តិចនិក​បញ្ចុះ​កម្តៅ​កូន​តូច​ៗ​ ​ពេល​ក្តៅ​ខ្លួន​ខ្លាំង​ ​មិន​ឲ្យ​គ្រោះថ្នាក់​ដល់​ជីវិត​

ភ្នំពេញ​ ​៖​ ​ក្មេង​ៗ​ឧស្សាហ៍​ក្តៅ​ខ្លួន​ណាស់​ ​ម៉ាក់ប៉ា​ត្រូវ​ប្រយ័ត្ន​ប្រយែង​ ​និង​ដឹងពី​វិធី​ជួយ​កូន​តូច​ៗ​ពេល​មាន​អាការៈ​ក្តៅ​ខ្លួន​ខ្លាំង​ ​អាច​ឈាន​ដល់​ប្រកាច់​បាត់បង់​ស្មារតី​ ​។​

​តើ​ក្មេង​កើន​កម្តៅ​ប៉ុន្មាន​ ​ទើប​ចាត់ទុក​ក្តៅ​ខ្លួន​?​

តាម​ ​Hello​ ​Krupet​ ​ជាទូទៅ​សីតុណ្ហភាព​ក្នុង​ខ្លួន​ក្មេង​ ​ប្រែប្រួល​ទៅតាម​អាយុ​ ​ដែល​ជា​ធម្មតា​នៅចន្លោះ​ពី​ ​៣៦,៤​-​៣៧​ ​អង្សា​រសេ​ ​អ៊ីចឹង​កាលណា​មាន​កម្តៅ​ចាប់ពី​ ​៣៨​ ​អង្សា​រសេ​ឡើង​ទៅ​ ​ចាត់ទុកថា​ ​អូន​តូច​ក្តៅ​ខ្លួន​ហើយ​ ​។​ ​អូន​តូច​ក្តៅ​ខ្លួន​ល្មម​ៗ​ ​នៅ​លេង​ ​ញ៉ាំ​ធម្មតា​ ​គ្មាន​បញ្ហា​ចោទ​ទេ​ ​គ្រាន់​ញ៉ាំ​ថ្នាំបញ្ចុះ​កម្តៅ​ទៅ​ ​វិល​ទៅ​សភាព​ធម្មតា​វិញ​ហើយ​។​

​កូនតូច​ក្តៅ​ខ្លួន​ខ្លាំង​ធ្វើ​ម៉េច​?​
​បើសិនជា​អូន​តូច​ក្តៅ​ខ្លួន​ខ្លាំង​ ​ចាប់ពី​ ​៣៨,៥​ ​អង្សា​រសេ​ ​លើស​ពី២ថ្ងៃ​ ​ហើយ​មិន​ញ៉ាំ​ ​លែង​សូវ​សកម្ម​ដូចមុន​ ​ម៉ាក់ប៉ា​ត្រូវ​ប្រញាប់​នាំ​កូន​ទៅពេទ្យ​ ​។​ ​តែ​ភ្លាម​ៗ​ ​យើង​អាច​ជួយ​បញ្ចុះ​កម្តៅ​កូន​តាមវិធី​ខាងក្រោម​នេះ​ ​ដើម្បីកុំឲ្យ​អា​អូន​ក្តៅ​ខ្លួន​កាន់តែ​ខ្លាំង​ ​ឈាន​ដល់​ប្រកាច់​ ​។​

• មិន​ត្រូវ​ឱ្យ​កូន​ពាក់​ខោអាវ​ជិត​ ​និង​ក្រាស់​ៗ​
• ឱ្យ​អូន​តូច​ញ៉ាំទឹក​ឱ្យ​បាន​ច្រើន​
• ​ឱ្យ​កូន​ញ៉ាំ​ថ្នាំបញ្ចុះ​កម្តៅ​ ​(​មិន​ត្រូវ​ឱ្យ​កូន​ញ៉ាំ​ថ្នាំ​ផ្តេសផ្តាស​ ​ក្រៅពី​ថ្នាំបញ្ចុះ​កម្តៅ​)​
• យក​កន្សែង​ជ្រលក់​ទឹ​ក​សើម​ៗ​មក​ជូត​ខ្លួន​កូន​ ​ឱ្យ​បាន​ញឹកញាប់​ ​ពិសេស​រុំ​នៅ​តំបន់​ដែល​មាន​សរសៃ​ឈាម​ធំៗ​ ​ដូចជា​ក្លៀក​ ​បរិវេណ​កជា​ដើម​ ​៕​