Connect with us

តោះ​ទៅ​ចូលរួម​ពិធីបុណ្យ​ទន្លេ​លើក​ទី៥​ ​នៅ​ខេត្ត​កំពង់ឆ្នាំង​ ​ដែល​ចាប់ផ្តើម​នៅ​ថ្ងៃនេះ​ហើយ​

កំពង់ឆ្នាំង​៖​ ​ពិធីបុណ្យ​ទន្លេ​លើក​ទី៥​ ​នៅ​ខេត្ត​កំពង់ឆ្នាំង​ ​នឹង​ចាប់ផ្តើម​នៅ​ថ្ងៃនេះ​ហើយ​ ​ដោយ​រំពឹង​ថា​ ​នឹង​មានការ​មក​ចូលរួម​លេងកម្សាន្ត​ពី​ភ្ញៀវ​ទេសចរ​ជាតិ​ ​និង​អន្តរជាតិ​ ​ប្រមាណ​ ​៥០ម៉ឺន​នាក់​។​ ​​ពិធីបុណ្យ​ទន្លេ​ក្នុង​ឆ្នាំនេះ​ ​នឹង​ប្រព្រឹត្តទៅ​ចាប់ពី​ថ្ងៃទី​ ​១៥​ ​ដល់ទី​ ​១៧​ ​ខែមីនា​ ​ឆ្នាំ​ ​២០១៩​ ​ក្រោម​ប្រធានបទ​ ​«​ទន្លេ​៖​ ​ផ្សារភ្ជាប់​សន្តិភាព​ប្រជាជន​ ​និង​ទេសចរណ៍​»​ ​ខណៈ​ដែល​បន្ទប់​ស្នាក់នៅ​ ​ត្រូវ​បាន​កក់​អស់ហើយ​ ​។​


​កាលពី​ថ្ងៃម្សិលមិញ​នេះ​ ​លោក​ ​ថោង​ ​ខុន​ ​រដ្ឋមន្ត្រី​ក្រសួងទេសចរណ៍​ ​ព្រមទាំង​ថ្នាក់ដឹកនាំ​ ​និង​ ​មន្ត្រី​រាជការ​ខេត្ត​កំពង់ឆ្នាំង​ ​បាន​អញ្ជើញ​ប្រារព្ធ​ពិធី​ក្រុងពាលី​សុំ​សេចក្ដីសុខ​ចម្រើន​ ​ក្នុង​ពេល​ប្រារព្ធ​ពីធី​បុណ្យ​ទន្លេ​លើក​ទី៥​ ​នៅ​ខេត្ត​កំពង់ឆ្នាំង​នេះ​។​ ​អ្វី​ដែល​ពិសេស​នោះ​ ​លោក​ ​ថោង​ ​ខុន​ ​ព្រមទាំង​ថ្នាក់ដឹកនាំ​ ​និង​មន្ត្រី​រាជការ​ទាំងអស់​ ​ក៏បាន​ដង្ហែ​កន្ទោង​ថ្វាយ​បារមី​ព្រះ​ម៉ែ​គង្គា​ ​អម​ដោយ​ភ្លេង​ឆៃយ៉ាំ​ ​យក​ទៅ​បណ្ដែត​ដល់​ទឹកទន្លេ​ ​នៃ​ក្រុង​កំពង់ឆ្នាំង​តែម្ដង​ ​ខណៈ​កំពុង​ដង្ហែក្បួន​ពិធី​ខាងលើ​ ​ប្រជាជន​ជាច្រើន​បាន​ចេញ​មក​អបអរសាទរ​នៅអម​តាម​ដងផ្លូវ​យ៉ាងច្រើន​កុះករ​ ​ដែល​ម្នា​ក់ៗ​ពោរពេញ​ទៅ​ដោយ​ស្នាម​ញញឹម​គ្រប់​ៗ​គ្នា​ ​។​

បើ​តាម​អ្នកនាំពាក្យ​ក្រសួងទេសចរណ៍​ ​បាន​ថ្លែងប្រាប់​សារព័ត៌មាន​ក្នុង​ស្រុក​ឲ្យដឹង​ថា​ ​ពិធីបុណ្យ​ទន្លេ​លើក​ទី៥​ ​ដែល​រៀបចំ​នៅ​ខេត្ត​កំពង់ឆ្នាំង​នៅ​ឆ្នាំនេះ​ ​អាច​នឹង​ទាក់ទាញ​ទេសចរ​ ​មិន​តិច​ជាង​ ​៥០​ ​ម៉ឺន​នាក់​ ​នោះ​ទេ​ ​។​ ​​ដោយឡែក​ ​បើ​តាម​មន្ទីរ​ទេសចរណ៍​ខេត្ត​ ​បាន​អោយ​ដឹង​ថា​ ​ក្នុង​ទីរួមខេត្ត​កំពង់ឆ្នាំង​ ​បច្ចុប្បន្ន​មានផ្ទះ​សំណាក់​ ​និង​សណ្ឋាគារ​ ​សរុប​ជាង​ ​៦០០​ ​បន្ទប់​ ​ដែល​ចំនួន​នេះ​ ​ត្រូវ​បាន​រំពឹង​ថា​ ​នឹង​មិន​អាច​ឆ្លើយតបទៅនឹង​ចំនួន​នៃ​អ្នកទេសចរ​ ​ដែល​មក​ចូលរួម​ក្នុង​ពិធីបុណ្យ​ទន្លេ​ ​បាន​នោះ​ទេ​។​ ​
​គួរ​កត់សម្គាល់​ថា​ ​តំបន់​ទេសចរណ៍​សំ​ខាន់​ៗ​នៅក្នុង​ខេត្ត​កំពង់​ឆ្នាំ​ ​រួមមាន​ ​រមណីយដ្ឋាន​ភ្នំ​នាង​កង្រី​ ​វត្ត​ត្រឡែងកែង​ ​សហគមន៍​ទេសចរណ៍​អណ្តូង​ឫស្សី​ ​និង​កន្លែង​ទឹកធ្លាក់​ក្នុង​ស្រុក​ទឹកផុស​ ​។​


​តាម​ការ​គ្រោងទុក​ ​សម្តេច​តេជោ​ ​ហ៊ុន​ ​សែន​ ​នាយក​រដ្ឋមន្ត្រី​នៃ​កម្ពុជា​ ​និង​សម្ដេច​កិត្តិ​ព្រឹទ្ធ​បណ្ឌិត​ ​ប៊ុ​ន​ ​រ៉ា​នី​ ​ហ៊ុន​សែន​ ​ក៏​នឹង​អញ្ជើញ​ជា​អធិបតីភាព​ ​ក្នុង​ពិ​ធិបើ​ក​ផ្លូវការ​នៃ​ព្រឹត្តិ​ការណ៍​ទេសចរណ៍​ដ៏​ធំ​ប្រចាំឆ្នាំ​នេះ​ផង​ដែរ​ ​។​ ​
​សូម​រម្លឹក​ថា​ ​ពិធីបុណ្យ​ទន្លេ​នៅ​កម្ពុជា​ ​ត្រូវ​បាន​រៀបចំ​ដំបូង​ក្នុង​ឆ្នាំ​ ​២០១៥​ ​ក្នុង​ខេត្តក្រចេះ​ ​ដោយមាន​ភ្ញៀវ​ចូលរួម​ប្រមាណ​ ​១០​ ​ម៉ឺន​នាក់​,​ ​ឆ្នាំ​ ​២០១៦​ ​ធ្វើ​នៅ​ខេត្ត​កំពង់ចាម​ ​មាន​អ្នកចូលរួម​ប្រមាណ​ ​៥០​ ​ម៉ឺន​នាក់​,​ ​ឆ្នាំ​ ​២០១៧​ ​នៅ​ខេត្ត​ស្ទឹងត្រែង​ ​មាន​ប្រហែល​ ​១៤​ ​ម៉ឺន​នាក់​,​ ​និង​កាលពី​ឆ្នាំ​ ​២០១៨​ ​រៀបចំ​នៅ​ក្រុង​តាខ្មៅ​ ​ខេត្តកណ្តាល​ ​ដោយមាន​ភ្ញៀវ​ចូលរួម​ប្រមាណ​ជាង​ ​១,៥​ ​លាន​នាក់​ ​៕​

 

  • អត្ថបទទាក់ទង :
  • Featured
Loading...

ពេញនិយម