អ្នកជំងឺ​ភ្នែក​ ​៤៧នាក់​ ​ទទួល​បានការ​វះកាត់​ព្យាបាល​ ​ដោយ​ឥតគិតថ្លៃ​

ភ្នំពេញ​ ​៖​ ​លោកស្រី​ ​ពេជ​ ​ចន្ទ​មុ​ន្នី​ ​ហ៊ុន​ ​ម៉ា​ណែ​ត​ ​បាន​អញ្ជើញ​ទៅ​ជួប​ជាមួយ​អ្នកជំងឺ​ ​និង​ពិនិត្យ​ស្ថានភាព​អ្នកជំងឺ​ ​ដែល​សមាគម​ ​TYDA​ ​និង​អង្គការ​មូល​និ​ធិ​ឆឺ​ជី​ ​បាន​បញ្ជូន​មក​ពី​តាម​បណ្តា​ខេត្ត​ ​មក​ទទួលការ​ព្យាបាល​ដោយ​វះកាត់​ ​នៅ​មន្ទីរពេទ្យ​ព្រះអង្គ​ឌួង​។​ ​

​
​
​សូម​បញ្ជាក់​ថា​ ​នៅដើម​ខែមីនា​ ​ឆ្នាំ២០១៩​ ​កន្លងទៅ​នេះ​ ​សមាគម​គ្រូពេទ្យ​ស្ម័គ្រចិត្ត​យុវជន​សម្ដេច​តេជោ​ ​TYDA​ ​បាន​សហការ​ជាមួយ​អង្គការ​មូលនិធិ​ពុទ្ធ​សាស​នា​ឆឺ​ជី​ ​ចុះ​ពិនិត្យ​ ​និង​ព្យាបាល​ជំងឺ​ជូន​ប្រជាពលរដ្ឋ​ដោយ​ឥតគិតថ្លៃ​ ​នៅ​មន្ទីរពេទ្យ​ស្រុក​ព្រៃកប្បាស​ ​ខេត្តតាកែវ​ ​និង​បាន​បញ្ជូន​អ្នកជំងឺ​ ​ដែល​មាន​បញ្ហា​ភ្នែក​ចំនួន​ ​១០១នាក់​ ​មក​ទទួលការ​ព្យាបាល​បន្ត​ ​ដែល​ក្នុង​នោះ​ ​អ្នកជំងឺ​ភ្នែក​ចំនួន៤៧នាក់​ ​ត្រូវ​ទទួលការ​វះកាត់​ព្យាបាល​ ​ដោយក្រុម​គ្រូពេទ្យ​ជំនាញ​នៅ​មន្ទីរពេទ្យ​ព្រះអង្គ​ឌួង​ ​រាជធានី​ភ្នំពេញ​ ​។​

​
​ក្នុង​ឪ​កាស​ចុះ​ជួប​ដោយ​ផ្ទាល់​នៅ​មន្ទីរពេទ្យ​អង្គឌួង​ ​លោកស្រី​ ​បាន​ពាំនាំ​ប្រសាសន៍​ផ្តាំផ្ញើ​សាកសួរ​សុខទុក្ខ​ពីសំណាក់​សម្តេច​តេជោ​ ​ហ៊ុន​ ​សែន​ ​និង​សម្តេច​កិត្តិ​ព្រឹទ្ធ​បណ្ឌិត​ ​ប៊ុ​ន​ ​រ៉ា​នី​ហ៊ុន​ ​សែន​ ​ជូន​ដល់​អ្នកជំងឺ​ ​ដែល​កំពុង​សម្រាក​ព្យាបាល​ក្នុង​មន្ទីរពេទ្យ​ ​។​ ​

​
​ជាមួយគ្នា​នេះ​ ​លោកស្រី​ ​ក៏បាន​ថ្លែងអំណរគុណ​ជូន​ដល់​អង្គការ​មូលនិធិ​ពុទ្ធ​សាស​នា​ឆឺ​ជី​ ​និង​មន្ទីរពេទ្យ​ព្រះអង្គ​ឌួង​ ​ដែល​បាន​សហការ​ជាមួយ​សមាគម​ ​ជួយ​ពិនិត្យ​ព្យាបាល​អ្នកជំងឺ​ក្រីក្រ​ ​ដែល​សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេជោ​(​TYDA​)​ ​បាន​បញ្ជូន​មក​ពី​តាម​បណ្តា​ខេត្ត​ ​និង​សហ​គម​ន៍​ផ្សេង​ៗ​នា​ពេល​កន្លងមក​ ​។​ ​

​
​លោកស្រី​ ​បាន​ចាត់ទុក​សកម្មភាព​នៃ​ផ្នែក​ពាក់ព័ន្ធ​ទាំងអស់​នេះ​ ​គឺ​បង្ហាញ​អំពី​សកម្មភាព​មនុស្សធម៌​ ​ជួយ​ដល់​ប្រជាពលរដ្ឋ​ក្រីក្រ​នៅ​តាម​បណ្ដា​ខេត្ត​ ​តាមរយៈ​ការ​ចុះ​ពិនិត្យ​ ​និង​ព្យាបាល​ជំងឺ​ដោយ​គិតថ្លៃ​ ​និង​បញ្ជូន​មក​វះកាត់​ ​នៅ​រាជធានី​ភ្នំពេញ​ ​ក្រោម​ការឧបត្ថម្ភ​ដ៏​ថ្លៃថ្លា​របស់​សម្ដេច​តេជោ​ ​ហ៊ុន​សែន​ ​និង​សម្ដេច​កិត្តិ​ព្រឹទ្ធ​បណ្ឌិត​ប៊ុ​នរ៉ា​នី​ហ៊ុន​សែន​៕​ ​

​