Connect with us

ស្ថានទូត​បារាំង​ ​រៀបចំ​ការ​តាំងពិព័រណ៍​ផលិតផល​បារាំង​ ​អម​ដោយ​កម្មវិធី​កម្សាន្ត​ជាច្រើន​

​ភ្នំពេញ​ ​៖​ ​ជា​ព្រឹត្តិ​កា​ណ៍​មិនធ្លាប់​មាន​ ​ផ្សារ​មួយ​ ​នឹង​លេច​រូបរាង​នៅក្នុង​បរិវេណ​ស្ថានទូត​បារាំង​ប្រចាំ​កម្ពុជា​ ​នៅ​ថ្ងៃសៅរ៍​ ​ទី៣០​ ​ខែមីនា​ខាងមុខនេះ​។​ ​
​យោង​តាម​សេចក្តី​ប្រកាស​ព័ត៌មាន​របស់​ស្ថានទូត​បារាំង​ ​ដែល​បាន​ចេញ​នៅ​ថ្ងៃនេះ​ ​បាន​អោយ​ដឹង​ថា​ ​ក្នុង​រយ:ពេល​មួយថ្ងៃ​ ​ចាប់ពី​ម៉ោង១០ព្រឹក​ ​ដល់ម៉ោង៦ល្ងាច​ ​សាធារណជន​ ​អាច​ចូលរួម​កម្សាន្ត​នៅក្នុង​ ​«​ផ្សារ​បារាំង​»​ ​នេះ​ ​ដោយសេរី​ ​ដើម្បី​ទស្សនា​ស្តង់​ពិព័រណ៍​ចំនួន​ជាង៥០​ ​ដែល​នឹង​ដាក់​តាំង​បង្ហាញ​ផលិតផល​ ​និង​ជំនាញ​បារាំង​ ​ក្នុង​វិស័យ​ជាច្រើន​ដូចជា​ ​សុខភាព​ ​សម្អាង​កាយ​ ​វប្បធម៌​ ​កីឡា​ ​ម៉ូដ​ ​ម្ហូបអាហារ​ ​លំនៅ​ស្ថាន​ ​និង​អប់រំ​ ​។​



​ជាង​នេះ​ទៅទៀត​ ​កម្មវិធី​កម្សាន្ត​ផ្សេង​ៗ​ជាច្រើន​ ​នឹង​ត្រូវ​រៀបចំឡើង​នៅក្នុង​ឱកាស​ដ៏​រីករាយ​នេះ​ ​ដើម្បី​តម្រូវ​តាមចំណង់​ចំណូលចិត្ត​របស់​មនុស្ស​គ្រប់​វ័យ​ដូចជា​ ​តន្ត្រី​ ​សិល្បៈ​ ​សួនកុមារ​ ​សកម្មភាព​កីឡា​ ​ការ​បង្រៀន​ធ្វើម្ហូប​ដោយ​មេ​ចុងភៅ​ល្បី​ៗ​ ​ការ​ភ្លក់​ម្ហូប​បារាំង​ ​បទ​បង្ហាញ​តូច​ៗ​ ​និង​កម្មវិធី​កម្សាន្ត​មួយចំនួន​ទៀត​នៅ​តាម​ស្តង់​ពិព័រណ៍​ ​។​ ​សាធារណជន​ទាំងអស់​ ​អាច​ចូលរួម​រីករាយ​ជា​លក្ខណ:ឯកជន​ ​ជា​លក្ខណ:គ្រួសារ​ ​ឬ​ ​ជាមួយ​មិត្តភក្តិ​ក៏បាន​។​ ​



​ព្រឹត្តិ​ការណ៍​នេះ​ ​រៀបចំឡើង​ដោយ​សភា​ពាណិជ្ជកម្ម​ ​និង​ឧស្សាហកម្ម​បារាំង​-​កម្ពុជា​ ​ដោយ​រួម​សហការ​ជាមួយ​ស្ថានទូត​បារាំង​ ​និង​វិទ្យាស្ថាន​បារាំង​នៅ​កម្ពុជា​ ​ដើម្បី​បិទ​បញ្ចប់​«​កម្មវិធី​បារាំង​ពីរ​សប្តាហ៍​នៅ​ភ្នំពេញ​»​ ​។​ ​ពិធី​បើក​ផ្សារ​បារាំង​ ​នឹង​ប្រព្រឹត្តទៅ​នៅ​ថ្ងៃសៅរ៍​ទី៣០​ ​ខែមីនា​ ​វេលា​ម៉ោង១០ព្រឹក​ ​ក្រោម​អធិបតីភាព​របស់​លោកស្រី​ ​អេ​វ៉ា​ ​ង្វៀន​ ​ប៊ិញ​ ​ឯកអគ្គ​រដ្ឋទូត​បារាំង​ប្រចាំ​កម្ពុជា​៕​ ​

  • អត្ថបទទាក់ទង :
  • Featured
Loading...

ពេញនិយម