Connect with us

កំពូល​ស្មា​ត​ហ្វូ​ន​ ​Huawei​ ​ដែល​មាន​អេក្រង់​អាច​បត់​បាន​ ​បង្ហាញខ្លួន​ដ៏​គួរឲ្យ​ភ្ញាក់ផ្អើល​នៅ​កម្ពុជា​

ភ្នំពេញ​ ​៖​ ​កំពូល​ស្មា​ត​ហ្វូ​ន​ ​Huawei​ ​សម្រាប់​ឆ្នាំ២០១៩​ ​ដែល​មាន​អេក្រង់​អាច​បត់​បាន​ ​ឈ្មោះថា​ ​Mate​ ​X​ ​បាន​បង្ហាញខ្លួន​ដ៏​គួរឲ្យ​ភ្ញាក់ផ្អើល​នៅ​កម្ពុជា​ ​នា​ថ្ងៃម្សិលមិញ​នេះ​ ​នៅ​ស្នាក់​ការ​កណ្តាល​ ​Huawei​ ​គឺ​ ​នៅ​អាគារ​ ​Xchange​ ​Square​ ​ដោយមាន​ការ​អញ្ជើញ​ចូលរួម​ពី​ថ្នាក់ដឹកនាំ​របស់​ក្រុមហ៊ុន​ ​Huawei​,​ ​តារា​ចំរៀង​ ​នី​កូ​ ​រួម​ជាមួយនឹង​តំណាង​ដៃគូ​ ​និង​អ្នកសារព័ត៌មាន​ជាច្រើន​រូប​ ​។​

​បើ​តាម​លោក​ ​Henry​ ​Xiao​ ​នាយក​ ​Huawei​ ​ប្រចាំ​ប្រទេស​កម្ពុជា​ ​បាន​អោយ​ដឹង​ថា​ ​កម្ពុជា​ ​ជា​ប្រទេស​ទី៤​ ​ក្នុង​តំបន់​អាស៊ី​ប៉ាស៊ីហ្វិក​ ​ដែល​មាន​ឪ​កាស​បានឃើញ​ដោយ​ផ្ទាល់​នូវ​កំពូល​ស្មា​ត​ហ្វូ​ន​ ​Mate​ ​X​ ​នេះ​ ​ពោល​គឺ​បន្ទាប់ពី​ប្រទេស​វៀតណាម​ ​ថៃ​ ​និង​ ​ហ្វីលីពីន​ ​ដែល​ជាទី​ផ្សារ​ធំ​នៅក្នុង​តំបន់​ ​។​ ​
​ទោះ​យ៉ាងណា​ ​លោក​ ​Henry​ ​Xiao​ ​បាន​អោយ​ដឹង​ថា​ ​កំពូល​ស្មា​ត​ហ្វូ​ន​ ​Mate​ ​X​ ​នេះ​ ​មាន​វត្តមាន​នៅ​កម្ពុជា​ ​តែ២ថ្ងៃ​ប៉ុណ្ណោះ​ ​ក្នុង​នោះ​ ​ក៏​មានការ​ដាក់​តាំង​បង្ហាញ​ក្នុង​វេទិកា​សេដ្ឋកិច្ច​ឌីជីថល​ ​ដែល​រៀបចំឡើង​នៅ​កោះ​ពេជ្រ​ផង​ដែរ​ ​។​ ​
​អ្វី​ដែល​ចាប់អារម្មណ៍​ថែមទៀត​នោះ​ ​ក្រុមហ៊ុន​ ​Huawei​ ​បាន​ប្រកាស​ថា​ ​នឹង​ចេញ​លក់​ស្មា​ត​ហ្វូ​ន​អេក្រង់​អាច​បត់​បាន​នេះ​ ​នៅចន្លោះ​ពាក់​ក​ណ្តាល​ឆ្នំា២០១៩​ ​បន្ទាប់ពី​ការ​បង្ហាញ​វត្តមាន​ជា​ផ្លូវការ​នៅ​ទីក្រុង​ប៉ារីស​ ​ប្រទេស​បារាំង​។​ ​លោក​ ​បាន​បន្ត​ថា​ ​តម្លៃ​អាច​នឹង​មាន​ប្រែប្រួល​ថែមទៀត​ផង​ ​។​
​វត្តមាន​របស់​ស្មា​ត​ហ្វូ​ន​ ​Mate​ ​X​ ​គឺ​មិន​ត្រឹមតែ​បង្ហាញ​ពី​អេក្រង់​អាច​បត់​បាន​ប៉ុណ្ណោះទេ​ ​គឺ​ថែមទាំង​មាន​ភ្ជាប់​ជាមួយនឹង​បច្ចេកវិទ្យា​នៃ​ការ​បញ្ចូល​ថាមពល​ថ្ម​ដល់ទៅ​ ​55W​ ​SuperCharge​ ​ដែល​ធ្វើអោយ​ ​Mate​ ​X​ ​នេះ​ ​ក្លាយជា​ស្មា​ត​ហ្វូ​ន​ ​ដែល​មាន​ល្បឿន​លឿន​បំផុត​ថែមទៀត​ផង​។​ ​


​Huawei​ ​ធ្លាប់​បាន​និយាយ​ថា​ ​Mate​ ​X​ ​អាច​បង្កើន​ល្បឿន​បញ្ជូល​ថាមពល​ដល់ទៅ​ ​៨៥​%​ ​នៅក្នុង​រយៈពេល​ត្រឹមតែ​ ​៣០​ ​នាទី​ប៉ុណ្ណោះ​។​ ​ស្មា​ត​ហ្វូ​ន​ ​Mate​ ​X​ ​មាន​អេក្រង់​ទំហំ​ ​៨អ៊ីញ​ ​ជាមួយនឹង​កម្រិត​ភាព​ច្បាស់​ ​2480×2200​ ​pixels​ ​ហើយ​នៅពេល​ដែល​បត់​នោះ​ ​អេក្រង់​ខាងក្រៅ​របស់​វា​មាន​ទំហំ​ ​6.6​ ​អ៊ីញ​ ​ជាមួយនឹង​កម្រិត​ភាព​ច្បាស់​ ​2480x1148pixels​ ​ដែល​ត្រូវ​បាន​គេ​ដឹង​ថា​ ​មានកម្រិត​សមាមាត្រ​ ​19.5​:​9​ ​។​ ​
​សម្រាប់​ការ​មើលរូប​ភាព​វិញ​នោះ​ ​អ្នក​អាច​ប្រើប្រាស់​នូវ​អេក្រង់​ធំ​របស់​ស្មា​ត​ហ្វូ​ននេះ​ ​ដែល​លាត​ពេញ​គែម​តែម្តង​។​ ​ស្មា​ត​ហ្វូ​ននេះ​ ​មាន​អេក្រង់​បត់​បាន​ ​កម្រាស់​ស្តើង​បំផុត​ ​គឺ​ត្រឹមតែ​ ​11mm​ ​ប៉ុណ្ណោះ​នៅពេល​ដែល​ស្មា​ត​ហ្វូ​ន​ ​Mate​ ​X​ ​នេះ​បត់​ ​។​ ​នៅពេល​ដែល​វា​ពន្លា​រ​ចេញ​នោះ​ ​កម្រាស់​របស់​វា​ ​គឺ​ត្រឹមតែ​ ​5.4​ ​mm​ ​។​ ​
​ក្រៅពី​នេះ​ ​នៅ​មាន​លក្ខណៈ​ពិសេស​ជាច្រើន​ទៀត​ ​ដែល​មិនទាន់​ត្រូវ​បាន​បង្ហើប​អោយ​ដឹង​នោះ​ទេ​ ​ដោយ​រង់ចាំ​ដល់ពេល​បង្ហាញ​វត្តមាន​ជា​ផ្លូវការ​ ​នៅ​ទីក្រុង​ប៉ារីស​ ​ប្រទេស​បារាំង​៕​

  • អត្ថបទទាក់ទង :
  • Featured
Loading...

ពេញនិយម