Connect with us

តើ​តារា​ខ្មែ​រល្បីៗ​ណាខ្លះ​ដែល​គាំទ្រ​ ​និង​មិន​គាំទ្រ​ចំពោះ​ទោស​ប្រហារជីវិត​?​

ភ្នំពេញ​៖​ ​កាលពី​ថ្ងៃម្សិលមិញ​នេះ​ ​ទោស​ប្រហារជីវិត​ ​បាន​ក្លាយជា​ប្រធានបទ​ដ៏​ក្តៅ​គគុក​ ​នៅ​លើ​បណ្តាញ​ទំនាក់ទំនង​សង្គម​ ​។​ ​ការ​បញ្ចេញមតិ​នោះ​ ​បាន​កើតឡើង​ ​បន្ទាប់ពី​សម្តេច​តេជោ​ ​ហ៊ុន​ ​សែន​ ​បាន​បង្ហាញ​ពី​បំណង​ក្នុង​ការ​ធ្វើ​ប្រជាមតិ​ ​ធ្វើ​វិសោធនកម្ម​រដ្ឋធម្មនុញ្ញ​ ​ឲ្យ​មានការ​កាត់ទោស​ប្រហារជីវិត​ ​ចំពោះ​ករណី​ ​តា​រំលោភ​ចៅ​ ​ឬ​ ​ឪពុក​រំលោភ​ ​កូន​ជាដើម​ ​។​ ​
​ថ្លែងប្រាប់​ ​MyTV​ ​Plus​ ​ពិធី​ការីនី​ដ៏​ល្បីល្បាញ​ប្រចាំ​ ​CBS​ ​កញ្ញា​ ​ជី​ជី​ ​និង​ ​កញ្ញា​ ​បេ​ប៊ី​ ​បង្ហាញ​ការ​គាំទ្រ​ ​ប្រសិនជា​មានការ​វិសោធនកម្ម​ច្បាប់​មួយ​នេះ​ ​ដោយ​កញ្ញា​ ​បាន​លើ​ក​ឡើញ​ថា​ ​ពួកគាត់​បានឃើញ​ ​ករណី​រំលោភ​សម្លាប់​ជាច្រើន​ ​កាលពី​ពេល​ថ្មី​ៗ​នេះ​ ​ហើយ​ប្រសិនបើ​មានច្បាប់​នេះ​មែន​ ​វា​នឹង​រឹត​បន្តឹង​ ​ហើយ​ធ្វើឲ្យ​ជនល្មើស​ ​ខ្លាច​ចំពោះ​ច្បាប់​ថ្មី​មួយ​នេះ​ ​។​

សម្រាប់​ ​Cambodia’s​ ​Queen​ ​of​ ​Punk​ ​កញ្ញា​ ​Vartey​ ​Ganiva​ ​ក៏​គាំទ្រ​ ​ប្រសិនជា​មានការ​ធ្វើ​វិសោធនកម្ម​ច្បាប់​មួយ​នេះ​ផង​ដែរ​ ​។​ ​តារាចម្រៀង​ ​ដែល​ច្រៀង​បទ​បែប​អប់រំ​ ​បាន​លើកឡើង​ថា​ ​ច្បាប់​នេះ​ ​អាច​ធ្វើអោយ​អ្នក​ប្រព្រឹត្ត​ទទួលទោស​ដែល​ខ្លួន​បាន​ធ្វើ​យ៉ាង​ស័ក្តិសម​ ​និង​ព្រមាន​ទៅដល់​អ្នក​ក្រោយ​ ​កុំ​ឲ្យ​ប្រព្រឹត្ត​អំពើ​បែបនេះ​ម្តង​ហើយ​ម្តង​ទៀត​ ​។​ ​
​ដោយឡែក​សម្រាប់​ ​កញ្ញា​ ​ចាន់​ ​គង្ការ​ ​ជ័យលាភី​របស់​កម្មវិធី​ ​Cambodia’s​ ​Next​ ​Top​ ​Model​ ​របស់​ស្ថានីយ​ទូរទស្សន៍​ ​MyTV​ ​បាន​បង្ហាញ​ការ​មិន​គាំទ្រ​ ​ប្រសិនជា​មានការ​ធ្វើ​វិសោធនកម្ម​ច្បាប់​អោយ​មានទោស​ប្រហារជីវិត​នេះ​ ​នោះ​ទេ​ ​។​ ​មូលហេតុ​ដែល​ ​មិន​គាំទ្រ​ ​ដោយសារតែ​ ​គង្ការ​ ​យល់ថា​ ​ការ​កាត់ទោស​ប្រហារជីវិត​ ​វា​មាន​ភាព​ងាយស្រួល​ពេក​ ​ដោយ​កញ្ញា​ ​សំណូមពរ​ឲ្យ​ជំនួស​វិញ​ដោយ​ការ​កាត់ទោស​ដាក់គុក​មួយ​ជីវិត​ ​។​ ​គង្ការ​ ​បាន​បន្ត​ទៀត​ថា​ ​នៅពេល​កាត់ទោស​ដោយ​ដាក់គុក​មួយ​ជីវិត​ ​ពួកគេ​ ​នឹង​រង​ការឈឺចាប់​ជាង​ ​ដោយសារតែ​ពួកគេ​បាត់បង់​សិទ្ធិ​សេរីភាព​របស់​គេ​អស់មួយជីវិត​។​ ​

​គួរ​បញ្ជាក់​ផង​ដែរ​ថា​ ​ពាក់ព័ន្ធ​នឹង​បញ្ហា​នេះ​ ​កាលពី​ថ្ងៃម្សិលមិញ​ ​សម្តេច​តេជោ​ ​ហ៊ុន​ ​សែន​ ​នាយក​រដ្ឋមន្រ្តី​នៃ​កម្ពុជា​ ​ក៏បាន​ប្រកាស​ជាថ្មី​ឡើងវិញ​ថា​ ​កម្ពុជា​ ​មិន​ចាំបាច់ក្នុង​ការ​ធ្វើ​វិសោធនកម្ម​រដ្ឋធម្មនុញ្ញ​ ​ដើម្បី​បើកផ្លូវ​ឱ្យ​មានច្បាប់​ប្រហារជីវិត​នោះ​ទេ​ ​ដោយសារតែ​ពេលនេះ​ ​កម្ពុជា​មានច្បាប់​ដែល​ដាក់​ពន្ធនាគារ​អស់មួយជីវិត​សម្រាប់​ឧក្រិដ្ឋជន​នោះ​ ​គឺ​គ្រប់គ្រាន់​ហើយ​៕​

កញ្ញា​ ​ជី​ជី

​កញ្ញា​ ​បេ​ប៊ី​

កញ្ញា​ ​Vartey​ ​Ganiva

​កញ្ញា​ ​ចាន់​ ​គង្ការ

​អត្ថបទ​៖​ ​ណា​រ៉ូ​ត​

Loading...

ពេញនិយម