រយៈពេល​ 7ខែ សមត្ថកិច្ចកម្ពុជា​ ដកហូតសាធាតុញៀនគ្រប់ប្រភេទ បានជាង 307 គីឡូក្រាម​ និងឃាត់ខ្លួនមនុស្ស 8682នាក់

(ភ្នំពេញ)៖ របាយការណ៍លទ្ធផលបង្ក្រាបគ្រឿងញៀន នៃយុទ្ធនាការប្រយុទ្ធប្រឆាំង គ្រឿងញៀនខុសច្បាប់នៅកម្ពុជា ដែលចេញផ្សាយនៅថ្ងៃទី១ ខែសីហា ឆ្នាំ២០១៨នេះ បានឲ្យដឹងថា នៅរយៈពេល៧ខែឆ្នាំ២០១៨ កម្លាំងសមត្ថកិច្ចទូទាំងប្រទេស បានចុះបង្ក្រាបករណីជួញដូរ និងប្រើប្រាស់គ្រឿងញៀន៤,៣៨១ករណី ។

របាយការណ៍បានឲ្យដឹងថា លទ្ធផលអនុវត្តន៍ច្បាប់ពីថ្ងៃទី០១ ខែមករា ដល់ថ្ងៃទី៣១ ខែកក្កដា ឆ្នាំ២០១៨ បានឃាត់ខ្លួន ៨,៦៨២នាក់ (ជនបរទេស១៣៥នាក់ ស្រី២៩នាក់ មាន​១៤សញ្ជាតិ)​។
ក្នុងនោះ ករណីជួញដូរគ្រឿងញៀនចំនួន២,៨១៦ករណី ឃាត់ខ្លួន៥,០៧០នាក់(ស្រី៥៤៦នាក់) និងករណីប្រើប្រាស់គ្រឿងញៀន១,៥៦៥ករណី ឃាត់ខ្លួន​ ៣,៦១២នាក់ (ស្រី២១៧នាក់)។

ការបង្រ្កាបរយៈពេល7ខែមកនេះ សមត្ថិច្ចបានដកហូតសារធាតុញៀនគ្រប់ប្រភេទជាង៣០៧គីឡូក្រាម និង៨៧៣កញ្ចប់ កញ្ឆាក្រៀមជាង២៥គីឡូក្រាម និង១២៦,៥៤៧ដើម​ ព្រមទាំងសម្ភារៈ​ ដែលត្រូវបានឃាត់រួមមាន៖ រថយន្ដ៤៥គ្រឿង, ម៉ូតូ១,០៥១គ្រឿង,
ទូរស័ព្ទចំនួន២,៨២១គ្រឿង, ជញ្ជីងចំនួន១០៨គ្រឿង, អាវុធខ្លីចំនួន១៤ដើម, អាវុធវែងចំនួន១០ដើម៕