ត្រឹម១សប្ដាហ៍​ ​រឿង​ថ្មី២​ ​បាន​កើតឡើង​នៅ​ព្រលា​នយន្ត​ហោះ​អន្តរជាតិ​ភ្នំពេញ​

​ភ្នំពេញ​÷​ ​នៅដើម​ខែមេសា​ ​ឆ្នាំ២០១៩នេះ​ ​នៅ​ព្រលា​នយន្ត​ហោះ​អន្តរជាតិ​ភ្នំពេញ​ ​មានរឿង​ថ្មី​ចំនួន​ ​២​ ​ដែល​គួរឲ្យ​ចាប់អារម្មណ៍​ ​ក្នុង​នោះ​ ​ទី១​ ​ការ​មកដល់​ជាលើកដំបូង​របស់​ជើងហោះហើរ​ក្រុមហ៊ុន​អាកាសចរណ៍​ហ្វីលីពីន​ ​និង​ ​ទី២​ ​យន្តហោះ​ជំនាន់​ចុងក្រោយ​ ​Airbus​ ​A350​ ​បាន​ចុះចត​ជា​លើកទីមួយ​ ​នៅ​ព្រលា​នយន្ត​ហោះ​អន្តរជាតិ​ភ្នំពេញ​។​

​ជើងហោះហើរ​ក្រុមហ៊ុន​អាកាសចរណ៍​ហ្វីលីពីន​ ​បាន​ចុះចត​នៅ​រាជធានី​ភ្នំពេញ​ជាលើកដំបូង​ ​កាលពី​ថ្ងៃទី២​ ​ខែមេសា​ ​ឆ្នាំ២០១៩​ ​ដែល​នេះ​ជា​ការ​តភ្ជាប់​ជើងហោះហើរ​ត្រង់​ ​ភ្នំពេញ​-​ម៉ានីល​ ​(​ប្រទេស​ហ្វីលីពីន​)​។​ ​ការហោះហើរ​របស់​អាកាសចរណ៍​ហ្វីលីពីន​ ​មាន​ចំនួន​ ​៥ដង​ក្នុង​មួយ​សប្ដាហ៍​ ​ពោល​គឺ​ ​ថ្ងៃ​ចន្ទ​ ​អង្គារ​ ​ព្រហស្បតិ៍​ ​សុក្រ​ ​និង​ថ្ងៃសៅរ៍​។​ ​សម្រាប់​ ​ជើង​ ​ហោះហើរ​ ​ភ្នំពេញ​-​ម៉ានីល​ ​ក្រុមហ៊ុន​ ​ធ្លាប់​បង្ហើប​ថា​ ​នឹង​ប្រើប្រាស់​ ​យន្តហោះ​ ​ប្រភេទ​ ​Airbus​ ​A320​ ​ដែល​ ​អាច​ ​ផ្ទុក​ ​អ្នក​ ​ដំណើរ​ ​១៥៦​ ​នាក់​ ​និង​ ​Airbus​ ​A321​ ​ដែល​ ​ផ្ទុក​ ​អ្នក​ ​ដំណើរ​ ​បាន​ ​១៩៩​ ​នាក់​ ​។​

​

តាមរយៈ​ជើងហោះហើរ​ត្រង់​ ​ភ្នំពេញ​-​ម៉ានីល​ ​នេះ​ដែរ​ ​ព្រះរាជាណាចក្រ​កម្ពុជា​ ​ត្រូវ​បាន​ផ្សារភ្ជាប់​ដោយ​ផ្ទាល់​ ​ទៅកាន់​ប្រទេស​ចំនួន​ ​៨​ ​ក្នុងចំណោម​ប្រទេស១០​ ​នៅ​អាស៊ាន​។​ ​

ដោយឡែក​ ​កាលពី​ថ្ងៃទី៣​ ​ខែមេសា​ ​ឆ្នាំ២០១៩​ ​យន្តហោះ​ប្រភេទ​ ​A350​ ​ដំបូង​ ​បាន​ចុះចត​នៅ​ព្រលា​នយន្ត​ហោះ​អន្តរជាតិ​ភ្នំពេញ​។​ ​នេះ​ជា​យន្តហោះ​ជំនាន់​ចុងក្រោយ​ ​ដែល​មាន​បច្ចេកវិទ្យា​ទំនើប​របស់​ក្រុមហ៊ុន​ ​Airbus​ ​។​ ​ជើងហោះហើរ​នេះ​ ​ប្រតិបត្តិ​ការ​ដោយក្រុម​ហ៊ុន​អាកាសចរណ៍​ ​Qatar​ ​Airways​ ​ដោយធ្វើ​ការហោះហើរ​រវាង​ក្រុង​ ​ដូហា​ ​ទៅមក​ ​រាជធានី​ភ្នំពេញ​៕​

​
​អត្ថបទ​៖​ ​ចាន់​ ​សោភ័ណ្ឌ​លាភ​