ក្រសួងសុខាភិបាល​ ​ឲ្យ​ប្រយ័ត្ន​ ​ជំងឺ​ពងបែក​ដៃជើង​ ​និង​មាត់​ ​វាយលុក​លើ​កុមារ​

ភ្នំពេញ​ ​៖​ ​ស្រប​ពេល​អាកាសធាតុ​ក្តៅ​ខ្លាំង​ ​ធ្វើឲ្យ​មាន​កំណើន​នៃ​ជំងឺ​ពងបែក​ដៃជើង​ ​និង​មាត់​លើ​កុមារ​អាយុ​ក្រោម​ ​៥ឆ្នាំ​ ​ដែល​ករណី​ខ្លះ​ ​មាន​សភាព​ធ្ងន់ធ្ងរ​ ​តម្រូវឲ្យ​សង្គ្រោះ​បន្ទាន់​។​ ​នេះ​បើ​តាម​ចេញផ្សាយ​ដោយ​គេហទំព័រ​ ​Hello​ ​Krupet​ ​ដែល​បាន​ដកស្រង់​ការប្រកាស​ឲ្យដឹង​ ​របស់ក្រ​សួង​សុខាភិបាល​ ​នៅ​ថ្ងៃទី២២​ ​ខែមីនា​ ​ឆ្នាំ២០១៩នេះ​ ​។​
​តោះ​មក​មើល​រោគសញ្ញា​ ​វិធីការ​ពារ​ ​និង​ ​ការ​ព្យាបាល​ ​៖​

1. ​រោគសញ្ញា​ជំងឺ​ពងបែក​ដៃជើង​ ​និង​មាត់​៖ ​ជំងឺ​ពងបែក​ដៃជើង​ ​និង​មាត់​ ​ជា​ជំងឺឆ្លង​ដែល​កើតឡើង​ញឹកញាប់​ចំពោះ​ទារក​ ​និង​កុមារ​ ​ហើយ​រោគសញ្ញា​មាន​ ​គ្រុនក្តៅ​ ​មាន​ដំបៅ​ក្នុង​មាត់​ ​មាន​ពង​កន្ទួល​លើ​បាតដៃ​ ​បាតជើង​ ​និង​កំប៉េះគូទ​។​ ​ក្នុងករណី​ជំងឺ​នេះ​ស្រាល​ ​អាច​ជាសះស្បើយ​ពី​ ​៧​-​១០ថ្ងៃ​ ​ដោយ​គ្រាន់តែ​ញ៉ាំទឹក​ឲ្យបាន​ច្រើន​ ​ប្រើ​ថ្នាំបញ្ចុះ​កម្តៅ​ ​និង​បំបាត់​ការឈឺចាប់​បណ្តាល​មក​ពី​ពងបែក​ក្នុង​មាត់​ ​។​ ​ម៉ាក់ប៉ា​ ​មិន​ត្រូវ​ថ្នាំ​អាស្ពីរីន​ ​ដើម្បី​បញ្ចុះ​កម្តៅ​កូន​ឡើយ​។​
2. ផលវិបាក​ជំងឺ​ពងបែក​ដៃជើង​ ​និង​មាត់​៖ ​ជំងឺ​ពងបែក​ដៃជើង​ ​និង​មាត់​ ​ក៏អាច​បង្ក​ជា​ផលវិបាក​ធ្ងន់ធ្ងរ​ដែរ​ ​ប៉ុន្តែ​ជា​ករណី​កម្រ​ប៉ុណ្ណោះ​។​ ​ផលវិបាក​ទាំងនោះ​រួមមាន​ ​អូន​តូច​ ​អាច​ហត់​ ​ប្រកាច់​ ​ឬ​កន្ត្រាក់ដៃ​ជើង​ ​ហើយ​ជំងឺ​នេះ​ ​អាច​ឆ្លង​ពី​មនុស្សម្នាក់​ទៅ​មនុស្សម្នាក់​ទៀត​តាមរយៈ​ទឹកមាត់​ ​កំហាក​ ​និង​សំបោរ​ ​ទឹករងៃ​ចេញពី​ពងបែក​ ​លាមក​អ្នកជំងឺ​។​
3. វិធីការ​ពារ​ជំងឺ​ពងបែក​ដៃជើង​ ​និង​មាត់​៖ ជំងឺ​ពងបែក​ដៃជើង​ ​និង​មាត់​ជា​ជំងឺឆ្លង​ ​ដូច្នេះ​យើង​ត្រូវ​មាន​អនាម័យ​ ​លាងដៃ​កូន​ឲ្យ​ស្អាត​ជាមួយ​ទឹក​ ​និង​សាប៊ូ​ ​ហើយ​ប្រសិន​កូន​មាន​រោគសញ្ញា​ដូច​រៀបរាប់​ខាងលើ​ត្រូវ​ប្រញាប់​នាំទៅ​មន្ទីរពេទ្យ​៕​

ប្រភព៖ hellokrupet.com