Connect with us

តើ​អ្នកដឹង​ទេ​ ​ថា​ ​ថ្ងៃ២០​ ​មីនា​ ​នេះ​ ​គឺជា​ថ្ងៃ​អ្វី​?​

បរទេស​ ​៖​ ​មាន​មនុស្ស​មិន​ច្រើន​ទេ​ ​ដែល​ដឹង​ថា​ ​ថ្ងៃ២០​ ​ខែមីនា​ ​គឺជា​ទិវា​បុណ្យ​សុភមង្គល​អន្តរជាតិ​ ​។​ ​ពិត​ណាស់​ ​ពេលខ្លះ​ ​វា​ពិតជា​មាន​ភាព​លំបាក​ ​ដើម្បី​ស្វែងរក​សុភមង្គល​ពិតប្រាកដ​ ​។​ ​តើ​ថ្ងៃនេះ​ ​អ្នក​បាន​សួរ​ខ្លួនឯង​ហើយ​ឬនៅ​ ​ថា​ខ្លួនឯង​មាន​អារម្មណ៍​ស្រស់ថ្លា​ដែរ​ឬទេ​ ​នៅ​ថ្ងៃនេះ​?​ ​

​បើ​អ្នក​គិតថា​ ​អ្នកមាន​អារម្មណ៍​ទ្រុឌទ្រោម​នោះ​ ​ដល់ពេល​ដែល​អ្នក​គួរតែ​ធ្វើអ្វី​មួយ​ហើយ​។​ ​តោះ​មក​សាកល្បង​តិចនិក​មួយចំនួន​ ​ដែល​អាច​ជួយ​អោយ​មាន​អារម្មណ៍​ស្រស់ស្រាយ​ទាំងអស់គ្នា​ ​៖​

  1. ហ្វឹកហាត់​សុខភាព​ផ្លូវចិត្ត​រាល់ថ្ងៃ​៖ ការ​សមាធិ​ ​បាន​ក្លាយជា​ថ្នាំ​ដ៏​ល្អ​ ​ដែល​អាច​ជួយ​អ្នកឲ្យ​មាន​អារម្មណ៍​ស្ងប់​សុខ​ ​ដែល​យើង​ត្រូវការ​វា​ជា​រៀងរាល់ថ្ងៃ​មិន​អាច​ខ្វះ​បាន​ ​។​ ​វា​មិន​ចាំបាច់​ដាច់ខាត​ ​ត្រូវតែ​អនុវត្ត​ជាមួយ​អ្នក​បង្រៀន​យូ​ហ្គា​ ​ឬ​ ​ជាមួយ​ព្រះសង្ឃ​នោះ​ឡើយ​ ​តែ​អ្នក​អាច​អនុវត្ត​បាន​ ​ដោយធ្វើ​សមាធិ​ដោយខ្លួនឯង​នៅផ្ទះ​បាន​។​ ​ការអនុវត្ត​នេះ​ ​គឺជា​តិចនិក​សំរាប់​ហ្វឹកហាត់​ចិត្ត​របស់​អ្នក​ ​ឲ្យ​ផ្តោត​លើ​ពេលវេលា​បច្ចុប្បន្ន​ ​និង​កាត់បន្ថយ​ភាព​តានតឹង​បាន​យ៉ាង​ល្អ​ ​។​ ​
    ​ការអនុវត្ត​នេះ​ ​អ្នក​គ្រាន់តែ​ស្វែងរក​កន្លែង​ដែល​មាន​ផាសុកភាព​ ​ដោយ​ផ្តោត​ទៅលើ​ខ្យល់​ដង្ហើមចេញ​ចូល​ ​និង​ប្រមូល​អារម្មណ៍​អោយ​បាន​មូល​ ​។​ ​ធ្វើ​ដូចនេះ​ ​រៀងរាល់​ពេលព្រឹក​ ​ឬ​ ​ពេលល្ងាច​ ​ឬក៏​ពេលវេលា​សម្រាក​ពី​ការងារ​ ​ដោយ​ជំហាន​ដំបូង​ ​អនុវត្ត​រយ:ពេល​ ​១០នាទី​ ​រៀងរាល់ថ្ងៃ​ ​។​
  2. ​បង្កើត​ការ​គិត​ ​និង​អា​រម្ម​ណ៍​ល្អ​ៗ​៖ ​អ្នក​ត្រូវ​ទទួលស្គាល់​ថា​ ​មនុស្សយើង​ម្នា​ក់ៗ​ ​គឺ​សុទ្ធតែ​មានគំនិត​អវិជ្ជមាន​ ​មិនថា​ចំពោះខ្លួន​ឯង​ ​ឬក៏​ចំពោះ​អ្នក​ដ៏​ទៃ​ឡើយ​ ​។​ ​ទាំងអស់គ្នា​ ​គឺ​សុទ្ធតែ​មាន​អារម្មណ៍​ខឹង​ ​ច្រណែន​ ​និង​ការ​ខកចិត្ត​ ​ហើយ​ពេលខ្លះ​ ​អ្នក​អាច​នឹង​ជជែកវែក​ញែក​ជាមួយនឹង​ចិត្ត​ខ្លួនឯង​ ​ចំពោះ​គំនិត​អវិជ្ជមាន​ក៏​ថា​បាន​ ​។​ ​នៅពេល​ដែល​អ្នកមាន​គំនិត​អវិជ្ជមាន​មួយ​កើតឡើង​ ​ឬ​ ​ក៏​មាន​អារម្មណ៍​មិនល្អ​ ​អ្ន​ក​ត្រួ​វប្រ​មូល​ផ្តុំ​អារម្មណ៍​ ​មក​គិត​រឿង​ដែល​វិជ្ជមាន​វិញ​ ​វា​អាច​នឹង​មានការ​លំបាក​ ​ប៉ុន្តែ​លទ្ធផល​ប្រាកដជា​មានតម្លៃ​សំរាប់​អ្នក​។​
  3. កំណត់​គោលដៅ​អោយ​ធំ​ ​ប៉ុន្តែ​ចាប់ផ្តើម​វា​ពីតូច​៖ ​វា​ជា​អារម្មណ៍​មួយ​ដែល​ល្អ​ ​នៅពេល​ដែល​អ្នក​បាន​កំណត់​គោលដៅ​ជីវិត​របស់​អ្នក​ ​សម្រាប់​គម្រោង​នា​ពេល​អនាគត​ ​។​ ​វា​ ​នឹង​ធ្វើអោយ​អ្នកមាន​អារម្មណ៍ល្អ​នៅពេល​ដែល​អ្នក​សម្រេច​បាន​គោលដៅ​របស់​អ្នក​។​ ​ត្រូវ​ប្រាកដ​ថា​ ​អ្នក​បាន​អនុ​រត្ត​គោលដៅ​ទាំងនោះ​ ​ដោយ​អនុ​វត្ត​សន្សឹម​ៗ​រហូត​បំបែក​គោលដៅ​ទាំងអស់​ ​។​
  4. ទទួលស្គាល់​ការពិត​ថា​ ​អតីតកាល​បាន​កន្លង​ហួស​ ​និង​អនាគតកាល​មិនទាន់​កើតឡើង​៖ ​ផ្នែក​មួយ​នៃ​ព្រះពុទ្ធ​សាសនា​ ​បាន​អប់រំ​ថា​ ​បើ​អ្នក​ចង់​ឲ្យ​មាន​សុភមង្គល​ ​អ្នក​ត្រូវតែ​រៀន​ទទួលស្គាល់​ថា​ ​អតីតកាល​ ​បាន​កន្លង​ហួសទៅហើយ​ ​ស្វែងយល់​ពីអ​នាគ​ត​កាល​និង​ ​ធ្វើ​បច្ចុប្បន្ន​កាល​អោយ​ល្អ​បំផុត​ ​។​ ​ប្រសិនបើ​អ្នក​ ​មាន​អតីតកាល​មិនល្អ​ ​អ្នក​គួរតែ​បង្វែរ​ការ​គិត​ទាំងនោះ​មក​យកចិត្ត​ទុកដាក់​លើ​បច្ចុប្បន្ន​កាល​របស់​អ្នក​ ​ដូចជា​ការងារ​ ​ឬ​ ​ក៏​ផែនការ​អនាគត​វិញ​ ​វា​ប្រសើរ​ជាង​ ​។​
  5. ​សិក្សា​ពី​អ្វី​ដែល​ថ្មី​ ​សម្រាប់​ជីវភាព​ប្រចាំថ្ងៃ​៖ ​កាលដែល​លោកអ្នក​ខិតខំ​ធ្វើការងារ​ ​វា​ជា​រឿង​ដែល​ប្រសើរ​ ​ប៉ុន្តែ​កុំ​ភ្លេច​រៀន​នូវ​អ្វី​ដែល​ថ្មី​ ​មិនថា​នៅ​លើ​យូ​ធូប​ ​ទូរទស្សន៍​ ​ឬ​ ​ជា​ឯង​សារ​អ្វីមួយ​ឡើយ​ ​ព្រោះ​ការ​រៀន​អ្វី​ដែល​ថ្មី​ ​គឺជា​រឿង​ដែល​យើង​មិន​អាច​បញ្ឈប់​បាន​ ​។​ ​ការ​រៀន​អ្វី​ដែល​ថ្មី​ ​នៅពេល​ទំនេរ​ ​អាច​បំផុសគំនិត​ ​និង​ចិត្ត​របស់​អ្នក​អោយ​កាន់តែ​ស្រស់ថ្លា​ឡើង​ ​៕​

    Loading...

    ពេញនិយម