Connect with us

សមត្ថកិច្ច​ទុក​រយៈពេល៣ថ្ងៃ​ ​ឲ្យ​ជន​បង្ក​ចូល​មក​ទទួលទោស​ ​ករណី​រថយន្ត​ ​Rang​ ​Rover​ ​ស្លាក​លេខ​ ​ភ្នំពេញ​ ​2AF​-​7777​ ​

​ភ្នំពេញ​៖​ ​ឧត្តមសេនីយ៍ឯក​ ​ស​ ​ថេត​ ​អគ្គស្នងការ​រង​នគរបាល​ជាតិ​ ​និង​ជា​ស្នងការ​នគរបាល​រាជធានី​ភ្នំពេញ​ ​បាន​ឲ្យដឹង​នៅ​ថ្ងៃទី២៨​ ​ខែមីនា​ ​ឆ្នាំ២០១៩នេះ​ថា​ ​ថា​បន្ទាប់ពី​លោក​ ​យិន​ ​ង្គិច​ ​ចូលខ្លួន​មក​សារភាព​នៅ​ការិយាល័យ​នគរបាល​ចរាចរណ៍​ផ្លូវគោក​ ​រាជធានី​ភ្នំពេញ​រួចមក​ ​សមត្ថកិច្ច​ទុក​រយៈពេល៣ថ្ងៃ​ ​ដើម្បីឲ្យ​ជន​បង្ក​ចូលខ្លួន​មក​ទទួលទោស​ ​បើ​មិន​ចូល​មក​ទទួលទោស​នោះ​ទេ​ ​សមត្ថកិច្ច​ជំនាញ​ ​នឹង​ចាត់ការ​តាម​នីតិវិធី​ ​។​
​លោ​ក​យិន​ ​ង្គិច​ ​ដែល​បាន​ចូល​ទៅ​បំភ្លឺ​នៅ​ការិយាល័យ​ចរាចរណ៍​ផ្លូវគោក​ ​នៃ​ស្នងការ​ដ្ឋាន​នគរបាល​រាជធានី​ភ្នំពេញ​ ​កាលពី​ម្សិលមិញ​ ​បាន​សារភាព​ថា​ ​អ្នក​បើករថយន្ត​នោះ​ ​គឺជា​កូនស្រី​របស់​ខ្លួន​ពិតប្រាកដ​មែន​ ​ឈ្មោះ​ ​យិន​ ​ម៉ា​ណា​ ​ហើយ​លោក​ ​ក៏បាន​យល់​ព្រម​ផ្តិត​ម​ដៃ​នៅ​លើ​កិច្ចសន្យា​ផង​ដែរ​ ​។​
​សមត្ថកិច្ច​បាន​ឲ្យដឹង​ថា​ ​មុន​ពេល​មាន​គ្រោះថ្នាក់​ចរាចរណ៍​ដ៏​រន្ធត់​មួយ​នេះ​ ​នារី​បង្ក​ ​រួម​ជាមួយ​មិត្តភក្តិ​ដូចគ្នា​ចំនួន៤នាក់​ ​(​ប្រុស៣នាក់​)​ ​បាន​បើករថយន្ត​ ​Range​ ​Rover​ ​ចូល​ទៅ​ហាង​បុ​ក​ល្ហុ​ក​មួយ​កន្លែងនៅ​ក្បែរ​នោះ​។​ ​ក្រោយពី​ហូប​នៅក្នុង​ហាង​រួចហើយ​ ​នារី​បង្ក​ ​បាន​ឡើង​បើករថយន្ត​វិញ​ ​អម​ដោយ​អ្នក​ជិះ​ជាមួយ​ជា​មិត្តភក្តិ​ចំនួន២នាក់​ ​(​ស្រី​ម្នាក់​ ​និង​ប្រុស​ម្នាក់​)​ ​រួច​បើក​យ៉ាង​លឿន​ចេញ​ ​ទៅ​ ​រហូត​បង្ក​គ្រោះថ្នាក់​ចរាចរណ៍​ដ៏​រន្ធត់​នេះ​តែម្តង​។​



​មន្ត្រី​នគរបាល​ជាន់ខ្ពស់​រូប​នេះ​ ​បាន​បន្ត​ទៀត​ថា​ ​នៅចំពោះមុខ​សមត្ថកិច្ច​ ​លោក​ ​យិន​ ​ហ្គិច​ ​បាន​សន្យា​ថា​ ​នឹង​នាំ​ខ្លួន​កូនស្រី​មក​ប្រគល់​ជូន​សមត្ថកិច្ច​ដើម្បី​ចាត់ការ​តាម​នីតិវិធី​។​ ​សូម​បញ្ជាក់​ថា​ ​កាលពី​រសៀល​ថ្ងៃទី២៦​ ​ខែមីនា​ ​ឆ្នាំ២០១៩​ ​ស្ថិតនៅ​តាម​បណ្ដោយ​ផ្លូវ​លេខ៣១៧​ ​កែង​នឹង​ផ្លូវ​លេខ៥២៨​ ​ក្នុង​សង្កាត់​បឹងកក់​ទី១​ ​ខណ្ឌទួលគោក​ ​មាន​រថយន្ត​ ​Rang​ ​Rover​ ​ពាក់​ស្លាក​លេខ​ ​ភ្នំពេញ​ ​2AF​-​7777​ ​មួយ​គ្រឿង​ ​បាន​បើក​លឿន​ ​ហើយ​ទៅ​បុក​នារី​រងគ្រោះ​ជា​និស្សិត​នៅ​សាលា​«​ផា​រ៉ា​ហ្គន​»​ ​ខណៈ​នាង​កំពុង​បើក​ម៉ូតូ​ ​បណ្តាល​ឲ្យ​ទាំង​ម៉ូតូ​ ​និង​មនុស្ស​ប៉ើង​ដូច​សំឡី​ ​ស្លាប់​ភ្លាម​ៗ​នៅកន្លែង​កើតហេតុ​តែម្តង​។​ ​ករណីនេះ​ ​ត្រូវ​គេ​បាន​ទម្លាយ​តាមរយៈ​វីដេអូ​សុវត្ថិភាព​មួយ​ ​នៅ​ក្បែរ​កន្លែង​កើតហេតុ​ ​ដែល​មើលទៅ​កើតឡើង​យ៉ាង​រន្ធត់​ ​នាំឲ្យ​ម្នា​ក់ៗ​ប្រកាស​ថ្កោលទោស​ ​ខ្លាំង​ៗ​ ​និង​សុំ​ឲ្យ​សមត្ថកិច្ច​តាម​ចាប់​ជន​បង្ក​ឲ្យបាន​។​



​នារី​រងគ្រោះ​មានឈ្មោះ​ ​ឌុំ​ ​រី​ដា​ ​អាយុ២២ឆ្នាំ​ ​ស្រុកកំណើត​ភូមិ​កំពង់ដំរី​ ​ឃុំ​ព្រែកតាមាក់​ ​ស្រុក​ខ្សាច់កណ្ដាល​ ​ខេត្ត​កណ្ដាល​ ​ដែល​ត្រូវ​ឪពុក​ម្តាយ​របស់​នាង​បាន​ប្រាប់​ថា​ ​ជា​សិស្ស​ពូកែ​ទូទាំង​ប្រទេស​ម្នាក់​ ​ខាង​អក្សរសាស្ត្រ​ខ្មែរ​ ​រហូត​ទទួល​បាន​អាហារូបករណ៍​នៅ​សាលា​ ​«​ផា​រ៉ា​ហ្គន​»​ ​តែម្តង​ ​។​ ​សម្រាប់​អ្នក​បើករថយន្ត​បង្ក​វិញ​ ​គិត​ត្រឹម​ព្រឹក​ថ្ងៃទី២៨​ ​ខែមីនា​ ​ឆ្នាំ២០១៩នេះ​ ​កម្លាំង​សមត្ថកិច្ច​ចរាចរណ៍​ ​រាជធានី​ភ្នំពេញ​ ​បាន​និង​កំពុង​ស្រាវជ្រាវ​យ៉ាង​យកចិត្ត​ទុកដាក់​ ​តាម​ចាប់ខ្លួន​ផង​ដែរ​ ​បើ​ទោះបី​ម្ចាស់​រថយន្ត​មានឈ្មោះ​ ​យិន​ ​ង្គិច​ ​បាន​ចេញមុខ​មក​ប្រកាស​ទទួលខុសត្រូវ​ទាំងស្រុង​ ​ចំពោះមុខ​សមត្ថកិច្ច​ ​និង​គ្រួសារ​ជនរងគ្រោះ​ក៏ដោយ​នោះ​។​

​ដោយឡែក​ ​រថយន្ត​បង្ក​ខាងលើ​នេះ​ ​ត្រូវ​បាន​សមត្ថកិច្ច​ប្រទះឃើញ​នៅ​តាម​បណ្តោយ​ផ្លូវ​ស​ឡា​ ​(​៣៧១​)​ ​សង្កាត់​ស្ទឹងមានជ័យ៣​ ​ខណ្ឌមានជ័យ​ ​នា​កណ្តាល​រាត្រី​ថ្ងៃទី២៦​ ​ខែមីនា​ ​ឆ្នាំ២០១៩​ ​ហើយក៏​បាន​ស្ទូច​យក​ទៅ​រក្សាទុក​នៅ​ការិយាល័យ​ចរាចរណ៍​ផ្លូវគោក​រាជធានី​ភ្នំពេញ​ ​ដើម្បី​រង់ចាំ​ការ​ដោះស្រាយ​បន្ត​ទៀត​ ​និង​តាម​ស្វែងរក​អ្នក​បើក​មក​ទទួលទោស​តាមច្បាប់​ ​៕​



  • អត្ថបទទាក់ទង :
  • Featured
Loading...

ពេញនិយម