Connect with us

អ្នកវិភាគ​៖​ ​សហរដ្ឋអាមេរិក​ ​ភ័យខ្លាច​ចិន​ ​ដែល​កំពុង​នាំមុខ​ក្នុង​វិស័យ​បច្ចេកវិទ្យា​ទូរគមនាគមន៍​

ហុងកុង​៖​ ​អ្នកវិភាគ​មួយ​រូប​ ​បាន​លើកឡើង​ថា​ ​យុទ្ធនាការ​ដាក់​សម្ពាធ​លើ​ក្រុមហ៊ុន​ ​Hauwei​ ​ពី​រដ្ឋាភិបាល​សហរដ្ឋអាមេរិក​ ​គឺ​ដោយសារតែ​ ​ចិន​ ​ហាក់​បាន​កំពុងតែ​នាំមុខ​ ​ក្នុង​វិស័យ​បច្ចេកវិទ្យា​ ​ទូរគមនាគមន៍​នៅ​លើ​ពិភពលោក​ ​។​
​តាមរយៈ​សារព័ត៌មាន​រុស្សី​ ​Sputnik​ ​លោក​ ​Andrew​ ​Leung​ ​អ្នកជំនាញ​ផ្នែក​យុទ្ធ​សាស្រ្ត​ផែនការ​ម្នាក់​ ​បាន​និយាយ​ ​ថា​ ​សហរដ្ឋអាមេរិក​ទំនងជា​ទើបបាន​ភ្ញាក់​ដឹងខ្លួន​ ​ពី​ការអភិវឌ្ឍន៍​រីកចម្រើន​នៃ​ ​វិស័យ​បច្ចេកវិទ្យា​របស់​ចិន​ ​។​


​លោក​ ​Andrew​ ​បាន​លើកឡើង​ថា​ ​Huawei​ ​គឺជា​មុខមាត់​ ​និង​ជា​មោទនភាព​នៃ​វឌ្ឍនភាព​ផ្នែក​បច្ចេកវិទ្យា​របស់​ប្រទេស​ចិន​ ​ដែល​ក្នុងរយៈពេល​ប្រមាណ​ជា​ ​២ទសវត្សរ៍​ចុងក្រោយ​នេះ​ ​ក្រុមហ៊ុន​ ​Huawei​ ​បាន​ខិតខំ​ប្រឹងប្រែង​ជា​ខ្លាំង​ ​ដើម្បី​អាច​ទទួល​បាន​ទំនុកចិត្ត​ខ្ពស់​ពី​បណ្តា​អតិថិជន​ ​នៅ​ជុំវិញ​ពិភពលោក​ ​។​ ​បច្ចុប្បន្ន​ ​Huawei​ ​បាន​ជ្រៀតចូល​ក្នុង​ទីផ្សារ​បច្ចេក​វិទ្យា​ទំនើប​ៗ​ ​នៅ​តាម​ប្រទេស​ដល់ទៅ​ចំនួន​ ​១៦០​ ​ដែល​នេះ​ ​គឺជា​ជោគជ័យ​ដ៏​អស្ចារ្យ​មួយ​ ​។​
​លោក​ ​Andrew​ ​បាន​បន្ថែម​ថា​ ​បើ​និយាយ​ពី​បណ្តាញ​ ​5G​ ​វិញ​ ​គឺ​ ​Huawei​ ​កំពុងតែ​ដើរ​នាំមុខ​គេ​នៅ​លើ​ពិភពលោក​ ​សូម្បី​សហរដ្ឋអាមេរិក​ ​ក៏​នៅ​ពីក្រោយ​ដែរ​ ​។​ ​រី​ឯ​ដៃគូ​ប្រកួត​ដែល​អាច​និយាយ​បាន​ថា​ ​នៅ​កៀក​នឹង​ ​Huawei​ ​បំផុត​នោះ​ ​គឺ​មានតែ​ ​Ericsson​ ​និង​ ​Nokia​ ​ដែល​ជា​ក្រុមហ៊ុន​អឺរ៉ុប​ប៉ុណ្ណោះ​ ​។​ ​ប៉ុន្តែ​ក្រុមហ៊ុន​ទាំងនោះ​ ​ក៏​ត្រូវ​ ​Huawei​ ​វ៉ា​ដាច់​ឆ្ងាយ​ខ្លាំង​ណាស់​ ​បើ​គិត​អំពី​ភាព​ទំនើប​ជឿនលឿន​នៃ​ផ្នែក​បច្ចេកវិទ្យា​ ​និង​ការ​បញ្ចេញ​នូវ​ប្រព័ន្ធ​រចនាសម្ព័ន្ធ​ទូរគមនាគមន៍​។​

​លោក​ ​Andrew​ ​យល់ឃើញ​ថា​ ​សហរដ្ឋអាមេរិក​ ​ហាក់​បាន​ភ្ញាក់ខ្លួន​ថា​ ​ចិន​កំពុងតែ​បោះពួយ​ទៅមុខ​មុន​ខ្លួន​ ​នៅក្នុង​វិស័យ​នេះ​ ​ហើយ​វា​ ​គឺជា​ការ​គំរាមកំហែង​មួយ​ដល់​ឥទ្ធិពល​របស់​អាមេរិក​ ​។​ ​ដូចនេះ​ ​សហរដ្ឋអាមេរិក​ ​កំពុងតែ​ប្រឹងប្រែង​កៀប​គ្រប់​ច្រកល្ហក​តែម្តង​លើ​ប្រទេស​ចិន​ ​ដើម្បី​ទប់ទល់​សន្ទុះ​រីក​ចំរើន​របស់​ចិន​ ​លើ​គ្រប់​វិស័យ​តែម្តង​ ​ជាពិសេស​បច្ចេកវិទ្យា​ ​។​
​កាលពី​ពេល​ថ្មី​ៗ​នេះ​ ​លោក​ ​Ren​ ​Zhengfei​ ​ស្ថាបនិក​ក្រុមហ៊ុន​ ​ហួ​វៃ​ ​បាន​អត្ថា​ធិប្បាយ​ថា​ ​ការ​ចាប់ខ្លួន​កូនស្រី​របស់​លោក​ ​គឺ​លោកស្រី​ ​Meng​ ​Wanzhou​ ​ដែល​ជា​ប្រធានប្រតិបត្តិ​ហិរញ្ញវត្ថុ​ ​គឺ​ ​ចេតនា​នយោបាយ​សុទ្ធសាធ​ ​។​


​សហរដ្ឋអាមេរិក​ ​បាន​ចោទប្រកាន់​ប្រឆាំង​លោកស្រី​ ​Meng​ ​Wanzhou​ ​ពាក់ព័ន្ធ​ករណី​លាង​លុយ​ ​កខ្វក់​ ​ការ​គៃបន្លំ​តាម​ធនាគារ​ ​និង​ការ​លួច​ការសម្ងាត់​ពាណិជ្ជកម្ម​ ​ខណៈ​ដែល​ក្រុមហ៊ុន​ ​ហួ​វៃ​ ​បាន​ច្រានចោល​រាល់​ការចោទប្រកាន់​ ​និង​ ​អះអាង​ថា​ ​ខ្លួន​មិនបាន​ធ្វើខុស​នោះ​ទេ​ ​។​ ​
​លោក​ ​Ren​ ​បាន​ផ្តល់​បទសម្ភាសន៍​ផ្តាច់​មុខ​មួយ​ទៅកាន់​ ​លោកស្រី​ ​Karishma​ ​Vaswani​ ​នៃ​ទីភ្នាក់ងារ​ ​BBC​ ​ថា​ ​“​ ​សហរដ្ឋអាមេរិក​ ​គ្មាន​ផ្លូវ​នឹង​បំផ្លាញ​យើង​បានទេ​ ​។​ ​ពិភពលោក​ ​មិន​អាច​បោះបង់ចោល​យើង​បានទេ​ ​ដោយសារតែ​យើង​មានការ​អភិវឌ្ឍន៍​បច្ចេកវិទ្យា​នាំមុខ​ ​។​ ​បើ​ទោះបីជា​គេ​ ​បាន​បញ្ចុះបញ្ចូល​ប្រទេស​មួយចំនួន​ ​កុំ​អោយ​ប្រើប្រាស់​ផលិតផល​យើង​ជា​បណ្តោះ​ ​អាសន្ន​ក៏ដោយ​ ​ក៏​យើង​នៅតែ​អាច​ដោះស្រាយ​បញ្ហា​បាន​”​ ​៕​

    Loading...

    ពេញនិយម