កូនខ្មែរ​ ​Maddox​ ​ដែល​លោកស្រី​ ​ជូ​លី​ ​យក​ទៅ​ចិញ្ចឹម​ជា​កូន​ ​នឹង​ចូលរៀន​នៅ​សាកល​វិទ្យាល័យ​

​បរទេស​ ​៖​ ​លោកស្រី​ ​អេន​ជេ​លី​ណា​ ​ជូ​លី​ ​កាលពី​ថ្ងៃទី៣​ ​ខែមេសា​ ​ឆ្នាំ២០១៩​ ​បាន​បង្ហាញ​ពី​សេចក្ដីរំភើប​ ​និង​មាន​មោទនភាព​ចំពោះ​កូនប្រុស​ ​គឺ​ ​Maddox​ ​ដែល​បាន​ចូលរៀន​នៅ​សាកល​វិទ្យាល័យ​ហើយ​។​ ​ការ​រំភើប​នេះ​ ​គឺ​ដោយសារតែ​លោកស្រី​ ​អេន​ជេ​លី​ណា​ ​ជូ​លី​ ​មិនធ្លាប់​បាន​ចូលរៀន​នៅ​សាកល​វិទ្យាល័យ​នោះ​ទេ​ ​។​ ​

​លោកស្រី​ ​ជូ​លី​ ​មិនបាន​បង្ហើប​ពី​ឈ្មោះ​សាកល​វិទ្យាល័យ​ ​ដែល​កូនប្រុស​វ័យ១៧ឆ្នាំ​របស់​គាត់​ ​បាន​ចូលរៀន​នោះ​ទេ​ ​។​ ​យ៉ាងណាក៏ដោយ​ ​តារា​សម្ដែង​វ័យ៤៣ឆ្នាំ​រូប​នេះ​ ​ត្រូវ​បាន​រាយការណ៍​ថា​ ​ធ្លាប់ទៅ​ដល់​សាកល​វិទ្យាល័យ​ ​នៅ​ក្រុង​សេអ៊ូល​ ​សាធារណរដ្ឋ​កូរ៉េ​ ​កាលពី​ខែវិច្ឆិកា​ ​កន្លងទៅ​ ​។​ ​កំពូល​សាកល​វិទ្យាល័យ​ចំនួន​ ​៣​ ​នៅ​ក្រុង​សេអ៊ូល​ ​ដែលគេ​ស្គាល់​ ​មាន​ដូចជា​ ​សាកល​វិទ្យាល័យ​សេអ៊ូល​ ​(​University​ ​of​ ​Seoul​)​,​ ​សាកល​វិទ្យាល័យ​ ​គូក​មីន​ ​(​Kookmin​ ​University​)​ ​និង​ ​សាកល​វិទ្យាល័យ​ជាតិ​សេអ៊ូល​ ​(​Seoul​ ​National​ ​University​)​ ​។​

​ជា​ការ​កត់សម្គាល់​ ​កាលពី​ខែកុម្ភៈ​ ​ឆ្នាំ២០១៩​ ​Maddox​ ​និង​លោកស្រី​ ​ជូ​លី​ ​ក៏បាន​ទៅ​ចូល​ទស្សនា​នៅ​សកល​វិទ្យាល័យ​ញ៉ូ​វយ៉​ក​ ​ផង​ដែរ​។​ Maddox​ ​បាន​រៀន​ភាសា​កូរ៉េ​ ​ដោយមាន​គ្រូបង្រៀន​ម្នាក់ ​។​ ​លើស​ពីនេះ​ ​លោកស្រី​ ​ជូ​លី​ ​បាន​ប្រាប់​សារព័ត៌មាន​បរទេស​ ​កាលពី​ឆ្នាំ២០១៦ថា​ ​Maddox​ ​ធ្លាប់​រៀន​ភាសា​អាល្លឺម៉ង់​ ​និង​រុស្ស៊ី​ផង​ដែរ​ ​។​

​សូម​បញ្ជាក់​ថា​ ​Maddox​ ​ដែល​ជា​កូនខ្មែរ​ ​ត្រូវ​បាន​លោកស្រី​ ​ជូ​លី​ ​និង​តារា​សម្ដែង​លោក​ ​Brad​ ​Pitt​ ​យក​ទៅ​ចិញ្ចឹម​ ​តាំងពី​ឆ្នាំ២០០៣​ ​។​ ​តែ​អ្នក​ទាំងពីរ​ ​បាន​លែងលះ​គ្នា​កាលពី​ឆ្នាំ២០១៦​ ​ដោយ​បន្ទុក​កូន​ទាំង៦នាក់​ ​គឺជា​ទំនួល​ខុសត្រូវ​របស់​អ្នក​ទាំងពីរ​ ​៕​

 
​ប្រភព​៖​ ​Daily​ ​Mail​
​ប្រែ​សម្រួល​៖​ ​ចាន់​ ​សោភ័ណ្ឌ​លាភ​