ប្រយ័ត្ន​ផង​!​ ​ឧស្សាហ៍​ឡើងឈាម​ ​អាច​ធ្វើឲ្យ​គាំងបេះដូង​

ភ្នំពេញ​ ​៖​ ​ដូចដែល​លោកអ្នក​បានដឹង​ស្រាប់ហើយ​ ​សម្ពាធ​ឈាម​ឡើង​ខ្ពស់​ ​ជា​កត្តា​ហានិភ័យ​ជំងឺ​សសៃ​ឈាម​បេះដូង​ ​ហើយ​ដូច​ ​“​Hello​ ​គ្រូពេទ្យ​”​ ​ធ្លាប់​ប្រាប់​អ៊ីចឹង​ ​អា​រឿង​ឡើងឈាម​ ​មិន​សំដៅលើ​ចាស់​ ​ឬ​ ​ក្មេង​ ​អាច​កើតឡើង​គ្រប់ពេល​ ​បើ​ធ្វេសប្រហែស​រស់នៅ​គ្មាន​ផាសុកភាព​នោះ​។​ ​ករណី​ស្លាប់​បណ្តាល​ ​ជំងឺ​សសៃ​ឈាម​បេះដូង​ ​រួមមាន​ ​ខ្សោយបេះដូង​ ​ដាច់​សសៃ​ឈាម​ខួរក្បាល​ ​និង​ ​គាំងបេះដូង​ ​ជាដើម​នោះ​ ​ត្រូវ​គេ​រាយការណ៍​ ​ភាគច្រើន​កើត​លើ​គ្នាយើង​មាន​ជំងឺលើសឈាម​។​

​គាំងបេះដូង​ ​មានន័យថា​ ​ទាំង​ ​Systolic​ ​និង​ ​Diastolic​ ​hypertension​ ​សុទ្ធតែ​ជា​កត្តា​ប្រឈម​គ្រោះថ្នាក់​ខ្ពស់​ ​។​ ​ករណី​កើន​សម្ពាធ​ឈាម​ជាង​មុន​ ​គឺ​បង្កើន​ហានិភ័យ​កាន់តែ​ខ្លាំង​ឡើង​ ​បើ​ទោះ​កត្តា​បង្ក​គ្រោះថ្នាក់​ចម្បង​ ​ដូចជា​ ​ជំងឺ​ទឹកនោមផ្អែម​ ​ការ​ជក់បារី​ ​និង​កម្រិត​កូ​លេ​ស្តេ​រ៉ូល​ខ្ពស់​ ​មិន​មាន​ក៏ដោយ​ ​ក៏​កត្តា​គ្រោះថ្នាក់​បង្ក​ដោយ​ការ​ឡើង​សម្ពាធ​ឈាម​នៅតែ​មាន​។​

​១​-​ ​ជំងឺ​គាំងបេះដូង​កើតឡើង​ដោយ​របៀបណា​?​

​គាំងបេះដូង​ ​គឺជា​ជំងឺ​ដែល​គំរាមកំហែង​ដល់​ជីវិត​ ​កើតឡើង​នៅពេល​ដែល​ចរន្ត​លំហូរ​ឈាម​ទៅកាន់​បេះដូង​ ​ត្រូវ​រាំង​ខ្ទប់​។​ ​បញ្ហា​នេះ​ ​កើតឡើង​ដោយសារ​ការ​កក​ដុំ​ខ្លាញ់​ ​កូ​លេ​ស្តេ​រ៉ូល​ ​និង​សារ​ធា​តុ​ផ្សេង​ៗ​ទៀត​ ​បង្កើត​ជាដុំ​កក​នៅក្នុង​សរសៃឈាម​អាក់​ទែ​ ​ដែល​មាន​នាទី​នាំ​ឈាម​ទៅ​ចិញ្ចឹម​បេះដូង​ ​។​ ​ការ​បង្អាក់​ចរន្តឈាម​ហូរ​ ​អាច​បណ្ដាលឲ្យ​ខូចខាត​ ​ឬ​ ​បំផ្លាញ​ផ្នែក​ខ្លះ​នៃ​សាច់ដុំ​បេះដូង​ ​។​ ​ជំងឺ​គាំងបេះដូង​ ​អាច​បង្ហាញ​បាន​ ​តាមរយៈ​រោគសញ្ញា​មួយចំនួន​ ​ហើយ​រោគសញ្ញា​ជួប​ច្រើនជាង​គេ​ ​សម្ពាធ​ក្នុង​ទ្រូង​ ​តឹង​ ​ឈឺ​ ​ឬ​ ​មួល​ ​មាន​អារម្មណ៍​ឈឺ​ក្នុង​ទ្រូង​ ​ឬដៃ​ ​។​ ​ប៉ុន្តែ​មិនមែន​មនុស្ស​គ្រប់គ្នា​ដែល​មាន​ជំងឺ​នេះ​ ​មាន​រោគសញ្ញា​ដូចគ្នា​ ​ឬ​ ​ធ្លាប់​មាន​រោគសញ្ញា​ធ្ងន់ធ្ងរ​ដូចគ្នា​នោះ​ដែរ​ ​។​

២​-​ ​លើសឈាម​ ​និង​គាំងបេះដូង​

​ការ​ឡើង​សម្ពាធ​ឈាម​ខ្ពស់​ ​បង្កឡើង​មក​ពី​ការ​កកស្ទះ​ ​ធ្វើឲ្យ​មាន​ជញ្ជាំង​រារាំង​ក្នុង​សរសៃឈាម​ ​។​ ​យូរ​ៗ​ទៅ​ ​នឹង​បំផ្លាញ​សសៃ​ឈាម​អា​ក់​ទែរ​ ​ងាយ​នឹង​បង្កើត​ជារ​នាំង​រាំងស្ទះ​ ​ធ្វើឲ្យ​សរសៃឈាម​រួម​ចង្អៀត​ ​។​ ​អាការៈ​ប្រភេទ​នេះ​ ​ត្រូវ​បាន​គេ​ស្គាល់​ថា​ ​ជំងឺ​គ្រិន​សរសៃឈាម​ ​(​Artherosclerosis​)​។​

​កំណក​ឈាម​ ​នឹង​ប្រែក្លាយ​ទៅជា​ទម្រង់​ដូច​សរសៃ​អាក់​ទែ​ ​រឹង​ស្អិត​។​ ​ពេល​សរសៃឈាម​បេះដូង​ស្ទះ​ដោយសារ​កំណក​រឹង​ស្អិត​ ​ឬ​ ​កំណក​ឈាម​ ​នាំឲ្យ​ប៉ះពាល់​ដល់​ចរន្តឈាម​ហូរ​ទៅ​សាច់ដុំ​បេះដូង​ ​បណ្តាល​ឲ្យខ្វះ​អុកស៊ីហ្សែន​ ​និង​សារធាតុ​ចិញ្ចឹម​ផ្សេងទៀត​ ​។​ ​ជា​លទ្ធផល​ ​ធ្វើឲ្យខូច​ខាត​ ​ឬ​ស្លាប់​ផ្នែក​ខ្លះ​នៃ​សាច់ដុំ​បេះដូង​ ​ដែល​យើង​ហៅថា​ ​គាំងបេះដូង​ ​(​Myocardial​ ​infarction​)​ ​នេះឯង​។​ ​ក្រៅពី​ឈឺទ្រូង​ ​ឬដៃ​ ​មាន​អារម្មណ៍​មិន​ស្រួល​ ​អាការៈ​គាំងបេះដូង​ ​អាច​បង្ហាញ​ការឈឺចាប់​ ​ឬមិន​ស្រួល​ផ្នែក​ខ្នង​ ​កញ្ចឹងក​ ​ឬ​ថ្គាម​ផង​ដែរ​ ​។​ ​ក្រៅពី​នេះ​ ​មាន​អាការៈ​ផ្សេងទៀត​ ​ដូចជា​ ​ចង្អោរ​ ​ដក​ដង្ហើម​ផុត​ៗ​ ​ឈឺពោះ​ ​ឬ​ឈឺក្បាល​មិនឈប់​។​

​ករណី​គាំងបេះដូង​ខ្លះ​ ​កើត​ឡើង​ភ្លាម​ៗ​ ​ប៉ុន្តែ​ពេលខ្លះ​ ​អ្នកជំងឺ​ជាច្រើន​ ​អាច​នឹង​ទទួល​សញ្ញា​ ​ឬ​រោគសញ្ញា​ជាមុន​ ​អាច​ច្រើន​ម៉ោង​ ​ច្រើនថ្ងៃ​ ​ឬ​ច្រើន​អាទិត្យ​ក៏​មាន​។​ ​សញ្ញា​ព្រមាន​បញ្ហា​ដំបូង​ ​អាច​ជា​ឈឺចុក​ទ្រូង​ខ្លាំង​ទៅៗ​ ​កើតឡើង​ដោយ​ការ​ធ្វើសកម្មភាព​ ​ហើយ​បាត់​ទៅវិញ​ក្រោយ​សម្រាក​ស្ងៀម​។​
​ប្រសិនបើ​គ្នាយើង​ ​ឬ​មាន​អ្នក​ផ្ទៃ​ធ្លាប់​មាន​សញ្ញា​ព្រមាន​បញ្ហា​ដំបូង​ណាមួយ​ ​ប្រញាប់​ទៅ​រក​ជំនួយ​សង្គ្រោះ​ភ្លាម​ៗ​ ​ទោះបីជា​មិន​ប្រាកដ​ថា​ ​ជា​អាការៈ​គាំងបេះដូង​ក៏ដោយ​ ​៕​

ប្រភព ​៖ hellokrupet.com