តោះ​មក​មើល​ស្បែកជើង​ដ៏​គួរ​អោយ​អស់សំណើច​របស់​កញ្ញា​ ​ឈិត​ ​សុវណ្ណ​បញ្ញា​ ​ក្នុង​បទចម្រៀង​ប្រពៃណី​ជាតិ​

ភ្នំពេញ​ ​៖​ ​ដោយសារតែ​ពិធីបុណ្យ​ចូលឆ្នាំ​ថ្មី​ប្រពៃណី​ជាតិខ្មែរ​ជិត​ចូល​មកដល់​ ​តារាចម្រៀង​ជាច្រើន​ ​បាន​ត្រៀម​ចេញ​នូវ​បទចម្រៀង​របស់​ខ្លួន​ ​សម្រាប់​ការ​រាំ​លេងកម្សាន្ត​ក្នុង​ឪ​កាស​នៃ​ការ​ឈប់​សម្រាក់​ដ៏​ធំ​ប្រចាំឆ្នាំ​នេះ​ ​។​ ​
​ដោយឡែក​សម្រាប់​កញ្ញា​ ​ឈិត​ ​សុវណ្ណ​បញ្ញា​ ​តារាចម្រៀង​ប្រចាំ​ផលិត​កម្ម​ថោន​ ​វិញ​ ​ក៏បាន​ត្រៀម​នូវ​បទចម្រៀង​សម្រាប់​ទស្សនិកជន​ ​និង​អ្នកគាំទ្រ​របស់​ខ្លួន​ផង​ដែរ​ ​។​ ​

​ប៉ុន្តែ​អ្វី​ដែល​ប្លែក​នោះ​ ​គឺ​ ​តាមរយៈ​ការ​ចេញ​ប្រូ​ម៉ូត​តាម​បណ្តាញ​សង្គម​ ​ទស្សនិកជន​ ​បាន​មើលឃើញ​ពី​ការ​តុបតែង​ខ្លួន​បែប​សម័យកាល​មុន​របស់​កញ្ញា​ ​ឈិត​ ​សុវណ្ណ​បញ្ញា​ ​ដែល​ហាក់​ប្លែក​ខុសពី​ធម្មតា​ ​ដោយ​ក្នុង​នោះ​ ​សូម្បីតែ​ស្បែកជើង​ ​មើលទៅ​ក៏​អស់សំណើច​ដែរ​ ​។​ ​
​តាមរយៈ​បទចម្រៀង​ ​ដែល​ត្រៀម​នឹង​ចេញ​សម្រាប់​ថ្ងៃបុណ្យ​ចូលឆ្នាំ​ខ្មែរ​នេះ​ ​ទស្សនិកជន​ ​ជាច្រើន​បាន​សម្តែង​ការចាប់អារម្មណ៍​ចំពោះ​ការ​ស្លៀកពាក់​ ​ជាពិសេស​ស្បែកជើង​របស់​គាត់​ ​ហើយ​អ្នកគាំទ្រ​របស់​គាត់​ចូល​ ​Comment​ ​ថា​ ​«​ស្បែកជើង​ឡូ​យម៉ង​បង​»​ ​។​ ​
​ជាមួយនឹង​បទចម្រៀង​ថ្មី​ទាំងនេះ​ ​កញ្ញា​ ​ឈិត​ ​សុវណ្ណ​បញ្ញា​ ​ក៏បាន​និយាយទៅ​កាន់​អ្នកគាំទ្រ​វិញ​ថា​ ​«​តោះ​យើង​ ​រាំ​លេង​ទាំងអស់គ្នា​ ​សំរាប់​ថ្ងៃបុណ្យ​ចូលឆ្នាំ​ខ្មែរ​»​ ​៕​

​
​អត្ថបទ​៖​ ​ឡុង​ ​រតនា​