Connect with us

ខេត្តកំពត​ ​កំពូល​ដួងចិត្ត​ ​ពេលនេះ​ ​កំពុង​ទាក់ទាញ​វិនិយោគិន​ជ​ប៉ុ​នប​ណ្តើរៗ​ហើយ​!​

កំពត​ ​៖​ ​ខេត្តកំពត​ ​ជា​ខេត្ត​មួយ​ដែល​កំពុងតែ​ទាក់ទាញ​ភ្ញៀវ​ទេសចរណ៍​ស្ទើរតែ​គ្រប់ទិសទី​ឱ្យទៅ​លេង​កំសាន្ត​ ​ដោយសារតែ​ខេត្ត​មួយ​នេះ​ ​មាន​អំណោយផល​ផ្នែក​ធម្មជាតិ​ ​ដោយមាន​ទាំង​ភ្នំ​ ​ព្រែក​ ​សមុទ្រ​ ​និង​ព្រៃលិចទឹក​ជាដើម​ ​។​ ​មិន​ត្រឹមតែ​ប៉ុណ្ណោះ​ ​ការ​ធ្វើដំណើរ​ត្រឹមតែ​ពី២​ ​ទៅ៣ម៉ោង​ប៉ុណ្ណោះ​ពី​រាជធានី​ភ្នំពេញ​។​
​បើ​យោង​តាម​គេហទំព័រ​ ​www.realestate.com.kh​ ​បាន​សរសេរ​ថា​ ​ភាព​ស្ងប់ស្ងាត់​អម​ទៅ​ដោយ​ធម្មជាតិ​ ​ជាមួយនឹង​សំណង់​អគារ​បុរាណ​ដែល​សល់​ពី​ជំនាន់​អាណានិគម​បារាំង​ ​បាន​ធ្វើ​ឱ្យ​ខេត្តកំពត​ ​ក្លាយជា​តំបន់​ដែល​កំពុងតែ​មាន​សក្តា​នុ​ពល​បំផុត​ ​នៅក្នុង​ការ​វិនិយោគ​ទៅលើ​វិស័យ​ដែល​ពាក់ព័ន្ធ​ទៅ​នឹង​ទេសចរណ៍​ ​ដូចជា​ ​សណ្ឋាគារ​ ​រី​ហ្ស​ត​ ​រមណីយដ្ឋាន​ ​ភោជនីយដ្ឋាន​ ​រឺ​សេវាកម្ម​ទេសចរណ៍​ ​ជាដើម​។​
​ដោយ​មើលឃើញ​ពី​ឪ​កាស​ដ៏​កម្រ​នេះ​ ​មាន​អ្នក​វិនិយោគ​ក្នុង​ស្រុក​ ​និង​ក្រៅ​ស្រុក​ជាច្រើន​បាន​ចាប់​យក​ខេត្ត​ដ៏​តូច​ច្រឡឹង​នេះ​ ​មក​អភិវឌ្ឍន៍​តាម​ជំ​នា​ញរៀងៗ​ខ្លួន​។​ ​


​ជាក់ស្តែង​ ​កាលពី​ថ្ងៃទី២៨​ ​ខែកុម្ភៈ​ ​កន្លងទៅ​នេះ​ ​មាន​ក្រុម​អ្នក​វិនិយោគិន​ជប៉ុន​ ​ទើបតែ​បាន​ចូល​ជួប​ជាមួយនឹង​លោក​ ​ជាវ​ ​តាយ​ ​អភិបាលខេត្ត​កំពត​ ​និង​បង្ហាញ​ពី​ចំណាប់​អារម្មណ៍​ក្នុង​ការ​វិនិយោគ​ទៅលើ​ការសាងសង់​សណ្ឋាគារ​ ​និង​ ​បឹង​កាឡូ​ ​នៅក្នុង​ខេត្ត​នេះ​។​
​គម្រោង​នេះ​ ​នឹង​ធ្វើឡើង​លើ​ដី​ទំហំ​ ​សរុប​ ​៤ហិច​តា​ ​ដែល​មាន​ទីតាំង​ស្ថិតនៅ​ក្នុង​ឃុំ​ត្រើយកោះ​ ​ដែល​ជាទី​តាំង​ពេញនិយម​បំផុត​ ​សម្រាប់​សាងសង់​សំណង់​ប្រភេទ​សណ្ឋាគារ​ ​រី​ហ្ស​ត​ ​ឬ​ ​បឹង​កាឡូ​ ​ជាដើម​ ​។​
​ទន្ទឹម​នឹង​នេះ​ ​បើ​តាម​លោក​ ​សយ​ ​ស៊ី​ណុល​ ​ប្រធានមន្ទីរ​ទេសចរណ៍​ខេត្តកំពត​ ​បានឱ្យ​ដឹង​ថា​គម្រោង​វិនិយោគ​របស់​ជប៉ុន​នេះ​ ​គឺ​ពិតជា​មាន​ប្រាកដ​មែន​ ​ប៉ុន្តែ​ទាក់ទិន​នឹងថា​ ​តើ​គម្រោង​នេះ​នឹង​ចាប់ផ្តើម​នៅ​ថ្ងៃណា​ ​ឬ​ ​នឹង​ចំណាយ​ទុន​សរុប​ប៉ុន្មាន​ ​នៅ​មិនទាន់​ប្រាកដ​នោះ​ទេ​ ​។​
​លោក​បន្ថែម​ទៀត​ថា​ ​បច្ចុប្បន្ន​នេះ​ ​ក្រុមហ៊ុន​វិនិយោគ​ជប៉ុន​ ​ប្រហែលជា​កំពុងតែ​ធ្វើការ​សិក្សា​ទៅលើ​គម្រោង​ទាំងមូល​នៅឡើយ​ ​ទើប​មិនទាន់​មានការ​បញ្ជាក់​អ្វី​ផ្សេង​ក្រៅពី​នេះ​ ​។​
​លោក​ ​សយ​ ​ស៊ី​ណុល​ ​មាន​សុទិដ្ឋិនិយម​យ៉ាង​ខ្លាំង​ថា​ ​គម្រោង​នេះ​ ​នឹង​នាំមក​នូវ​ការអភិវឌ្ឍន៍​ ​និង​ចំណូល​កាន់តែ​ច្រើន​ ​ដើម្បី​ជួយ​ធ្វើឲ្យ​សេដ្ឋកិច្ច​របស់​ខេត្ត​ ​និង​ប្រជាពលរដ្ឋ​នៅក្នុង​ខេត្ត​នេះ​មាន​ភាព​ប្រសើរ​ឡើង​ ​។​


​​ក្រៅពី​នេះ​ ​លោក​ ​មាន​ក្តី​រំពឹង​ចង់ឱ្យ​មាន​អ្នក​វិ​និ​យោ​គ​ផ្សេង​ៗ​ ​ជាពិសេស​ ​គឺ​ ​វិនិយោគិន​ជប៉ុន​ជាច្រើន​ទៀត​ ​ឱ្យមក​ចូល​វិនិយោគ​នៅ​លើ​វិស័យ​ទេសចរណ៍​ ​និង​ធុរកិច្ច​នេះ​បន្ថែម​ទៀត​ ​។​
​គូសបញ្ជាក់​ផង​ដែរ​ថា​ ​តាំងពី​ខេត្ត​ព្រះសីហនុ​ ​មាន​កំណើន​ជនជាតិ​ចិន​កើនឡើង​មក​ ​ខេត្តកំពត​បាន​ជំនួស​តំណែង​ខេត្ត​ព្រះសីហនុ​ ​ដើម្បី​ទទួលយក​ភ្ញៀវ​ទេសចរណ៍​យ៉ាងច្រើន​សន្ធឹក​សន្ធាប់​ ​ពោល​ ​គឺ​នៅក្នុង​ឆ្នាំ២០១៨​ ​មាន​ចំនួន​ភ្ញៀវ​ជាតិ​ ​និង​អន្តរជាតិ​ ​រហូតដល់​ទៅ​ ​១.៨​ ​លាន​នាក់​ ​ឯណោះ​ ​៕​
​ប្រភព​៖​ ​https​:​/​/​www.realestate.com.kh​/​km​/​news​/​Kampot​-​attracts​-​Japanese​-​investment​/​

    Loading...

    ពេញនិយម