Connect with us

ចាប់អារម្មណ៍​ទេ​!​ ​លោក​ ​ហេង​ ​ឡុង​ ​និង​លោក​ ​សួន​ ​ពិសិដ្ឋ​ ​ជ្រើសរើស​អ្នកចម្រៀង​ចូល​ផលិតកម្ម​ថ្មី​

ភ្នំពេញ​៖​ ​កាលពី​ពេល​ថ្មី​ៗ​នេះ​ ​លោក​ ​សួន​ ​ពិសិដ្ឋ​ ​ដែល​ជា​អ្នកនិពន្ធ​បទភ្លេង​ដ៏​ល្បីឈ្មោះ​ដែល​បាន​បញ្ចប់​ការសិក្សា​ពី​ប្រទេស​កាណាដា​ ​និង​លោក​ ​ហេង​ ​ឡុង​ ​បាន​ប្រកាស​ជា​ផ្លូវការ​អំពី​ការ​ជ្រើសរើស​តារាចម្រៀង​ថ្មី​ ​ដែល​មាន​ទឹកដម​សម្លេង​ពិរោះ​ ​សម្រាប់​ចូល​ច្រៀង​នៅក្នុង​ផលិតកម្ម​ថ្មី​របស់​ពួកគាត់​។​ ​


​បើ​យោង​តាម​លោក​ ​សួន​ ​ពិសិដ្ឋ​ ​ការបង្កើត​ផលិតកម្ម​ថ្មីនេះ​ ​គឺ​ធ្វើឡើង​ ​ក្នុង​គោលបំណង​ចូលរួម​ចំណែក​លើកស្ទួយ​ ​និង​អភិវឌ្ឍ​វិស័យ​សិល្ប​វប្បធម៌​ ​តន្រ្តី​ ​ចម្រៀង​ ​និង​ភាពយន្ដ​ខ្មែរ​ ​ក៏ដូចជា​ភារកិច្ច​ ​ចូលរួម​ជ្រោមជ្រែង​សហគមន៍​សិល្បករ​ខ្មែរ​ ​និង​កិច្ចការ​មនុស្សធម៌​សម្រាប់​សង្គមជាតិ​ ​។​ ​

​លោក​ ​បាន​បញ្ជាក់​ទៀត​ថា​ ​សម្រាប់​អ្នក​ដែល​មាន​សមត្ថភាព​ពិតប្រាកដ​ ​មាន​ចរិយា​ល្អ​ ​និង​ក្រមសីលធម៌​ខ្ពស់​ ​ដែល​ចង់​ចូលរួម​ច្រៀង​ ​នៅក្នុង​ផលិតកម្ម​ថ្មី​របស់​ពួកគាត់​ ​អាច​ផ្ញើ​សម្លេង​ចម្រៀង​របស់​ខ្លួន​ ​ជា​វីដេអូ​ ​ឬ​ ​ជា​សម្លេង​ច្រៀង​សុទ្ធ​ក៏បាន​ ​រួម​ជាមួយ​រូបថត២សន្លឹក​ ​(​មួយ​បែប​តុបតែង​ ​និង​មួយទៀត​បែប​ធម្មជាតិ​)​ ​និង​លេខទូរស័ព្ទ​ទំនាក់ទំនង​ផ្ទាល់ខ្លួន​ទៅកាន់​ប្រអប់​សារ​របស់​គាត់​ទាំងពីរ​បាន​ ​៕​

 
​អត្ថបទ​៖​ ​ណា​រ៉ូ​ត​

    Loading...

    ពេញនិយម