Connect with us

ADB​៖​ ​សង្គ្រាម​ពាណិជ្ជកម្ម​ ​និង​ ​Brexit​ ​ធាក់​ថយ​កំណើន​សេដ្ឋកិច្ច​ទ្វីបអាស៊ី​ ​ក្នុង​ឆ្នាំ២០១៩​ ​និង២០២០​

របាយការណ៍​របស់​ធនាគារ​អភិវឌ្ឍន៍​អាស៊ី​ ​ADB​ ​ដែល​ចេញផ្សាយ​នា​ពេល​ថ្មី​ៗ​នេះ​ ​បង្ហាញថា​ ​កំណើន​សេដ្ឋកិច្ច​ទ្វីបអាស៊ី​ ​ក្នុង​ឆ្នាំ២០១៩​ ​អាច​មាន​អត្រា​ ​៥,៧ភាគរយ​។​ ​អត្រា​នេះ​ ​មានការ​ថយ​ចុះបើ​ធៀប​ទៅ​នឹង​ឆ្នាំ២០១៨​ ​ដែល​មាន​អត្រាកំណើន​សេដ្ឋកិច្ច​ ​៥,៩ភាគរយ​ ​និង​ឆ្នាំ២០១៦​ ​ដែល​មាន​ ​៦,២ភាគរយ​។​

ADB​ ​ព្យាករ​កាលពី​ខែធ្នូ​កន្លងទៅ​ថា​ ​កំណើន​សេដ្ឋកិច្ច​ទ្វីបអាស៊ី​ឆ្នាំ២០១៩​ ​អាច​មាន​ ​៥,៨ភាគរយ​។​ ​សម្រាប់​ឆ្នាំ២០២០​ ​តំបន់​នេះ​ ​ត្រូវ​បាន​ព្យាករ​ថា​ ​នឹង​មាន​កំណើន​ ​៥,៦ភាគរយ​ ​ដែល​ជា​កំណើន​យឺត​បំផុត​មួយ​ ​គិត​ចាប់តាំងពី​ឆ្នាំ២០០១​។​ ​ក្នុង​សេចក្ដីថ្លែង​ការណ៍​របស់​លោក​ ​Yasuyuki​ ​Sawada​ ​ប្រធាន​ផ្នែក​សេដ្ឋកិច្ច​ ​ADB​ ​បាន​ចង្អុលបង្ហាញ​ពីក​ត្តា​ថយ​ចុះ​នេះ​ ​គឺ​ដោយសារ​សង្គ្រាម​ពាណិជ្ជកម្ម​រវាង​សហរដ្ឋអាមេរិក​ ​ជាមួយ​ ​ចិន​ ​និង​ដំណើរការ​ចាកចេញ​ពី​សហភាព​អឺរ៉ុប​របស់​ចក្រភព​អង់គ្លេស​ ​Brexit​ ​។​ ​សង្គ្រាម​ពាណិជ្ជកម្ម​ ​បាន​ជះឥទ្ធិពល​អវិជ្ជមាន​មក​លើ​ការ​វិនិយោគ​ ​និង​កំណើន​នៅ​ទ្វីបអាស៊ី​ ​និង​វិបត្តិ​ ​Brexit​ ​ដែល​ជា​ហានិភ័យ​ ​ពន្យឺត​កំណើន​សេ​ដ្ឋ​កិច្​វនៅ​ទ្វីប​មួយ​នេះ​។​

​ការ​ព្យាករ​របស់​ ​ADB​ ​ឲ្យដឹង​ទៀត​ថា​ ​អាស៊ី​ខាងត្បូង​ ​នឹង​មាន​កំណើន​លឿន​ជាងគេ​ ​នៅ​អាស៊ី​ប៉ាស៊ីហ្វិក​ ​ជាមួយនឹង​អត្រា​ ​៦,៨ភាគរយ​ ​ក្នុង​ឆ្នាំ២០១៩​។​ ​ចំណែក​ ​អាស៊ី​អាគ្នេយ៍​ ​ត្រូវ​បាន​ប៉ាន់ស្មាន​ថា​ ​មាន​កំណើន​ ​៥,១ភាគរយ​ ​លើស​ការ​រំពឹង​កាលពី​ខែធ្នូ​ ​ដែល​មានត្រឹមតែ​ ​៥,០ភាគរយ​ ​ប៉ុណ្ណោះ​៕​

​ប្រភព​៖​ ​Reuters​
​ប្រែ​សម្រួល​៖​ ​ចាន់​ ​សោភ័ណ្ឌ​លាភ​

    Loading...

    ពេញនិយម