បវរកញ្ញា​កូរ៉េ​រាង​ស្អាត​ប៉ុណ្ណឹង​ហើយ​ ​នៅតែ​ប្រជាជន​កូរ៉េ​ភាគច្រើន​ថា​គាត់​ធាត់​ទៀត​ ​(​មាន​វីដេអូ​)​

​កូរ៉េ​ខាងត្បូង​៖​ ​កញ្ញា​ ​«​Kim​ ​Soo​ ​Min​»​ ​គឺជា​បវរកញ្ញា​កូរ៉េ​ដែល​ទើបតែ​គ្រង​មកុដ​កាលពី​ពេល​ថ្មី​ៗ​នេះ​ ​ហើយ​កញ្ញា​នឹង​ក្លាយជា​បវរកញ្ញា​សម្រាប់​តំណាង​ឱ្យ​ប្រទេស​កូរ៉េ​នៅ​លើឆាកអន្តរជាតិ​ផង​ដែរ​។​ ​បន្ទាប់ពី​គ្រង​តំណែង​ជា​ប​វក​ញ្ញា​ប្រចាំ​សាធារណរដ្ឋ​កូរ៉េ​មក​ហើយ​ ​កញ្ញា​ ​«​Kim​ ​Soo​ ​Min​»​ ​ត្រូវ​បាន​ប្រជាជន​កូរ៉េ​រិះគន់​នាង​យ៉ាង​ចាស់ដៃ​ពី​គីឡូ​របស់​នាង​ ​ដោយ​ថា​នាង​មាន​រាង​ធាត់​ ​ម៉ា​ប់​ ​និង​លើស​ទម្ងន់​ជាដើម​។​

​ជាក់ស្តែង​កញ្ញា​ ​«​Kim​ ​Soo​ ​Min​»​ ​មាន​កម្ពស់​ ​១៧៤​ ​សង់ទីម៉ែត្រ​ ​ហើយ​មាន​ទម្ងន់​ត្រឹមតែ​ ​៥៨​ ​គីឡូក្រាម​តែប៉ុណ្ណោះ​។​ ​នាង​បាន​រិះគន់​ស្តង់​ដា​សម្រស់​របស់​កូរ៉េ​ថា​ ​ស្តង់​ដា​សម្រស់​នៅក្នុង​ប្រទេស​កូរ៉េ​ធ្វើ​ឱ្យ​មនុស្ស​ស្រី​ជឿ​ថា​ ​ស្រី​ដែល​ស្អាត​គឺជា​នារី​ដែល​មាន​ទម្ងន់​មិន​លើស​ពី​ ​៥០​ ​គីឡូក្រាម​នោះ​ទេ​ ​ទោះបីជា​ស្រី្ត​នោះ​មាន​កម្ពស់​ប៉ុនណា​ក៏ដោយ​។​ ​នាង​ក៏បាន​ផ្ញើ​សារ​ទៅកាន់​ស្រ្តី​ដែល​យក​នាង​ជា​គំរូ​ថា​ ​នារី​ទាំងអស់​គួរតែ​ជឿជាក់​ទៅលើ​សម្រស់​ ​និង​ទម្ងន់​របស់​ខ្លួនឯង​ ​ដោយ​ទទួលយក​នូវ​រូបរាង​របស់​ខ្លួនឯង​ផ្ទាល់​។​

សូមទស្សនាវីដេអូ៖

​
​អត្ថបទ​៖​ ​ណា​រ៉ូ​ត​