Connect with us

អាមេរិក​ផ្ដល់​នាវា​ល្បាត​ ​៦គ្រឿង​ ​តម្លៃ​ជាង១០លាន​ដុល្លារ​ ​ឱ្យ​វៀតណាម​

វៀតណាម​ ​៖​ ​សហរដ្ឋអាមេរិក​ ​បាន​បញ្ជូន​នាវា​ល្បាត​ចំនួន​ ​៦គ្រឿង​ ​ដែល​មានតម្លៃ​ ​១២លាន​ដុល្លារ​ ​ទៅ​ឱ្យ​ឆ្មាំ​សមុទ្រ​វៀតណាម​ ​ដើម្បី​រឹត​បន្តឹង​ទំនាក់ទំនង​ប្រទេស​ទាំងពីរ​ ​នេះ​បើ​យោង​តាម​សេចក្ដីថ្លែង​ការណ៍​របស់​ស្ថានទូត​អាមេរិក​ ​ប្រចាំ​ប្រទេស​វៀតណាម​ ​នៅដើម​ខែមេសា​ ​ឆ្នាំ២០១៩នេះ​។​ នាវា​ល្បាត​ទាំង៦គ្រឿង​ ​ជា​ការ​ផ្ដល់​ឱ្យ​បន្ថែម​ទៀត​ ​សម្រាប់​វៀតណាម​ ​បន្ទាប់ពី​នាវា​ល្បាត​ ​១២គ្រឿង​ ​ត្រូវ​បាន​សហរដ្ឋអាមេរិក​ ​ផ្ដល់​ឱ្យ​ក្រុង​ហាណូយ​ ​កាលពី​ ​២ឆ្នាំមុន​។​


​ក្នុង​សេចក្ដីថ្លែង​ការណ៍​របស់​ស្ថានទូត​អាមេរិក​ ​ប្រចាំ​ប្រទេស​វៀតណាម​ ​ឱ្យ​ដឹង​ទៀត​ថា​ ​ការ​ផ្ដល់​ជូន​នេះ​ ​ដើម្បី​ជំរុញ​កិច្ច​សហប្រតិបត្តិ​ការ​ក្នុង​ការ​ពង្រឹង​វិស័យ​ច្បាប់​សមុទ្រ​ ​ការរុករក​ ​និង​ជួយសង្គ្រោះ​ ​និង​ជំនួយ​មនុស្សធម៌​ ​នៅក្នុង​ដែនទឹក​របស់​វៀតណាម​ ​និង​តំបន់​សេដ្ឋកិច្ច​ ​។​ ​គួរ​បញ្ជាក់​ថា​ ​នាវា​ល្បាត​របស់​អាមេរិក​ ​មាន​ល្បឿន​រហូតដល់​ ​៩៣គីឡូម៉ែត្រ​ក្នុង​មួយ​ម៉ោង​ ​ដែល​ផលិត​ដោយក្រុម​ហ៊ុន​អាមេរិក​ ​Gravois​ ​Aluminium​ ​Boats​ ​LLC​ ​៕​

​ប្រភព​៖​ ​Reuters​
​ប្រែ​សម្រួល​៖​ ​ចាន់​ ​សោភ័ណ្ឌ​លាភ​

    Loading...

    ពេញនិយម