ម្ចាស់​ពានរង្វាន់​ ​Master​ ​Chef​ ​Khmer​ ​លោក​ ​ដារ៉ា​ ​នឹង​ចូលរួម​សង្រ្កាន្ត​ឆ្នាំ​ថ្មី​ ​នៅ​វិទ្យាល័យ​ឥន្ទ្រ​ទេវី​

​ភ្នំពេញ​៖​ ​កាន់តែ​ខិត​ជិត​មកដល់​ហើយ​ ​សម្រាប់​ថ្ងៃបុណ្យ​ចូលឆ្នាំ​ថ្មី​ប្រពៃណី​ជាតិ​ ​ក្នុង​នោះ​ ​គេ​សង្កេតឃើញ​ថា​ ​គ្រប់​បណ្តា​វិទ្យាល័យ​ជាច្រើន​នៅក្នុង​ប្រទេស​កម្ពុជា​ ​កំពុងតែ​រវល់​ក្នុង​ការរៀបចំ​សង្ក្រាន្ត​ឆ្នាំ​ថ្មី​ ​មុន​ពិធីបុណ្យ​ចូល​មកដល់​។​ ​

​
​ដោយឡែក​ ​នៅ​ថ្ងៃទី៥​ ​ទី៦​ ​និង​ទី៧​ ​ខែមេសា​ ​ឆ្នាំ២០១៩ខាងមុខនេះ​ ​វិទ្យាល័យ​ឥន្ទ្រ​ទេវី​ ​នឹង​រៀបចំ​កម្មវិធី​ពិសេស​ ​សង្ក្រាន្ត​ឆ្នាំ​ថ្មី​ ​ដើម្បីឲ្យ​សិស្សានុសិស្ស​ ​អាណាព្យាបាល​ ​និង​ប្រជាពលរដ្ឋ​ ​បាន​ចូលរួម​លេងកម្សាន្ត​សប្បាយ​ ​ជាមួយនឹង​ការ​ដាក់​តាំង​ផលិតផល​ដែល​ជា​ស្នាដៃ​របស់​សិស្ស​វិទ្យាល័យ​ឥន្ទ្រ​ទេវី​ ​រួម​ទាំង​មានការ​រាំ​លេង​នូវ​ចង្វាក់​ប្រពៃណី​ខ្មែរ​ផង​ដែរ​ ​។​ ​

​
​អ្វី​ដែល​ពិសេស​ជាង​នេះ​ទៀត​ ​ម្ចាស់​ពានរង្វាន់​ចុងភៅ​ឯក​ ​Master​ ​Chef​ ​Khmer​ ​លោក​ ​យូ​ ​ថន​ដារ៉ា​ ​ក៏​នឹង​ចូលរួម​ធ្វើជា​គណៈកម្មការ​ប្រកួតប្រជែង​ក្នុង​កម្មវិធី​ ​«​ចុងភៅ​ឯក​សង្ក្រាន្ត​ឆ្នាំ​ថ្មី​»​ ​របស់​វិទ្យាល័យ​ឥន្ទ្រ​ទេវី​ ​នេះ​ផង​ដែរ​។​ ​

​
​លោក​ ​យូ​ ​ថន​ដារ៉ា​ ​បាន​ប្រាប់​ក្រុមការងារ​ ​MyTV​ ​Plus​ ​ថា​ ​៖​ ​«​គាត់​ពិតជា​មាន​អារម្មណ៍​សប្បាយរីករាយ​ ​ដែល​បាន​ធ្វើជា​គណៈកម្មការ​ចុងភៅ​ឯក​សង្ក្រាន្ត​ឆ្នាំ​ថ្មី​»​ ​។​ ​លោក​ ​យូ​ ​ថន​ដារ៉ា​ ​បាន​បន្ត​ថា​ ​លោក​ ​នឹង​យកចំណេះ​ដឹង​ដែល​លោក​មាន​ ​មក​ចែករំលែក​ដល់​ប្អូន​ៗ​ ​ដើម្បី​ឲ្យ​ប្អូន​ៗ​ស្គាល់​ពី​របៀប​ផ្សំគ្រឿង​នៃ​មុខម្ហូប​ ​និង​ការរចនា​សោភ័ណភាព​មុខម្ហូប​ ​ដើម្បី​ទទួល​បានការ​ចាប់អារម្មណ៍​ពី​គណៈកម្មការ​ ​និង​អតិថិជន​។​

​
​
​ម្ចាស់​ពានរង្វាន់​ចុងភៅ​ឯក​ ​Master​ ​Chef​ ​Khmer​ ​របស់​ស្ថានីយ​ទូរទស្សន៍CTN​ ​នឹង​ចូលរួម​ធ្វើការ​ចម្អិនម្ហូប​ដោយ​ផ្ទាល់ដៃ​ ​ចែក​ជូន​សិស្សានុសិស្ស​ ​នៅ​វិទ្យាល័យ​ឥន្ទ្រ​ទេវី​ ​ពិសារ​ដោយ​ឥតគិតថ្លៃ​ ​។​ ​
​
​កុំ​ភ្លេច​ចូលរួម​អោយ​បាន​ច្រើន​កុះករ​ ​ជាមួយ​សង្ក្រាន្ត​ឆ្នាំ​ថ្មី​ ​នៅ​វិទ្យាល័យ​ឥន្ទ្រ​ទេវី​ ​ចាប់ផ្តើម​ពី​ថ្ងៃទី​ ​៥​ ​ដល់​ថ្ងៃទី៧​ ​ខែមេសា​ ​ឆ្នាំ២០១៩​ ​ខាងមុខនេះ​ ​៕​

​
​អត្ថបទ​៖​ ​ឡុង​ ​រតនា​