ស្រឡាញ់​ប្រទេស​កម្ពុជា​ ​ហើយ​ក្រោយ​ចប់​កម្មវិធី​ប្រគំតន្ត្រី​នេះ​ ​ខ្ញុំ​ ​នឹង​ធ្វើដំណើរ​ទៅ​ទស្សនា​តំបន់​ទេសចរណ៍​របស់​កម្ពុជា​ ​។​ ​ខ្ញុំ​ ​ក៏​សូម​អរគុណ​ទស្សនិកជន​ ​និង​ស្ថានីយ​ទូរទស្សន៍​ ​MyTV​ ​ដែរ​បាន​គាំទ្រ​រូប​ខ្ញុំ​ផង​ដែរ​ ​”​។​ ​

​
​សម្រាប់​មតិ​អ្នកគាំទ្រ​វិញ​ ​គាត់​បាន​និយាយប្រាប់​ ​MyTV​ ​Plus​ ​ថា​ ​គាត់​ពិតជា​រំភើប​ ​ដែល​បាន​មក​ជួប​ ​Idol​ ​របស់​គាត់​ ​គឺ​ ​អ្នកនាង​ ​Katreeya​ ​English​ ​រួម​នឹង​ ​កូនប្រុស​ទាំង៣នាក់​របស់​លោក​ ​ព្រាប​ ​សុវត្ថិ​ ​ហើយ​ពួកគាត់​ ​ពិតជា​គាំទ្រ​សិល្បៈ​កម្ពុជា​ ​ហើយក៏​អរគុណ​ ​MyTV​ ​ដែល​បាន​រៀប​ចម្ការ​ប្រគំតន្ត្រី​នេះ​ឡើង​ផង​ដែរ​ ​៕​

​
​អត្ថបទ​៖​ ​ឡុង​ ​រតនា​