កម្ពុជា​ ​ស្នើ​ក្រុមហ៊ុន​សាជីវកម្ម​សំណង់​ផ្លូវដែក​ចិន​ ​ជួយ​អភិវឌ្ឍន៍​គម្រោង​ផ្លូវដែក​កម្ពុជា​

​ប្រទេស​ចិន​ ​៖​ ​រដ្ឋមន្រ្តី​ក្រសួងសាធារណការ​ ​និង​ដឹកជញ្ជូន​ ​បាន​ស្នើ​ដល់​ក្រុមហ៊ុន​សាជីវកម្ម​សំណង់​ផ្លូវដែក​ចិន​ ​(​CRCC​)​ ​ចូលរួម​ជាមួយ​រាជរដ្ឋាភិបាល​កម្ពុជា​ ​រៀបចំ​គម្រោង​អភិវឌ្ឍន៍​ ​និង​ធ្វើឲ្យ​ប្រសើរ​ឡើង​វិស័យ​ដឹកជញ្ជូន​តាមផ្លូវ​ដែក​នៅ​កម្ពុជា​ ​។​

​ ​
​ការ​ស្នើ​នេះ​ ​បាន​ធ្វើឡើង​ ​ក្នុង​ជំនួប​រវាង​លោក​ទេស​រដ្ឋមន្ត្រី​ ​ស៊ុន​ ​ចាន់​ថុល​ ​រដ្ឋមន្រ្តី​ក្រសួងសាធារណការ​ ​និង​ដឹកជញ្ជូន​ ​ជាមួយ​លោក​ ​Wang​ ​Wenzhong​ ​អនុប្រធាន​ក្រុមហ៊ុន​សាជីវកម្ម​សំណង់​ផ្លូវដែក​ចិន​ ​នៅ​ទីក្រុង​ប៉េកាំង​ ​ដែល​ក្រុមហ៊ុន​នេះ​ ​ជា​សហគ្រាស​សាធារណៈ​ដ៏​ធំ​មួយ​ក្នុងចំណោម​សហគ្រាស​សាធារណៈ​ជាង១០ធំៗ​ ​របស់​ចិន​។​

​
​លោក​ ​ទេស​រដ្ឋមន្ត្រី​ ​ស្នើ​ឲ្យ​ក្រុមហ៊ុន​ ​CRCC​ ​ជួយ​ធ្វើឲ្យ​ប្រសើរ​ឡើង​វិស័យ​ដឹកជញ្ជូន​តាមផ្លូវ​ដែក​នៅ​កម្ពុជា​ ​ដើម្បី​ជំរុញ​កំណើន​សេដ្ឋកិច្ច​កម្ពុជា​ ​ជាពិសេស​ ​ការសម្រួល​ដល់​ការ​ដឹកជញ្ជូន​អ្នកដំណើរ​ ​និង​ការ​ដឹកជញ្ជូន​ទំនិញ​សំ​ខាន់​ៗ​ ​ដូចជា​៖​ ​ស្រូវ​អង្ករ​ ​ប្រេងឥន្ធនៈ​ ​សម្ភារ​បរិក្ខារ​ផ្សេង​ៗ​ ​សំដៅ​កាត់បន្ថយ​ចំណាយ​ឡូ​ជី​ស្ទីក​ ​កាត់បន្ថយ​ពេលវេលា​ដឹកជញ្ជូន​ ​គ្រោះថ្នាក់​ចរាចរណ៍​ ​និង​ការ​កកស្ទះ​ចរាចរណ៍​ ​នៅ​តាម​ដងផ្លូវ​ជាដើម​ ​។​

​
​ជា​ការ​ឆ្លើយតប​ ​លោក​ ​Wang​ ​Vengzhong​ ​បាន​ប្តេជ្ញា​ចិត្ត​យ៉ាង​មុតមាំ​ថា​ ​នឹង​ចូលរួម​សហការ​ជាមួយ​រាជរដ្ឋាភិបាល​កម្ពុជា​ ​តាមរយៈ​ក្រសួងសាធារណការ​ ​និង​ដឹកជញ្ជូន​ ​ក្នុង​ការអភិវឌ្ឍន៍​វិស័យ​ដឹកជញ្ជូន​តាមផ្លូវ​ដែក​កម្ពុជា​ ​ឱ្យ​មានការ​រីកចម្រើន​ ​ដូច​ប្រទេស​មួយចំនួន​ក្នុង​តំបន់​ ​ដោយ​ស្មារតី​យកចិត្ត​ទុកដាក់​ខ្ពស់​ ​ជាអាទិភាព​ ​។​

​
​កិច្ចប្រជុំ​នោះ​ ​ក៏បាន​ផ្តោត​ជា​សំខាន់​លើ​ការសិក្សា​ដកស្រង់​បទពិសោធន៍​ ​និង​ការ​ពង្រឹង​កិច្ច​សហប្រតិបត្តិ​ការ​រវាង​ក្រសួងសាធារណការ​ ​និង​ដឹកជញ្ជូន​ ​និង​ក្រុមហ៊ុន​ ​CRCC​ ​លើ​គម្រោង​ពាក់ព័ន្ធ​នឹង​ការ​អភិវឌ្ឍ​វិស័យ​ហេដ្ឋារចនាសម្ព័ន្ធ​ផ្លូវដែក​នៅ​កម្ពុជា​ ​៕​