Connect with us

តោះ​មក​ស្វែងយល់​ការប្រកួត​បាល់ទាត់​ ​U23​ ​វគ្គ​ជម្រុះ​ ​ជើងឯក​ទ្វីបអាស៊ី​ ​

ភ្នំពេញ​ ​៖​ ​កម្ពុជា​ ​នឹង​ធ្វើជា​ម្ចាស់ផ្ទះ​ ​រៀបចំ​ការប្រកួត​បាល់ទាត់​ ​U23​ ​វគ្គ​ជម្រុះ​ ​ជើងឯក​ទ្វីបអាស៊ី​ ​សម្រាប់​ពូល​ ​H​ ​ដែល​នឹង​ចាប់ផ្តើម​នៅ​ថ្ងៃទី​ ​២២​ ​ខែមីនា​ ​ចុង​សប្តាហ៍​នេះ​ ​។​ ​​ក្រុមហ៊ុន​ ​CBS​ ​ដែល​រួមមាន​ ​ទូរទស្សន៍​ ​CTN​ ​និង​ ​MyTV​ ​ពិតជា​មាន​សេចក្តី​សោមនស្ស​រីករាយ​ក្នុង​ការផ្សាយ​ផ្ទាល់​ព្រឹត្តិ​ការណ៍​បាល់ទាត់​នេះ​ ​ជូន​ទស្សនិកជន​ ​បាន​ទស្សនា​ ​ដែល​មាន​រយៈពេល​ ​៣ថ្ងៃ​ ​សម្រាប់​ការប្រកួត​ទាំងអស់​នៃ​វគ្គ​ជម្រុះ​ ​ជើងឯក​ទ្វីបអាស៊ី​ ​អាយុ​ក្រោម​ ​២៣ឆ្នាំ​ ​ពូល​ ​H​ ​។​ ​
​សម្រាប់​ពូល​ ​H​ ​នេះ​ ​រួមមាន​ ​ក្រុមបាល់ទាត់​កម្ពុជា​ ​ដែល​ធ្វើជា​ម្ចាស់ផ្ទះ​ ​រួម​នឹង​ក្រុមបាល់ទាត់​ជម្រើសជាតិ​អូស្ត្រាលី​ ​U23​,​ ​ក្រុមជម្រើសជាតិ​កូរ៉េ​ខាងត្បូង​ ​U23​ ​និង​ ​ក្រុមជម្រើសជាតិ​ចិន​តៃប៉ិ​ ​U23​ ​នឹង​បើក​ការប្រកួត​ដើម្បី​ដណ្តើម​លេខ១​ ​ក្នុង​ពូល​ ​សម្រាប់​ឈាន​ទៅ​វគ្គ​បន្ទាប់​ ​។​ ​

ក្រុមជម្រើសជាតិកម្ពុជា អាយុក្រោម ២៣ឆ្នាំ

ក្រុមជម្រើសជាតិអូស្រ្តាលី អាយុក្រោម ២៣ឆ្នាំ

ក្រុមជម្រើសជាតិកូរ៉េខាងត្បូង អាយុក្រោម ២៣ឆ្នាំ

ក្រុមជម្រើសជាតិចិនតៃប៉ិ អាយុក្រោម ២៣ឆ្នាំ

​សូម​បញ្ជាក់​ថា​ ​ការប្រកួត​វគ្គ​ជម្រុះ​នៃ​ពានរង្វាន់​បាល់ទាត់​ជម្រើសជាតិ​ ​អាយុ​ក្រោម​ ​២៣ឆ្នាំ​ ​ប្រចាំ​ទ្វីបអាស៊ី​នេះ​ផង​ដែរ​ ​គឺ​មាន​ក្រុមជម្រើសជាតិ​ ​សរុប​ទាំងអស់​ ​៤៤ក្រុម​ ​ចែកចេញជា១១ពូល​ ​និង​មានតែ​ក្រុមជម្រើសជាតិ​ខ្លាំង​បំផុត​ចំនួន​ ​១៦ប៉ុណ្ណោះ​ ​ដែល​អាច​មាន​ឳ​កាស​ទៅ​ប្រកួត​ជុំ​ផ្តាច់ព្រ័ត្រ​ ​នៅ​ប្រទេស​ថៃ​ ​នា​ឆ្នាំ២០២០​ ​។​ ​

ក្រុម​លេខ១​ ​នៃ​ពូល​ទាំង១១​ ​និង​ក្រុម​លេខ២​ ​ល្អ​បំផុត​ចំនួន​ ​៤ក្រុម​ ​នឹង​មាន​ឳ​កាស​ទៅ​ប្រកួត​ជុំ​ផ្តាច់ព្រ័ត្រ​ ​ស្រប​ពេល​ដែល​ក្រុមជម្រើសជាតិ​ ​អាយុ​ក្រោម​ ​២៣ឆ្នាំ​ ​ប្រទេស​ថៃ​ ​គឺ​មានឈ្មោះ​ប្រកួត​នៅ​ជុំ​ផ្តាច់ព្រ័ត្រ​ ​រួចជាស្រេច​ហើយ​ ​ក្នុងនាម​ជា​ម្ចាស់ផ្ទះ​ ​។​ ​​ដូចនេះ​ ​បើសិនជា​ក្រុមជម្រើសជាតិ​ថៃ​ ​អាយុ​ក្រោម​ ​២៣ឆ្នាំ​ ​ជាប់​ជា​ក្រុម​លេខ១​ ​ប្រចាំ​ពូល​ ​ឬ​ ​ជា​ក្រុម​លេខ២ល្អ​បំផុត​ ​ក្នុងចំណោម៤ក្រុម​ ​ដូច្នេះ​ក្រុម​លេខ២ល្អ​បំផុត​ប្រចាំ​ពូល​ទាំង១១​ ​លេខរៀង​ទី៥​ ​ក៏​នឹង​មាន​ឳ​កាស​ទៅ​វគ្គ​ផ្តាច់ព្រ័ត្រ​នេះ​ផង​ដែរ​ ​។​

​តោះ​ ​មក​មើល​តារាង​នៃ​ការប្រកួត​ខាងក្រោម​ ​ដើម្បី​ជ្រាប​ច្បាស់​ពី​ថ្ងៃ​ ​ម៉ោង​ ​និង​ការផ្សាយ​ផ្ទាល់​ពី​ពហុ​កីឡដ្ឋាន​ជាតិ​អូឡាំពិក​ ​តាម​កញ្ចក់​ទូរទស្សន៍​ ​CTN​ ​និង​ ​MyTV​ ​ទាំងអស់គ្នា​ ​៖​


Loading...

ពេញនិយម