Connect with us

Pogba​ ​ថា​ ​Mourinho​ ​ត្រូវ​បាន​បណ្តេញ​ចេញ​ដោយសារតែ​លទ្ធផល​

បារាំង​៖​ ​កីឡាករ​ ​Paul​ ​Pogba​ ​ជឿជាក់​ថា​ ​ការសម្រេច​ចិត្ត​របស់​ក្រុម​បិសាច​ក្រហម​ ​Manchester​ ​United​ ​ក្នុង​ការ​បណ្តេញ​លោក​ ​Jose​ ​Mourinho​ ​គឺ​មក​ពី​លទ្ធផល​ការប្រកួត​ ​មិនមែន​មក​ពី​កីឡាករ​នោះ​ទេ​ ​។


​លោក​ ​Mourinho​ ​ត្រូវ​បាន​បណ្តេញ​ចេញ​កាលពី​ខែធ្នូ​ ​ក្រោយពី​ចាញ់​ក្រុម​ ​Liverpool​ ​ក្នុង​លទ្ធផល​ ​៣​-​១​។​ ​លោក​ ​Ole​ ​Gunnar​ ​Solskjaer​ ​ដែល​ជា​គ្រូបង្វឹក​បណ្តោះអាសន្ន​ ​បាន​ធ្វើឲ្យ​ក្រុម​បិសាច​ក្រហម​ ​មាន​ភាព​រស់រវើក​ឡើងវិញ​ ​ខណៈ​ដែល​ ​Pogba​ ​ជាប់​ជម្រើស​ដំបូង​ ​និង​រកបាន​ ​៨គ្រាប់​នៅ​ក្របខ័ណ្ឌ​ ​Premier​ ​League​ ​ក្រោម​ការដឹកនាំ​របស់​បុរស​ន័រវែស​រូប​នេះ​ ​។​ ​
​ទាក់ទង​នឹង​បញ្ហា​ជាមួយ​លោក​ ​Mourinho​ ​ខ្សែបម្រើ​រូប​នេះ​ ​បាន​និយាយ​មុន​ពេល​ប្រកួត​ជម្រុះ​ ​Euro​ ​ឆ្នាំ២០២០​ ​ថា​ ​លទ្ធផល​មិនល្អ​របស់​ក្លិប​ ​គឺជា​មូលហេតុ​នៃ​ការ​បណ្តេញ​ចេញ​គ្រូបង្វឹក​សញ្ជាតិ​ព័រទុយហ្គាល់​ ​។​ ​


​Pogba​ ​បាន​ប្រាប់​សន្និសីទ​សារព័ត៌មាន​មួយ​ថា​៖​ ​”​ ​តើ​អ្វីទៅ​ជា​បញ្ហា​?​ ​យើង​មិនសូវ​បាន​ឈ្នះ​ការប្រកួត​ទេ​ ​។​ ​នោះ​ហើយ​ជា​មូលហេតុ​ ​ដែល​ក្លិប​សម្រេចចិត្ត​ផ្លាស់​ប្តូរ​គ្រូបង្វឹក​។​ ​លទ្ធផល​គឺ​សំខាន់​បំផុត​ ​ប្រសិនបើ​យើង​ឈ្នះ​ ​យើង​នឹង​ទទួល​បាន​លទ្ធផល​ល្អ​ ​ហើយ​គ្រូបង្វឹក​ ​នឹង​នៅតែ​មាន​ឋានៈ​ដដែល​ ​”​ ​៕​

ប្រភព៖ TrollKhmer

    Loading...

    ពេញនិយម