Connect with us

ក្រសួងវប្បធម៌​ ​ប្រមូល​ភស្តុតាង​ប្តឹង​ផលិត​កម្ម​សាន់​ដេ​ ​រឿង​លួច​ចម្លង​បទ​ ​«​នឹក​ភូមិ​ភ្នំ​ធំ​»​

ភ្នំពេញ​ ​៖​ ​មន្រ្តី​ជាន់ខ្ពស់​ក្រសួងវប្បធម៌​ ​បាន​អះអាង​ថា​ ​ក្រសួង​កំពុងតែ​ដំណើរ​នីតិវិធី​ប្រមូល​ភ័ស្តុតាង​ទាំងអស់​ ​ដែល​អាច​នឹង​កោះហៅ​ ​ឬ​ ​រៀបចំ​នីតិវិធី​ប្តឹង​ផលិត​កម្ម​សាន់​ដេ​ ​តែម្តង​ ​ព្រោះ​ក្រសួង​ជា​ម្ចាស់​កម្មសិទ្ធិ​ ​។​ ​ថ្លែងប្រាប់​អ្នកសារព័ត៌មាន​ក្នុង​ស្រុក​ ​លោក​ ​ស៊ឹម​ ​សត្តា​ ​ប្រធាន​នាយកដ្ឋាន​សិទ្ធិ​អ្នកនិពន្ធ​ ​និង​សិទ្ធិ​ប្រហាក់​ប្រហែល​ ​បាន​ឲ្យដឹង​ថា​ ​ផលិត​កម្ម​សាន់​ដេ​ ​បាន​រំលោភបំពាន​លើ​សិទ្ធិ​បេតិកភណ្ឌ​របស់​អ្នកនិពន្ធ​ ​យក​បទ​ ​«​នឹក​ភូមិ​ភ្នំ​ធំ​»​ ​ឲ្យ​អ្នកចម្រៀង​ថ្មី​ ​ច្រៀង​ឡើងវិញ​ ​មិន​មានការ​អនុញ្ញាត​ពី​ក្រសួងវប្បធម៌​ ​និង​រំលោភ​លើ​សិទ្ធិ​សីលធម៌​របស់​អ្នកនិពន្ធ​ ​គឺ​មិន​គោរព​ឋានៈ​ឈ្មោះ​របស់​អ្នកនិពន្ធ​ ​។​

ភរិយា លោក គង្គ ប៊ុនឈឿន

​ចំណាត់ការ​នេះ​ ​បាន​ធ្វើឡើង​ ​ក្រោយ​ផ្ទុះ​ការរិះគន់​ជាច្រើន​ ​ពីសំណាក់​សាធារណជន​ទៅលើ​ការ​លួច​ចម្លង​នូវ​ចម្រៀង​មរតក​ដើម​ ​បទ​ ​«​នឹក​ភូមិ​ភ្នំ​ធំ​»​ ​របស់​កវី​ម្ចាស់​ដងស្ទឹង​សង្កែ​ ​លោក​ ​គង្គ​ ​ប៊ុ​ន​ឈឿន​ ​ពីសំណាក់​ផលិត​កម្ម​សាន់​ដេ​ ​។​ ​​បើ​តាម​ក្រសួងវប្បធម៌​ ​មកដល់ពេលនេះ​ ​ស្នាដៃ​របស់​លោក​ ​គង្គ​ ​ប៊ុ​ន​ឈឿន​ ​ដែល​បាន​ចុះបញ្ជី​គ្រប់គ្រង​មាន​ចំនួន​ ​៤១​ ​បទ​ ​និង​ត្រៀម​រៀបចំ​ឯកសារ​ដាក់បញ្ចូល​បន្ថែម​ទៀត​។​

​ចំណែក​បទ​ ​«​នឹក​ភូមិ​ភ្នំ​ធំ​»​ ​គឺ​មិន​ស្ថិត​ក្រោម​ការគ្រប់គ្រង​របស់​គ្រួសារ​របស់​លោក​ ​គង្គ​ ​ប៊ុ​ន​ឈឿន​ ​ឡើយ​ ​ខណៈ​ដែល​មិនទាន់​មាន​ឯកសារ​គ្រប់គ្រាន់​ក្នុង​ការផ្ទេរ​កម្មសិទ្ធិ​ ​។​ ​ដូចនេះ​បទ​ ​«​នឹក​ភូមិ​ភ្នំ​ធំ​»​ ​ស្ថិត​ក្រោម​ការគ្រប់គ្រង​ ​និង​ជា​កម្មសិទ្ធិ​របស់ក្រ​សួង​វប្បធម៌​ ​និង​វិចិត្រ​សិល្បៈ​ ​។​
​កាលពី​ចុង​សប្តាហ៍​មុន​នេះ​ ​លោកស្រី​ ​តាត​ ​គឹ​មលន​ ​ភរិយា​កវី​ជើងចាស់​ ​គង្គ​ ​ប៊ុ​ន​ឈឿន​ ​ក៏បាន​ធ្វើដំណើរ​មកដល់​កម្ពុជា​ ​ក្នុង​គោលបំណង​ប្រារព្ធ​ខួប​ ​៣​ ​ឆ្នាំ​របស់​ស្វាមី​ ​និង​ស្វែងរក​យុត្តិធម៌​ជូន​ក្រុម​គ្រួសារ​ពី​ការ​លួច​ចម្លង​ស្នាដៃ​ដោយ​គ្មាន​ការអនុញ្ញាត​នេះ​ផង​ដែរ​ ​។​

លោក មុត ថារី

​លោក​ ​មុត​ ​ថា​រី​ ​ដែល​ជា​កូនប្រសា​ររបស់​លោក​ ​គង្គ​ ​ប៊ុ​ន​ឈឿន​ ​បាន​ច្រានចោល​ព័ត៌មាន​ដែល​ថា​ ​ម្ចាស់​កម្មសិទ្ធិ​ ​(​លោកស្រី​ ​តាត​ ​គឹ​មលន​)​ ​មក​ប្រទេស​កម្ពុជា​ ​ដើម្បី​ប្តឹង​នាយ​ចឺម​ ​។​ ​លោក​ ​បាន​សរសេរ​លើ​បណ្តាញ​ទំនាក់ទំនង​សង្គម​ថា​ ​នាយ​ចឺម​ ​គ្មាន​តម្លៃ​អី​ ​ដល់​ថ្នាក់​ត្រូវ​ជាប់​បណ្តឹ​ងនោះ​ទេ​ ​ព្រោះ​ក្មេង​ម្នាក់​នេះ​ ​គ្រាន់តែ​ស្រែក​តាម​ទឹកលុយ​ ​ដែល​ផលិតកម្ម​ ​មាន​ទាំង​អ្នកនិពន្ធ​កាឡៃ​បទភ្លេង​ ​និង​ថៅកែ​ ​ដែល​លួច​ធ្វើជំនួញ​លើ​សិល្បៈ​មរតក​ដើម​ ​ដោយ​មិនបាន​សុំ​ទៅ​ក្រសួង​តែប៉ុណ្ណោះ​ ​។​ ​ដូច្នេះ​ ​កុំ​ចេះតែ​សរសេរ​ ​ដូចជា​ផ្ដល់​តម្លៃ​ហួស​ទៅ​នាយ​ចឺម​ ​អតីត​អ្នកកំប្លែង​មក​ពី​កំពង់ស្ពឺ​នោះ​អី​ ​។​ ​តាមពិត​ទៅ​ ​ទស្សនិកជន​ ​ស្គាល់​នាយ​ចឺម​ច្បាស់​ហើយ​នូវ​ចរឹ​ក​ដ៏​មាន​សុជីវធម៌​របស់​គាត់​ ​ពេល​លេង​កំប្លែង​នោះ​ ​។​ ​

​ពាក់ព័ន្ធ​នឹង​បញ្ហា​នេះ​ដែរ​ ​កន្លងទៅ​អ្នកនិពន្ធ​ទំនុកច្រៀង​ ​និង​អ្នក​សម្រួល​បទភ្លេង​របស់​ផលិត​កម្ម​សាន់​ដេ​ ​ក៏បាន​ចេញមុខ​ធ្វើការ​បកស្រាយ​ ​សុំទោស​ជា​សាធារណៈ​ ​និង​ព្រម​ទទួលយក​កំហុស​ ​ដោយ​បាន​លុប​បទចម្រៀង​ចម្លង​មាន​ចំណងជើង​ថា​ ​«​អូន​ជា​អ្នកមាន​សមនឹង​អ្នកមាន​ដូចគ្នា​»​ ​ដែល​ច្រៀង​ដោយ​ ​នាយ​ចឺម​ ​ចេញពី​យូ​ធូប​ ​និង​ផលិតកម្ម​ខ្លួន​ផង​ដែរ​ ​៕​

Loading...

ពេញនិយម