Connect with us

មេ​ ​Facebook​ ​ជំរុញ​ឲ្យ​រដ្ឋាភិបាល​នានា​ ​ចេញច្បាប់​តឹង​រឹង​ចំពោះ​ប្រព័ន្ធ​អ៊ីនធឺណិត​

បរទេស​ ​៖​ ​នាយក​ប្រតិបត្តិ​ក្រុមហ៊ុន​ ​Facebook​ ​លោក​ ​Mark​ ​Zuckerberg​ ​កាលពី​ពេល​ថ្មី​ៗ​នេះ​ ​បាន​ជំរុញ​ឲ្យ​មានច្បាប់​តឹង​រឹង​ ​និង​សហការ​ពី​រដ្ឋាភិបាល​នានា​ ​ដើម្បី​គ្រប់គ្រង​ប្រព័ន្ធ​អ៊ីនធឺណិត​ ​ស្រប​ពេល​ដែល​ក្រុមហ៊ុន​បណ្ដាញ​ទំនាក់ទំនង​សង្គម​ដ៏​ធំ​មួយ​នេះ​ ​ទទួលការ​រិះគន់​ជាច្រើន​ពីសា​ធារ​ណ​ជន​។​
​នាយក​ប្រតិបត្តិ​ ​Facebook​ ​បាន​ឲ្យដឹង​ថា​ ​បើ​មានច្បាប់​តឹង​រឹង​ ​”​សេរីភាព​របស់​អ្នកប្រើ​ប្រាស់​ ​និង​ ​សហគ្រិន​ ​ដើម្បី​បង្កើត​រឿង​ថ្មី​ៗ​”​ ​នឹង​កាន់តែ​មាន​ភាពល្អ​ប្រសើរ​ ​ព្រមទាំង​រួមចំណែក​ការពារ​មិន​ឲ្យ​មានការ​គំរាមកំហែង​កាន់តែ​ខ្លាំង​ឡើង​ក្នុង​សង្គម​។​ ​

លោក​ ​Mark​ ​ក៏បាន​អំពាវនាវ​ឲ្យ​មានច្បាប់​តឹង​រឹង​នៅ​លើ​អ៊ីនធឺណិត​ ​ដើម្បី​ការពារ​នូវ​ការ​ផ្សព្វផ្សាយ​ដែល​បង្ក​ការ​គំរាមកំហែង​ដល់​ការបោះឆ្នោត​ផង​ដែរ​។​
​គួរ​រំឭក​ថា​ ​ទីភ្នាក់ងារ​ស៊ើបអង្កេត​សហរដ្ឋអាមេរិក​ ​បាន​រក​ឃើញ​ការ​បង្ហោះ​ព័ត៌មាន​ក្លែងក្លាយ​ ​និង​ការចែកចាយ​ក្នុង​ចេតនា​បំបែកបំបាក់​នៅ​លើ​ ​Facebook​ ​ក្នុង​យុទ្ធនាការ​បោះឆ្នោត​នៅ​សហរដ្ឋអាមេរិក​ ​កាលពី២០១៦​៕​


​ប្រភព​៖​ ​Reuters​
​អត្ថបទ​៖​ ​ចាន់​ ​សោភ័ណ្ឌ​លាភ​

  • អត្ថបទទាក់ទង :
  • Featured
Loading...

ពេញនិយម