Connect with us

ការ​ដា្ឋន​សាង​សង់​ព្រលា​នយន្ត​ហោះ​សៀមរាប​ ​តម្លៃ​ជាង​ ​៩០០លាន​ដុល្លារ​ ​នឹង​ត្រូវ​បើក​ការដ្ឋាន​ ​នា​ពេល​ឆាប់​ៗ​ខាងមុខ​!​

សៀមរាប​ ​៖​ ​កំណើន​នៃ​ការអភិវឌ្ឍន៍​ ​ការ​វិនិយោគ​ ​និង​ភ្ញៀវ​ទេសចរណ៍​ ​ដែល​ចូល​មកកាន់​ប្រទេស​កម្ពុជា​ ​ជាពិសេស​ ​តំបន់​ប្រវត្តិសាស្ត្រ​អង្គរ​ ​កាន់តែ​មានការ​កើនឡើង​ពី​មួយឆ្នាំ​ទៅ​ឆ្នាំ​ ​ដែល​តម្រូវ​ឱ្យ​មានការ​អភិវឌ្ឍន៍​ហេដ្ឋារចនាសម្ព័ន្ធ​បន្ថែម​ទៀត​ ​ដើម្បី​បម្រើ​ឱ្យ​ប្រជាជន​ ​អ្នក​វិនិយោគ​ ​ក៏ដូចជា​ភ្ញៀវ​ជាតិ​ ​និង​អន្តរជាតិ​ ​ដែល​ធ្វើដំណើរ​មកកាន់​ខេត្តសៀមរាប​ ​។​


​ក្នុង​នោះ​ ​អាកាសយាន​ដ្ឋាន​អន្តរជាតិ​សៀមរាប​អង្គរ​ ​ដែល​កំពុងតែ​ទទួល​អ្នកដំណើរ​មក​ពីគ្រប់ទិស​ទី​ ​ក៏​ត្រូវការ​អភិវឌ្ឍន៍​ ​និង​ពង្រីក​បន្ថែម​ផង​ដែរ​ ​ដើម្បី​បង្កើន​នូវ​គុណភាព​សេវាកម្ម​ ​ក៏ដូចជា​វិសាលភាព​ ​ក្នុង​ការ​ទទួលយក​អ្នកដំណើរ​ឱ្យ​បាន​កាន់តែ​ច្រើន​ ​។​ ​បើ​យោង​តាម​ការ​ចេញផ្សាយ​ដោយ​គេហទំព័រ​ ​www.realestate.com.kh​ ​នា​ពេល​ឆាប់​ៗ​នេះ​ ​ព្រលា​នយន្ត​ហោះ​ថ្មី​ ​នៅ​ខេត្តសៀមរាប​ ​នឹង​ត្រូវ​បើក​ការដ្ឋាន​សាងសង់​ជា​ផ្លូវការ​ដោយ​សម្តេច​អគ្គសេនាបតី​តេជោ​ ​ហ៊ុន​ ​សែន​ ​នេះ​បើ​តាម​ការ​បង្ហើប​ពី​លោក​ ​ជា​ ​អូន​ ​អ្នកនាំពាក្យ​ ​និង​ ​ជារ​ដ្ឋ​លេខាធិការ​ ​នៃ​រដ្ឋលេខាធិការ​ដ្ឋាន​អាកាសចរណ៍​ស៊ីវិល​។​
​បច្ចុប្បន្ន​នេះ​ ​គម្រោង​សាង​សង់​ព្រលា​នយន្ត​ហោះ​នៅ​ទឹកដី​អង្គរ​ ​កំពុង​ស្ថិត​ក្រោម​ការរៀបចំ​ផែនការ​ ​និង​ការដ្ឋាន​នៅឡើយ​ ​ខណៈ​ដែល​គម្រោង​មួយ​នេះ​ ​នឹង​ត្រូវ​ចំណាយ​ទឹកប្រាក់​ប្រមាណ​ ​៩០០លាន​ដុល្លារ​អា​មេ​រិច​ ​។​


​ព្រលា​នយន្ត​ហោះ​នេះ​ ​ជា​ព្រលា​នយន្ត​ហោះ​ខ្នាត​អន្តរជាតិ​ ​ដែល​អាច​ឱ្យ​យន្តហោះ​ខ្នាត​ធំៗ​ ​ចុះចត​បាន​ ​។​ ​ដូច្នេះ​ ​ការ​សាង​សង់​ព្រលា​នយន្ត​ហោះ​នេះ​ ​នឹង​ជួយ​បង្កើន​លំហូរ​ចូល​នៃ​ភ្ញៀវ​ទេសចរ​ ​និង​វិនិយោគ​មក​ពីក្រៅ​ប្រទេស​ ​បាន​កាន់តែ​ច្រើនជាង​មុន​ទៀត​ ​ពោល​គឺ​អាច​ហោះ​មកកាន់​ខេត្តសៀមរាប​បានតែ​ម្តង​ ​ដោយ​មិន​ចាំបាច់​ចុះចត​នៅ​ព្រលា​នយន្ត​ហោះ​អន្តរជាតិ​ភ្នំពេញ​នោះ​ទេ​។​

​ព្រលា​នយន្ត​ហោះ​សៀមរាប​ថ្មី​ ​គ្រោង​នឹង​សាងសង់​លើ​ផ្ទៃដី​ទំហំ​ ​៧០០ហិ​ក​តា​ ​ដែល​ស្ថិតនៅ​ ​ស្រុក​សូទ្រនិគម​ ​ចម្ងាយ​ប្រមាណ​ ​៥០គីឡូម៉ែត្រ​ ​ពី​តំបន់​អង្គរ​ ​។​
​នេះ​ជា​ដំណឹងល្អ​មួយ​សម្រាប់​កម្ពុជា​ ​ក៏ដូចជា​ប្រជាពលរដ្ឋ​ ​ដែល​នៅក្នុង​ខេត្តសៀមរាប​ផ្ទាល់​តែម្តង​ ​ព្រោះ​ព្រលា​នយន្ត​ហោះ​ថ្មីនេះ​ ​នឹង​បង្កើន​សកម្មភាព​សេដ្ឋកិច្ច​របស់​ខេត្ត​នេះ​ ​ឱ្យ​កាន់តែ​រីកចម្រើន​ ​និង​បង្កើត​ការងារ​ ​និង​ប្រាក់ចំណូល​ជាតិ​ ​និង​ប្រជាជន​ ​ឱ្យ​កាន់តែ​ច្រើនជាង​មុន​ ​៕​


​ប្រភព​៖​ ​https​:​/​/​www.realestate.com.kh​/​km​/​news​/​over​-​900​-​million​-​Airport​-​in​-​Siem​-​Reap​-​set​-​to​-​launch​-​its​-​construction​-​soon​/​

  • អត្ថបទទាក់ទង :
  • Featured
Loading...

ពេញនិយម