ពិតជា​មិនធម្មតា​!​ ​បវរកញ្ញា​ ​ហង្ស​ ​សុ​រិយា​ន់​ ​បាន​ចូលរួម​សម្តែង​ក្នុង​ខ្សែភាពយន្ត​អន្តរជាតិ​

ភ្នំពេញ​៖​ ​បន្ទាប់ពី​បាន​នាំ​យក​នូវ​មុខមាត់​ជូន​មាតុភូមិ​ក្នុង​កម្មវិធី​ប្រកួត​ ​Miss​ ​Global​ ​នៅ​ប្រទេស​ហ្វីលីពីន​ ​ដោយ​ ​សុ​រិយា​ន់​ ​បាន​ជាប់​ក្នុងចំណោម​បវរកញ្ញា​ ​១១​ ​នាក់​ចុងក្រោយ​មក​ ​បវរកញ្ញា​ ​ហង្ស​ ​សុ​រិយា​ន់​ ​កំពុងតែ​មាន​ទីផ្សារ​ខ្លាំង​មែនទែន​ ​មិនថា​ទីផ្សារ​ក្នុង​ស្រុក​ ​ឬ​ ​ក្រៅប្រទេស​ឡើយ​។​ ​

​ជាក់ស្តែង​ ​សុ​រិយា​ន់​ ​បាន​ប្រាប់​មកកាន់​ ​MyTV​ ​Plus​ ​ថា​ ​ថ្មី​ៗ​នេះ​ខ្លួន​បាន​ទទួលការ​ងារ​សម្តែង​ក្នុង​ខ្សែភាពយន្ត​អន្តរជាតិ​មួយ​របស់​ប្រទេស​ចិន​ ​ដែល​កញ្ញា​នឹង​សម្តែង​ជាមួយ​តារា​សម្តែង​ដ៏​ល្បី​របស់​ទីក្រុង​ហុងកុង​លោក​ ​Andy​ ​On​ ​ដែល​មាន​ចំ​នង​ជើង​ថា​ ​“​អ្នកការពារ​”​ ​ដែល​ជា​ខ្សែភាពយន្ត​បែប​ស៊ើបអង្កេត​។​ ​
​កញ្ញា​ ​ហង្ស​ ​សុ​រិយា​ន់​ ​ពិតជា​រំភើប​យ៉ាង​ខ្លាំង​នៅពេល​ដែល​ខ្លួន​ជា​ជនជាតិ​ខ្មែរ​បាន​មានឱកាស​សម្តែង​ ​និង​បង្ហាញ​សមត្ថភាព​ជាមួយ​តារា​លំដាប់​អន្តរជាតិ​បែបនេះ​។​ ​សុ​រិយា​ន់​ ​បាន​ប្រាប់​ថា​ ​ខ្លួន​នឹង​បង្ហាញថា​តារា​ខ្មែរ​ក៏​ជាតា​រា​ដែល​មាន​ទេពកោសល្យ​ ​និង​ ​សមត្ថភាព​ក្នុង​ការ​សម្តែង​មិនចាញ់​តារា​បរទេស​ឡើយ​។​ ​ជាចុងក្រោយ​ ​សុ​រិយា​ន់​ ​នឹង​ខិតខំ​ព្យាយាម​ពង្រឹង​ការ​សម្តែង​របស់​ខ្លួន​ដើម្បី​តបស្នង​ទៅដល់​អ្នកគាំទ្រ​មិន​ឱ្យ​ខកបំណង​ឡើយ​៕​