ក្រសួង​ ​ឲ្យ​ពលរដ្ឋ​ប្រយ័ត្ន​បាតុភូត​ផ្គរ​រន្ទះ​ ​និង​ខ្យល់​កន្រ្តាក់​ ​អំឡុង​ពេល​ភ្លៀងកក់ខែ​

ភ្នំពេញ​៖​ ​ក្រសួងធនធានទឹក​ ​និងឧតុនិយម​ ​នៅ​ថ្ងៃទី២៥​ ​ខែមីនា​ ​នេះ​ ​បាន​អំពាវនាវ​ដល់​ប្រជាពលរដ្ឋ​ ​បង្កើន​ការ​ប្រុងប្រយ័ត្ន​ខ្ពស់​ចំពោះ​បាតុភូត​ផ្គរ​រន្ទះ​ ​និង​ខ្យល់​កន្ត្រាក់​ ​ខណៈ​កម្តៅ​អាច​កើនឡើង​រហូតដល់​ ​៣៧អង្សា​សេ​ ​។​
​យោង​តាម​សេចក្តី​ជូនដំណឹង​ ​អំពី​បញ្ហា​អាកាសធាតុ​នៅ​កម្ពុជា​ ​ក្រសួងធនធានទឹក​ ​បាន​បញ្ជាក់​ថា​ ​ផ្អែក​ការ​តាមដាន​ ​និង​សង្កេត​លើ​លក្ខណៈ​អាកាសធាតុ​ជាប្រចាំ​ ​សង្កេតឃើញ​ថា​ ​ចាប់ពី​ថ្ងៃទី២៦​ ​ដល់​ថ្ងៃទី​ ​២៩​ ​ខែមីនា​ ​ឥទ្ធិពល​នៃ​ការ​ប្រសព្វគ្នា​រវាង​សម្ពាធ​ទាប​ ​(​ទិល​ខាងលិច​ ​និង​ពាយ័ព្យ​)​ ​និង​សម្ពាធ​ខ្ពស់​នៃ​តំបន់​ខ្ពង់រាប​ចុះ​ខ្សោយ​ ​ធ្វើឲ្យ​កម្រិត​ទឹកភ្លៀង​កក់ខែ​ ​ក៏​ធ្លាក់ចុះ​ផង​ដែរ​ ​។​ ​ទន្ទឹម​នេះ​ ​កម្តៅ​ ​នឹង​កើតឡើងវិញ​ ​ដែល​កម្រិត​សីតុណ្ហភាព​អតិបរមា​ ​មាន​ពី​ ​៣៤​-​៣៧​ ​អង្សា​សេ​ ​។​
​ដោយឡែក​ ​ចាប់ពី​ថ្ងៃទី៣០​ ​ខែមីនា​ ​ដល់​ ​ថ្ងៃទី០២​ ​ខែមេសា​ ​ឥទ្ធិពល​នៃ​ការ​ប្រសព្វគ្នា​រវាង​សម្ពាធ​ទាប​ ​និង​សម្ពាធ​ខ្ពស់​ ​បន្ត​កើតឡើង​សារ​ជាថ្មី​ម្តង​ទៀត​ ​ដែល​បណ្តាល​ឲ្យ​មាន​ភ្លៀង​ធ្លាក់​ ​ជាបន្តបន្ទាប់​ ​ដែល​នាំមក​ជាមួយ​នូវ​ ​ផ្គរ​រន្ទះ​ ​និង​ខ្យល់​កន្ត្រាក់​ផង​ដែរ​ ​។​ ​ឯសី​តុ​ណ្ហ​ភាពជា​ទូទៅ​មាន​ពី​ ​៣០​ ​ដល់​ ​៣៣អង្សា​សេ​ ​៕​